കുടുംബാംഗങ്ങള്ക്കും സുഹൃത്തുക്കള്ക്കുമൊപ്പം തന്റെ 41-ാം പിറന്നാള് ആഘോഷമാക്കി നടി സോനം കപൂര്. സോനത്തിന്റെ കസിന് അന്ഷുല കപൂറാണ് ആഘോഷങ്ങളുടെ ചിത്രങ്ങള് ഇന്സ്റ്റഗ്രാമിലൂടെ പങ്കുവെച്ചത്. അര്ജുന് കപൂര്, മസാബ ഗുപ്ത, ഹര്ഷവര്ദ്ധന് കപൂര് തുടങ്ങി നിരവധി പ്രമുഖര് മുംബൈയില് നടന്ന ഈ പാര്ട്ടിയില് പങ്കെടുത്തു.
"ഈ ബ്രഞ്ചിന് ഉണ്ടായിരുന്ന കേക്കിന്റെ അളവ് കണ്ടിട്ട് ഒരു ചെറിയ ഗ്രാമത്തിന് മൊത്തം കൊടുക്കാന് പ്ലാന് ചെയ്തതാണെന്ന് തോന്നും. എന്തായാലും ഒട്ടും ഖേദമില്ല. ജന്മദിനാശംസകള് സോനം ദിദി," - ചിത്രങ്ങള് പങ്കുവെച്ചുകൊണ്ട് അന്ഷുല കുറിച്ചു.
റെഡ് ആന്ഡ് വൈറ്റ് പ്രിന്റഡ് ഡ്രസ്സില് അതീവ സുന്ദരിയായാണ് സോനം പാര്ട്ടിയില് പ്രത്യക്ഷപ്പെട്ടത്. വസ്ത്രത്തിന്റെ കൈകളിലെ ഫെതര് ഡീറ്റൈലിംഗും മിനിമല് മേക്കപ്പും സ്ലീക്ക് ഹെയര്സ്റ്റൈലും താരത്തിന് കൂടുതല് എലഗന്റ് ലുക്ക് നല്കി. മക്കളായ വായുവിനും രുദ്രലോകിനുമൊപ്പം അതീവ സന്തോഷവതിയായാണ് സോനം ചിത്രങ്ങളിലുള്ളത്.
2018 മെയ് മാസത്തിലായിരുന്നു വ്യവസായിയായ ആനന്ദ് അഹൂജയുമായുള്ള സോനത്തിന്റെ വിവാഹം. 2022 ഓഗസ്റ്റില് മൂത്തമകന് വായുവും, 2026 മാര്ച്ചില് രണ്ടാമത്തെ മകന് രുദ്രയും ജനിച്ചു. 2023-ല് പുറത്തിറങ്ങിയ 'ബ്ലൈന്ഡ്' എന്ന ചിത്രത്തിലാണ് സോനം അവസാനമായി അഭിനയിച്ചത്.
