' പുതിയ നമ്പറുമായിട്ട് ഇറങ്ങുന്നുണ്ട്, ആ വോയ്‌സ് ക്ലിപ്പില്‍ മൂന്നാമതൊരാള്‍ കൂടി ഉണ്ടായിരുന്നു' ; ശ്വേതയെ പരിഹസിച്ച് ഉഷ ഹസീന

രമേഷ് പിഷാരടിയും ശ്വേത മേനോനും തമ്മിലുളള ഫോണ്‍ സംഭാഷണം പുറത്തുവന്ന സംഭവത്തില്‍ ശ്വേത മേനോന് എതിരെ പരോക്ഷപരിഹാസവുമായി നടി ഉഷ ഹസീന. അടര്‍ക്കളത്തിലെ അഭിമന്യു പുതിയ നമ്പറുമായി ഇറങ്ങുന്നുണ്ടെന്ന് ഉഷ ഫേസ്ബുക്കില്‍ കുറിച്ചു. ആ ഫോണ്‍ സംഭാഷണത്തില്‍ മൂന്നാമത് ഒരാള്‍ കൂടി ഉണ്ടായിരുന്നു എന്നാണ് പുതിയ നമ്പറെന്നും ഇത്രയും ബുദ്ധിയും ധൈര്യവും ഇതിന് മുന്‍പ് ചാള്‍സ് ശോഭരാജില്‍ മാത്രമേ കണ്ടിട്ടുളളു എന്നും ഉഷ പരിഹസിക്കുന്നു.

ഉഷ ഹസീന പങ്കുവച്ച കുറിപ്പ്:

എന്റെ പൊന്നോയ്.... അടർക്കളത്തിലെ അഭിമന്യു പുതിയ നമ്പറുമായിട്ട് ഇറങ്ങുന്നുണ്ട് കേട്ടോ.... പുറത്തുവന്ന വോയിസ് ക്ലിപ്പ് ആ ലൈനിൽ മൂന്നാമതൊരാൾ കൂടി ഉണ്ടായിരുന്നു എന്നും അയാളാണ് പുറത്തുവിട്ടത് എന്നാണ് അഭിമന്യു പുതിയ വിശദീകരണവുമായി വരാൻ പോകുന്നതെന്ന് അങ്ങനെയെങ്കിൽ നിങ്ങൾ ആ ലൈനിൽ നിർത്തി കാൾ റെക്കോർഡ് ചെയ്യിച്ച മറ്റൊരാൾ ആരാണെന്ന് നിങ്ങൾ വെളിപ്പെടുത്തണം...അങ്ങനെ ഹൈഡ് ചെയ്ത് മൂന്നാമതൊരാളെ ലൈനിൽ നിർത്തി സംസാരിക്കുന്നതും അത് റെക്കോഡ് ചെയ്യിച്ചതും അതിലും വലിയ കൊടും ചതി... വഞ്ചന നിങ്ങൾ പറയാൻ ഉദ്ദേശിക്കുന്ന പേരൊക്കെ ഞങ്ങൾ അറിഞ്ഞിട്ടുണ്ട്.... ആ പേരൊക്കെ ഞങ്ങൾക്ക് വലിയ കോമഡി ആയിട്ടാണ് തോന്നുന്നത്. ഭയങ്കരമാനആളപ്പാ......... ഇങ്ങനെയുള്ള വക്രബുദ്ധിയും ധൈര്യവും ഒക്കെ ഇതിന് മുൻപ് ഞാൻ എന്റെ ചാൾസ് ശോഭരാജിൽ മാത്രേ കണ്ടിട്ടുള്ളു.
ഈ പരിപ്പ് ഒന്നും ഇവിടെ വേവാൻ പോകുന്നില്ല എന്ന് മാത്രം ഓർമ്മിപ്പിക്കുന്നു.