വന്ദേഭാരത് ട്രെയിന് യാത്രയ്ക്കിടെ മുഖ്യമന്ത്രി വി.ഡി സതീശനെ കണ്ടുമുട്ടിയ സന്തോഷം പങ്കുവച്ച് ഗായകന് ഷാഫി കൊല്ലം. മുഖ്യമന്ത്രിയ്ക്കൊപ്പമുളള ചിത്രവും അദ്ദേഹം സോഷ്യല് മീഡിയയിലൂടെ പങ്കുവച്ചു.
'' എന്തൊരു സിംപിള് ആന്ഡ് ഹംപിള് മനുഷ്യനാണ് നമ്മുടെ ബഹുമാന്യനായ CM . തിരുവനന്തപുരത്തേയ്ക്കുള്ള യാത്രയില് വന്ദേ ഭാരതില് അദ്ദേഹത്തിന്റെ തൊട്ടടുത്ത സീറ്റിലായിരുന്നു ഞാന്. അടുത്ത് ചെന്ന് സ്വയം പരിചയപ്പെടുത്തിയപ്പോ അറിയാം ഒരുപാട് കേട്ടിട്ടുണ്ടല്ലോ എന്ന് മറുപടി. ഏറെ അഭിമാനം സന്തോഷം. സെല്ഫിയെടുക്കാന് സമ്മതം ചോദിച്ചതും 'അതിനെന്താ വാ ഏടുത്തോളൂ ഇവിടിരുന്നോളൂ' ഈ മറുപടിയില് അനുഭവിച്ചറിഞ്ഞു ജനങ്ങളുടെ നേതാവ് എന്തായിരിക്കണമെന്ന്. അങ്ങ് നീണാള്വാഴട്ടെ സാര് '', എന്നാണ് ഷാഫി കൊല്ലം ചിത്രത്തിനൊപ്പം കുറിച്ചത്.
ആല്ബം ഗാനങ്ങളിലൂടെ മലയാളി പ്രേക്ഷകരുടെ ഹൃദയം കീഴടക്കിയ ഗായകനാണ് ഷാഫി കൊല്ലം. വേറിട്ട ശബ്ദവുമായെത്തിയ ഷാഫി വളരെ ചുരുങ്ങിയ സമയം കൊണ്ടു തന്നെ പ്രേക്ഷകരുടെ ഹൃദയത്തില് ഇടംപിടിക്കുകയായിരുന്നു. ' തല്ലുമാല' , ' വള' , ' ആകാശം കടന്ന്' തുടങ്ങിയ സിനിമകളിലും ഷാഫി കൊല്ലം അഭിനയിച്ചിട്ടുണ്ട്.
