മക്കളുടെ വളർച്ചയിലും കരിയറിലെ വിജയങ്ങളിലും മാതാപിതാക്കൾ അനുഭവിക്കുന്ന അഭിമാനത്തിന് അളവുകളില്ല. അത്തരത്തിൽ താൻ ജോലി ചെയ്യുന്ന പ്രശസ്തമായ ഗൂഗിൾ ഓഫീസിലേക്ക് മാതാപിതാക്കളെ കൂട്ടികൊണ്ട് പോയ ഒരു യുവതിയുടെ വീഡിയോയാണ് ഇപ്പോൾ സമൂഹമാധ്യമങ്ങളിൽ നിറയുന്നത്. മകളുടെ ജോലിസ്ഥലം നേരില് കാണാനും അവിടെയുള്ള അന്തരീക്ഷം അനുഭവിക്കാനും ലഭിച്ച അവസരം ആ മാതാപിതാക്കളുടെ മുഖത്ത് വലിയ സന്തോഷമാണ് ഉണ്ടാക്കിയത്.
ഓഫീസിലെ വിവിധയിടങ്ങളിലൂടെ മാതാപിതാക്കളെയും കൂട്ടി യുവതി നടത്തിയ നടത്തവും അവർ ഓരോന്നും കൗതുകത്തോടെ വീക്ഷിക്കുന്നതും ദൃശ്യങ്ങളിൽ കാണാം. ഗൂഗിളിന്റെ മനോഹരമായ ഓഫീസ് ക്യാമ്പസും വർണ്ണാഭമായ വർക്ക് സ്പേസുകളും കണ്ട മാതാപിതാക്കൾ അത്ഭുതത്തോടെയാണ് ചുറ്റും നോക്കിയത്. ഈ സന്തോഷ നിമിഷങ്ങൾ ഓരോന്നും മകൾ ഒപ്പിയെടുത്തതും മാതാപിതാക്കൾ ലജ്ജയോടെയും അഭിമാനത്തോടെയും ക്യാമറയിലേക്ക് നോക്കുന്നതും ആളുകളുടെ മനംകവരുന്നതാണ്.
തങ്ങളുടെ മകൾ ഇത്രയും വലിയൊരു സ്ഥാപനത്തിന്റെ ഭാഗമാണെന്ന് കാണുമ്പോഴുള്ള മാതാപിതാക്കളുടെ കണ്ണുകളിലെ തിളക്കം പലരുടെയും കണ്ണ് നനയിക്കുന്നതായിരുന്നു. മക്കൾ കഠിനാധ്വാനം ചെയ്ത് നേടിയ വിജയങ്ങൾ മാതാപിതാക്കൾക്ക് സമർപ്പിക്കുന്ന ഇത്തരം നിമിഷങ്ങൾ എക്കാലത്തും സമൂഹമാധ്യമങ്ങളിൽ വലിയ തരംഗം സൃഷ്ടിക്കാറുണ്ട്. ഈ ചെറിയ സന്ദർശനം കാണികളുടെ ഹൃദയമാണ് കീഴടക്കിയിരിക്കുന്നത്.
കുടുംബത്തിന്റെ പിന്തുണയും പ്രാർത്ഥനയുമാണ് മക്കളുടെ ഓരോ വിജയത്തിന് പിന്നിലുമുള്ള യഥാർത്ഥ ഊർജ്ജമെന്ന് ഈ വീഡിയോ വീണ്ടും ഓർമ്മിപ്പിക്കുന്നു. തിരക്കുപിടിച്ച കോർപ്പറേറ്റ് ജീവിതത്തിനിടയിലും മാതാപിതാക്കൾക്കായി സമയം മാറ്റിവെച്ച യുവതിയെ നിരവധി പേരാണ് അഭിനന്ദിച്ച് രംഗത്തെത്തുന്നത്. ഈ ഹൃദ്യമായ കുടുംബസന്ദർശനം ഇപ്പോൾ ഓൺലൈനിൽ വൻതോതിൽ ഷെയർ ചെയ്യപ്പെട്ടുകൊണ്ടിരിക്കുകയാണ്.
