മാസങ്ങള് നീണ്ട തന്റെ ശാരീരിക മാറ്റത്തിന്റെ കഠിനമായ യാത്ര ചുരുങ്ങിയ സെക്കന്ഡുകള്ക്കുളളില് കോര്ത്തിണക്കിയ ഒരു വീഡിയോയിലൂടെ പങ്കുവെച്ച് നടി ഗ്രേസ് ആന്റണി. ‘മാസങ്ങളുടെ കഠിനാധ്വാനം ചില സെക്കന്ഡുകളില്‘ എന്ന അടിക്കുറിപ്പോടെയാണ് താരം ജിമ്മിലെ വര്ക്കൗട്ട് ദൃശ്യങ്ങള് ഉള്പ്പെടുത്തിയ വീഡിയോ പങ്കുവെച്ചിരിക്കുന്നത്.
ഗ്രേസ് പങ്കുവെച്ച വീഡിയോയില് ഏറെ ശ്രദ്ധേയമായത് താരം നല്കിയ ഒരു ചോദ്യവും അതിനുളള മറുപടിയുമാണ്. ‘ആരാണ് നിങ്ങളുടെ പ്രചോദനം ? എന്ന ചോദ്യത്തിന് ഞാന് തന്നെ !’എന്നാണ് ഗ്രേസ് നല്കിയ ഉത്തരം.
ആരോഗ്യപ്രശ്നങ്ങളും ശാരീരിക ബുദ്ധിമുട്ടുകളും നേരിട്ട ഒരു ഘട്ടത്തില് നിന്നാണ് തന്റെ മനക്കരുത്ത് കൊണ്ട് നൃത്തത്തിലേക്കും പൂര്ണ ഫിറ്റ്സനിലേക്കും തിരിച്ചെത്തിയത് എന്ന് ഗ്രേസ് ആന്റണി പറഞ്ഞിരുന്നു. ഈ മാറ്റത്തിന് പിന്നില് വ്യക്തിഗത ട്രെയിനര് അലി ഷിഫാസിന്റെ കര്ശനമായ മാര്ഗനിര്ദ്ദേശവുമുണ്ടായിരുന്നു.
നിരവധിപ്പേരാണ് ഗ്രേസിന്റെ ഈ വീഡിയോയ്ക്ക് താഴെ കമന്റുകളുമായെത്തുന്നത്. പലര്ക്കും വലിയൊരു പ്രചോദനമാണ് ഗ്രേസിന്റെ ഈ പുതിയ ലുക്ക് എന്നാണ് ചിലര് പറയുന്നത്.
