പാലക്കാട് : മീനാക്ഷിപുരത്ത് അച്ഛൻ മകളെ ക്രൂരമായി മർദിച്ചതായി പരാതി. അഞ്ചാം ക്ലാസ് വിദ്യാർഥിനിയെയാണ് അച്ഛൻ ക്രൂരമായി വിറക് കഷ്ണങ്ങൾ കൊണ്ട് മർദിച്ചത്. ഇയാൾ ലഹരിക്കടിമയാണെന്ന് സംശയിക്കുന്നതായും മീനാക്ഷിപുരം പോലീസ് വ്യക്തമാക്കി.
വണ്ടിത്താവളം കെയോടാണ് സംഭവം. മർദിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിലൂടെ പ്രചരിച്ചതിനെത്തുടർന്ന് പോലീസ് കുട്ടിയുടെ വീട്ടിലെത്തുകയായിരുന്നു.
എന്നാൽ, പരാതി നൽകാൻ നിലവിൽ അമ്മയും കുട്ടിയും തയാറായില്ല. വിഷയം ചൈൽഡ് ലൈന്റെ ശ്രദ്ധയിൽ പ്പെടുത്തി തുടർ നടപടിയുമായി നീങ്ങാനാണ് മീനാക്ഷിപുരം പൊലീസിന്റെ നീക്കം.
