ന്യൂഡല്ഹി: ഭൂകമ്പത്തിനു തൊട്ടുമുമ്പ് വെനസ്വേലയിലെ ലക്ഷക്കണക്കിന് ആളുകളുടെ ആന്ഡ്രോയിഡ് ഫോണുകളില് മുന്നറിയിപ്പ് ലഭിച്ചു. ശക്തമായ ഭൂകമ്പം ഉണ്ടാകുന്നതിന് ഏതാനും സെക്കന്ഡുകള്ക്കു മുമ്പായിരുന്നു മുന്നറിയിപ്പ്.
മുന്നറിയിപ്പില്ലാതെ പ്രകൃതി ആഞ്ഞടിക്കുമ്പോള് ജീവന് രക്ഷിക്കാന് ഇത്തരം സാങ്കേതികവിദ്യയ്ക്ക് കഴിയുമോ എന്ന ചോദ്യം ഇതോടെ ശക്തമായി. കഴിയും എന്നു തന്നെയാണ് വിദഗ്ധര് നല്കുന്ന ഉത്തരം. ഭൂകമ്പം പ്രവചിക്കാന് ഗൂഗിളിനു കഴിയില്ല. പകരം, അതിന്റെ ആദ്യലക്ഷണങ്ങള് കണ്ടെത്താനും ശക്തമായ ഭൂചലനം വരും മുമ്പ് പ്രദേശത്തെ ആളുകള്ക്ക് മുന്നറിയിപ്പ് നല്കാനും കഴിയും. വെനസ്വേലയില് ഗൂഗിളിന്റെ ആന്ഡ്രോയിഡ് ഭൂകമ്പ അലെര്ട്ട് സിസ്റ്റം പ്രാരംഭ ചലനങ്ങള് തിരിച്ചറിഞ്ഞു.
വിനാശകരമായ ഭൂചലനമുണ്ടാകുന്നതിനു മുമ്പ് ഉപയോക്താക്കള്ക്ക് മുന്നറിയിപ്പ് നല്കി. ചെറിയ ഭൂചലനങ്ങള് തിരിച്ചറിയാന് കഴിയുന്ന മോഷന് സെന്സറുകള് ഘടിപ്പിച്ച കോടിക്കണക്കിന് ആന്ഡ്രോയിഡ് സ്മാര്ട്ട്ഫോണുകളെയാണ് സാങ്കേതികവിദ്യ ആശ്രയിക്കുന്നത്. ആന്ഡ്രോയിഡ് ഫോണുകള് ഒരു വലിയ വിതരണ സെന്സര് ശൃംഖലയായി പ്രവര്ത്തിക്കുന്നുണ്ടെന്ന് എച്ച്.ആര് അനെക്സിയുടെ ഡയറക്ടര് നിഖര് അറോറ ചൂണ്ടിക്കാട്ടി. അവയുടെ ആക്സിലറോമീറ്ററുകള് പി-വേവ്സ് എന്നറിയപ്പെടുന്ന പ്രാഥമിക ഭൂകമ്പ തരംഗങ്ങളുടെ വരവ് കണ്ടെത്തും.
'നിരവധി ഉപകരണങ്ങളില് ഒരേ പാറ്റേണ് തിരിച്ചറിയുന്നതിലൂടെ, ഗൂഗിള് അല്ഗോരിതങ്ങള് ഭൂകമ്പത്തിന്റെ സ്ഥാനവും വലുപ്പവും കണക്കാക്കും. പ്രദേശത്തുള്ള എല്ലാ ആളുകളെയും വിവരം അറിയിക്കുകയും ചെയ്യും. ഏതാനും നിമിഷങ്ങള് മാത്രം നീണ്ടുനില്ക്കുന്ന ഒരു മുന്നറിയിപ്പാകും ഇത്. എന്നാല് അടിയന്തിര സാഹചര്യങ്ങളില്, ആ നിമിഷങ്ങള് നിര്ണായകമായ മാറ്റമുണ്ടാക്കും.
ഭൂകമ്പസമയത്തു മാത്രമല്ല, മറ്റു ദുരന്തങ്ങളിലും ആളുകള്ക്ക് ഈ രീതിയില് മുന്നറിയിപ്പ് ലഭിക്കും.'-അറോറ പറഞ്ഞു. ദുരന്തനിവാരണത്തെ ശക്തിപ്പെടുത്താനും പ്രതിരോധശേഷി മെച്ചപ്പെടുത്താനും സാങ്കേതികവിദ്യയ്ക്ക് എങ്ങനെ കഴിയുമെന്ന് വെനസ്വേലയുടെ അനുഭവം വ്യക്തമാക്കുന്നതായി എന്വിറോകെയര് ഫൗണ്ടേഷന്റെ സഹസ്ഥാപകന് ഹൃഷിത് പന്ത്രി പറഞ്ഞു.
പരമ്പരാഗത നിരീക്ഷണ കേന്ദ്രങ്ങളെ മാത്രം ആശ്രയിക്കുന്നതിനുപകരം അധികൃതരും സാങ്കേതിക കമ്പനികളും പരസ്പര ബന്ധിതമായ ഉപകരണങ്ങള്, ക്ലൗഡ് കമ്പ്യൂട്ടിങ്, തത്സമയ ഡേറ്റ നെറ്റ്വര്ക്കുകള് എന്നിവയിലേക്കു കൂടുതലായി തിരിയണമെന്നും അദ്ദേഹം അഭ്യര്ഥിച്ചു.
