നീലത്താമര എന്ന മലയാളചിത്രത്തില് ചെറിയൊരു വേഷം ചെയ്ത് വെള്ളിത്തിരയിലെത്തിയ താരമാണ് അമല പോള്. അതിനുശേഷം തമിഴിൽ താരം രണ്ടു സിനിമകൾ ചെയ്തുവെങ്കിലും വിജയിച്ചില്ല. പിന്നീട് ‘മൈന’ എന്ന ചിത്രമാണ് താരത്തിന്റെ കരിയറില് വഴിത്തിരിവായത്. ആ സിനിമ സൂപ്പര്ഹിറ്റാകുകയും തമിഴ്നാട് സർക്കാരിന്റെ മികച്ച നടിക്കുളള പുരസ്കാരം അമലയ്ക്ക് ലഭിക്കുകയും ചെയ്തു.
അതോടെ തമിഴ്, തെലുങ്ക് സിനിമകളിലെ മുൻനിര നായികയായി താരം വളർന്നു. മികച്ച കഥാപാത്രങ്ങളെ സമ്മാനിച്ച താരം ഹിന്ദി സിനിമകളിലടക്കം തിളങ്ങി. 2023 ലാണ് അമല പോള് ഗുജറാത്തി വ്യവസായിയായ ജഗത് ദേശായിയെ വിവാഹം ചെയ്തത്. 2024 ജൂൺ 11 നാണ് അമലയ്ക്കും ജഗതിനും ഇളൈയ് എന്ന മകൻ പിറന്നത്. മകന്റെ വിശേഷങ്ങളും ക്യൂട്ട് ചിത്രങ്ങളുമടക്കം പങ്കിട്ട് സോഷ്യല് മീഡിയയില് നിറഞ്ഞു നില്ക്കുകയാണ് താരം.
ഇപ്പോഴിതാ തന്റെ മകന്റെ രണ്ടാം ജന്മദിനത്തില് ഹൃദയഹാരിയായ ഒരു പോസ്റ്റ് പങ്കിടുകയാണ് അമല പോള്. മകന്റെ ജന്മദിനത്തില് ആനയെ കാണിക്കാനാണ് അമല കൊണ്ടുപോയത്. ഇളൈയെ കൈയിലെടുത്ത് നില്ക്കുന്ന അമല ആനയ്ക്ക് ആഹാരം കൊടുക്കുന്നതും വീഡിയോയിലുണ്ട്.
‘‘എന്റെ ജീവിതത്തിലെ പ്രണയത്തിന് ഇന്ന് രണ്ട് വയസ്സ് തികയുന്നു...മറ്റൊരാളെ നിരുപാധികമായി സ്നേഹിക്കുന്നതിനിടയിൽ സ്വയം തിരഞ്ഞെടുക്കാൻ നിങ്ങളെ ഓർമ്മിപ്പിക്കുന്ന ഒരു സ്നേഹം...മാജിക്...കൃതജ്ഞത. എല്ലാം...അതുപോലെ, ഞാൻ മാതൃത്വത്തിന്റെ രണ്ട് വർഷങ്ങൾ ആഘോഷിക്കുന്നു... ഇരട്ടകളുടെ പരമമായ അനുഗ്രഹം....’’ എന്നാണ് അമല പോള് തന്റെ കുഞ്ഞിനൊപ്പമുള്ള ചിത്രങ്ങള് പങ്കിട്ട് സോഷ്യല് മീഡിയയില് കുറിച്ചത്.
