മഹാരാഷ്ട്രയിലെ റായ്ഗഡ് ജില്ലയിൽ കനത്ത മഴയെയും പ്രളയത്തെയും തുടർന്ന് നദിയിലൂടെ ഒഴുകിയെത്തിയ പാചകവാതക സിലിണ്ടറുകൾ നാട്ടുകാർ എടുത്തുകൊണ്ടുപോകുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നു. റായ്ഗഡിലെ പാടൽഗംഗ നദിയിലാണ് പ്രദേശത്തെ ഗ്യാസ് പ്ലാന്റിൽ നിന്ന് വെള്ളത്തിൽ ഒഴുകിയെത്തിയ നൂറുകണക്കിന് സിലിണ്ടറുകൾ പരന്നൊഴുകിയത്. അപകടസാധ്യത മുൻനിർത്തി അധികാരികൾ കർശന മുന്നറിയിപ്പ് നൽകിയിരുന്നെങ്കിലും, ഇതൊന്നും വകവെയ്ക്കാതെയാണ് ആളുകൾ നദിയിലേക്ക് ഇറങ്ങി സിലിണ്ടറുകൾ പിടിച്ചെടുത്ത് വീടുകളിലേക്ക് കൊണ്ടുപോയത്.
കനത്ത മഴയെത്തുടർന്നുണ്ടായ വെള്ളപ്പൊക്കത്തിൽ പ്ലാന്റിൽ സൂക്ഷിച്ചിരുന്ന നിരവധി സിലിണ്ടറുകൾ നദിയിലേക്ക് ഒഴുകിപ്പോകുകയായിരുന്നു. ഇവയിൽ പലതും വെള്ളത്തിൽ പൊങ്ങിക്കിടക്കുന്ന നിലയിലായിരുന്നു. നദിയിൽ അപകടകരമായ രീതിയിൽ ജലനിരപ്പ് ഉയർന്നുനിൽക്കുമ്പോഴും ജീവൻ പോലും പണയം വെച്ച് ആളുകൾ സിലിണ്ടറുകൾക്കായി തിരച്ചിൽ നടത്തുന്നതും അവ ചുമന്ന് വീടുകളിലേക്ക് പോകുന്നതും വീഡിയോയിൽ വ്യക്തമാണ്.
സിലിണ്ടറുകളിൽ ചോർച്ചയുണ്ടാകാനോ വലിയ തീപിടുത്തങ്ങളോ ദുരന്തങ്ങളോ സംഭവിക്കാനോ സാധ്യതയുണ്ടെന്ന് കാണിച്ച് ജില്ലാ ഭരണകൂടവും പോലീസും ശക്തമായ സുരക്ഷാ മുന്നറിയിപ്പുകൾ നൽകിയിരുന്നു. ആരും സിലിണ്ടറുകൾ കൈക്കലാക്കുകയോ വീടുകളിലേക്ക് കൊണ്ടുപോവുകയോ ചെയ്യരുതെന്നും, അത് കനത്ത അപകടം ക്ഷണിച്ചുവരുത്തുമെന്നും ഔദ്യോഗിക നിർദ്ദേശമുണ്ടായിരുന്നു. എന്നാൽ പ്രളയത്തിന്റെ ദുരിതങ്ങൾക്കിടയിലും ഈ മുന്നറിയിപ്പുകൾ പൂർണ്ണമായി അവഗണിച്ചുള്ള ജനങ്ങളുടെ പ്രവൃത്തി വലിയ ചർച്ചയായിരിക്കുകയാണ്.
"रसोई गैस के सिलेंडर बह रहे हैं.. लूटने की होड़ मची है.. सिलेंडर के लिए लोग अपनी जान से खेलने को तैयार हैं..
वीडियो महाराष्ट्र के रायगढ़ का है.. भीषण बारिश से पातालगंगा नदी में बाढ़ आई है.. पानी एलपीजी के बॉटलिंग प्लांट में घुस गया.. पूरा प्लांट डूब गया.. सिलेंडर पानी में बह… pic.twitter.com/4rfXVI0wCZ— Vivek K. Tripathi (@meevkt) July 9, 2026
പ്രകൃതിക്ഷോഭത്തിന്റെ നടുവിലും സ്വന്തം സുരക്ഷ പോലും നോക്കാതെ സാധനങ്ങൾ എടുത്തുകൊണ്ടുപോകുന്ന ജനങ്ങളുടെ ഈ ദൃശ്യങ്ങൾ വലിയ തോതിലുള്ള വിമർശനങ്ങൾക്ക് ഇടയാക്കിയിട്ടുണ്ട്. അതീവ അപകടകരമായ സാഹചര്യങ്ങൾ നിലനിൽക്കെ അധികൃതരുടെ നിർദ്ദേശങ്ങൾ പാലിക്കാത്തത് ദുരന്തത്തിന്റെ വ്യാപ്തി വർദ്ധിപ്പിക്കുമെന്നും അധികാരികൾ വ്യക്തമാക്കുന്നു. നിലവിൽ ഒഴുകിപ്പോയ സിലിണ്ടറുകൾ തിരികെ പിടിച്ചെടുക്കാനും സുരക്ഷ ഉറപ്പാക്കാനുമുള്ള തീവ്ര ശ്രമത്തിലാണ് ദുരന്തനിവാരണ സേനയും പോലീസും.
Maharashtra: Nearly 3,000 filled and empty LPG cylinders were swept away into the Patalganga River after severe flooding triggered by heavy rainfall inundated HPCL’s bottling plant in Raigad district.
Following the incident, Raigad Collector Kishan Jawale issued a public alert,… pic.twitter.com/ddyZOpSnfZ— Vani Mehrotra (@vani_mehrotra) July 9, 2026