മുന്നറിയിപ്പില്ലാതെ പ്രകൃതി ആഞ്ഞടിക്കുമ്പോള് ജീവന് രക്ഷിക്കാന് ഇത്തരം സാങ്കേതികവിദ്യയ്ക്ക് കഴിയുമോ എന്ന ചോദ്യം ഇതോടെ ശക്തമായി. കഴിയും എന്നു തന്നെയാണ് വിദഗ്ധര് നല്കുന്ന ഉത്തരം. ഭൂകമ്പം പ്രവചിക്കാന് ഗൂഗിളിനു കഴിയില്ല. പകരം, അതിന്റെ ആദ്യലക്ഷണങ്ങള് കണ്ടെത്താനും ശക്തമായ ഭൂചലനം വരും മുമ്പ് പ്രദേശത്തെ ആളുകള്ക്ക് മുന്നറിയിപ്പ് നല്കാനും കഴിയും. വെനസ്വേലയില് ഗൂഗിളിന്റെ ആന്ഡ്രോയിഡ് ഭൂകമ്പ അലെര്ട്ട് സിസ്റ്റം പ്രാരംഭ ചലനങ്ങള് തിരിച്ചറിഞ്ഞു.
വിനാശകരമായ ഭൂചലനമുണ്ടാകുന്നതിനു മുമ്പ് ഉപയോക്താക്കള്ക്ക് മുന്നറിയിപ്പ് നല്കി. ചെറിയ ഭൂചലനങ്ങള് തിരിച്ചറിയാന് കഴിയുന്ന മോഷന് സെന്സറുകള് ഘടിപ്പിച്ച കോടിക്കണക്കിന് ആന്ഡ്രോയിഡ് സ്മാര്ട്ട്ഫോണുകളെയാണ് സാങ്കേതികവിദ്യ ആശ്രയിക്കുന്നത്. ആന്ഡ്രോയിഡ് ഫോണുകള് ഒരു വലിയ വിതരണ സെന്സര് ശൃംഖലയായി പ്രവര്ത്തിക്കുന്നുണ്ടെന്ന് എച്ച്.ആര് അനെക്സിയുടെ ഡയറക്ടര് നിഖര് അറോറ ചൂണ്ടിക്കാട്ടി. അവയുടെ ആക്സിലറോമീറ്ററുകള് പി-വേവ്സ് എന്നറിയപ്പെടുന്ന പ്രാഥമിക ഭൂകമ്പ തരംഗങ്ങളുടെ വരവ് കണ്ടെത്തും.
'നിരവധി ഉപകരണങ്ങളില് ഒരേ പാറ്റേണ് തിരിച്ചറിയുന്നതിലൂടെ, ഗൂഗിള് അല്ഗോരിതങ്ങള് ഭൂകമ്പത്തിന്റെ സ്ഥാനവും വലുപ്പവും കണക്കാക്കും. പ്രദേശത്തുള്ള എല്ലാ ആളുകളെയും വിവരം അറിയിക്കുകയും ചെയ്യും. ഏതാനും നിമിഷങ്ങള് മാത്രം നീണ്ടുനില്ക്കുന്ന ഒരു മുന്നറിയിപ്പാകും ഇത്. എന്നാല് അടിയന്തിര സാഹചര്യങ്ങളില്, ആ നിമിഷങ്ങള് നിര്ണായകമായ മാറ്റമുണ്ടാക്കും.
ഭൂകമ്പസമയത്തു മാത്രമല്ല, മറ്റു ദുരന്തങ്ങളിലും ആളുകള്ക്ക് ഈ രീതിയില് മുന്നറിയിപ്പ് ലഭിക്കും.'-അറോറ പറഞ്ഞു. ദുരന്തനിവാരണത്തെ ശക്തിപ്പെടുത്താനും പ്രതിരോധശേഷി മെച്ചപ്പെടുത്താനും സാങ്കേതികവിദ്യയ്ക്ക് എങ്ങനെ കഴിയുമെന്ന് വെനസ്വേലയുടെ അനുഭവം വ്യക്തമാക്കുന്നതായി എന്വിറോകെയര് ഫൗണ്ടേഷന്റെ സഹസ്ഥാപകന് ഹൃഷിത് പന്ത്രി പറഞ്ഞു.
പരമ്പരാഗത നിരീക്ഷണ കേന്ദ്രങ്ങളെ മാത്രം ആശ്രയിക്കുന്നതിനുപകരം അധികൃതരും സാങ്കേതിക കമ്പനികളും പരസ്പര ബന്ധിതമായ ഉപകരണങ്ങള്, ക്ലൗഡ് കമ്പ്യൂട്ടിങ്, തത്സമയ ഡേറ്റ നെറ്റ്വര്ക്കുകള് എന്നിവയിലേക്കു കൂടുതലായി തിരിയണമെന്നും അദ്ദേഹം അഭ്യര്ഥിച്ചു.
Comments