ഗായിക സിതാര കൃഷ്ണകുമാറിന് പിറന്നാള് ആശംസകള് നേര്ന്ന് ഗായകന് വിധു പ്രതാപ്. എഐ വെച്ച് ക്രിയേറ്റ് ചെയ്ത ഇരുവരുടെയും രസകരമായ ചിത്രങ്ങള്ക്കൊപ്പമാണ് വിധു പ്രതാപിന്റെ കുറിപ്പ്.
'' സിത്തു.. നമ്മള് തമ്മില് ഒരു മത്സരം വേണ്ട. പിറന്നാള് നിന്റേതാണേലും ഫാഷനില് ഞാനേ ജയിക്കൂ. ഹാപ്പി ബര്ത്ത്ഡേ സിത്തൂസ്'', എന്നാണ് വിധു പ്രതാപ് കുറിച്ചത്.
വിധു പ്രതാപിന്റെ പോസ്റ്റിന് താഴെ സിതാരയക്ക് പിറന്നാള് ആശംസകള് അറിയിച്ച് ആരാധകരും എത്തി. രസകരമായ കമന്റുകളും ചിത്രങ്ങള്ക്ക് ലഭിക്കുന്നുണ്ട്. ' സിത്തു: വിധു അണ്ണാ, പിറന്നാള് ആശംസകള് പറഞ്ഞില്ല എങ്കിലും കുഴപ്പമില്ല. ഇത് ഒരു മാതിരി പിറന്നാള് ആശംസകള് ആയി പോയി', ' കിഴക്കന് മലയില് നിന്ന ഒരു പരിഷ്കാരി വരുന്നു എന്ന് പറഞ്ഞപ്പോ ഇത്ര പ്രതീക്ഷിച്ചില്ല' , ' ടൊവിനോ- ബേസിലിന്റെ മ്യൂസിക് വേര്ഷന് ആണ് ഇവര്' എന്നിങ്ങനെ പോകുന്നു കമന്റുകള്.
മലയാളികള്ക്ക് ഏറെ പ്രിയപ്പെട്ട ചലച്ചിത്രപിന്നണി ഗായികയാണ് സിതാര കൃഷ്ണകുമാര്. റിയാലിറ്റി ഷോയിലൂടെയാണ് സിതാര പിന്നണിഗാനരംഗത്തെത്തുന്നത്. മികച്ച ഗായികയ്ക്കുളള സംസ്ഥാന പുരസ്കാരം 3 തവണ നേടിയുണ്ട്. ടെലിവിഷന് പരിപാടികളിലും സജീവമാണ്.
