ഹനോയ്: വിയറ്റ്നാമിലെ പ്രശസ്ത വിനോദസഞ്ചാര കേന്ദ്രമായ ഫു ക്വോക്ക് ദ്വീപിന് സമീപം ഇന്ത്യൻ വിനോദസഞ്ചാരികൾ സഞ്ചരിച്ച ബോട്ട് മറിഞ്ഞു. അപകടത്തെത്തുടർന്ന് വിയറ്റ്നാമിലെ ഇന്ത്യൻ എംബസി അവിടുത്തെ പ്രാദേശിക അധികാരികളുമായി നിരന്തരം ബന്ധപ്പെട്ട് വരികയാണെന്ന് അറിയിച്ചു.കാണാതായവർക്കായുള്ള തിരച്ചിലും രക്ഷാപ്രവർത്തനവും ഊർജ്ജിതമായി പുരോഗമിക്കുകയാണെന്ന് എംബസി വ്യക്തമാക്കുന്നു.
അപകടത്തിന്റെ കൂടുതൽ വിവരങ്ങൾ ശേഖരിച്ചുവരികയാണ്. എംബസി അധികൃതർ സാഹചര്യം സൂക്ഷ്മമായി നിരീക്ഷിച്ചുവരികയാണെന്നും ആവശ്യമായ എല്ലാ സഹായങ്ങളും ലഭ്യമാക്കുമെന്നും അറിയിച്ചിട്ടുണ്ട്.
ഏതാനും മണിക്കൂറുകൾക്ക് മുൻപ് വിയറ്റ്നാമിലെ ഫു ക്വോക്ക് ദ്വീപിന് സമീപം നിരവധി ഇന്ത്യൻ വിനോദസഞ്ചാരികൾ സഞ്ചരിച്ച ബോട്ട് മറിഞ്ഞതായി ദൗർഭാഗ്യകരമായ വാർത്ത ലഭിച്ചിരിക്കുന്നു. പ്രാദേശിക അധികാരികളുടെ നേതൃത്വത്തിൽ രക്ഷാപ്രവർത്തനം പുരോഗമിക്കുകയാണ്. അപകടത്തിന്റെ കൃത്യമായ വിവരങ്ങൾ ലഭ്യമായിവരുന്നതേയുള്ളൂ എന്നും എംബസിയുടെ കുറിപ്പിൽ പറയുന്ന്
അപകടത്തിൽപ്പെട്ടവരുടെ കുടുംബാംഗങ്ങൾക്ക് വിവരങ്ങൾ പങ്കുവെക്കുന്നതിനും ആവശ്യമായ സഹായങ്ങൾ ലഭ്യമാക്കുന്നതിനുമായി വിയറ്റ്നാമിലെ ഇന്ത്യൻ കോൺസുലേറ്റ് ജനറലിന്റെയും എംബസിയുടെയും നേതൃത്വത്തിൽ അടിയന്തര ഹെൽപ്പ് ലൈൻ (കൺട്രോൾ റൂം) നമ്പറുകൾ ആരംഭിച്ചിട്ടുണ്ട്. ഹോ ചി മിൻ സിറ്റിയിലെ കോൺസുലേറ്റ് ജനറൽ ഓഫീസ്: +84 36 281 7930 +84 91 552 3714 +84 33 452 0414 ഹനോയിയിലെ കൺട്രോൾ റൂം:+84 91 308 9165
