മലയാളസിനിമാപ്രേക്ഷകര്ക്ക് ഏറെയിഷ്ടമുള്ള താരദമ്പതിമാരാണ് രാഹുല് രാമചന്ദ്രനും ശ്രീവിദ്യ മുല്ലച്ചേരിയും. സിനിമയിലും ചാനല് പരിപാടിയിലുമൊക്കെയായി സജീവമായിരുന്ന ശ്രീവിദ്യ ഏറെ നാളത്തെ പ്രണയത്തിനു ശേഷമാണ് സംവിധായകന് കൂടിയായ രാഹുലിനെ വിവാഹം ചെയ്തത്. സോഷ്യല് മീഡിയയിലും സജീവമായ താരദമ്പതിമാര് തങ്ങളുടെ എല്ലാ വിശേഷങ്ങളും യാത്രാ വ്ലോഗുകളുമൊക്കെ അതിലൂടെ പങ്കിടാറുണ്ട്. താരദമ്പതിമാരുടെ യാത്രാവ്ലോഗുകള് വലിയ സന്തോഷത്തോടെ ആരാധകര് ഏറ്റെടുക്കാറുമുണ്ട്.
ഇപ്പോഴിതാ ഫ്രാൻസിലെ പാരീസിൽ സ്ഥിതി ചെയ്യുന്ന ഇരുമ്പു ഗോപുരമായ ഈഫില് ടവറിനു മുന്നില് നിന്നുള്ള പ്രണയാതുരമായ ചിത്രങ്ങള് പങ്കിടുകയാണ് താരദമ്പതിമാര്. പണ്ട് നോട്ട്ബുക്കിന്റെ കവര്പേജില് കണ്ടിരുന്ന ഈ ഗോപുരത്തിന്റെ മുന്നില് പ്രിയതമയ്ക്കൊപ്പം ഒരിക്കല് നില്ക്കാന് കഴിയുമെന്ന് ചിന്തിച്ചിരുന്നില്ല എന്നാണ് രാഹുല് ചിത്രങ്ങള് പങ്കിട്ട് കുറിച്ചിരിക്കുന്നത്.
‘‘പണ്ട് ക്ലാസ്മേറ്റിന്റെ നോട്ട്ബുക്കിന്റെ കവർ പേജിൽ ഈ പടുകൂറ്റൻ ഗോപുരം കണ്ടിരുന്നപ്പോൾ, ഒരിക്കലും കരുതിയിരുന്നില്ല... ഇവിടെ നിന്നെയും കൂട്ടി ഇങ്ങനെ നിൽക്കാൻ കഴിയുമെന്ന്...’’ എന്ന ക്യാപ്ഷന് നല്കിയാണ് രാഹുല് ശ്രീവിദ്യയ്ക്കൊപ്പമുള്ള പ്രണയാതുരമായ ചിത്രങ്ങള് പങ്കിട്ടിരിക്കുന്നത്. സ്ഥിരമായി യാത്രാവ്ലോഗുകള് പങ്കിടാറുള്ള കപ്പിള്സിന്റെ പുത്തന് വീഡിയോയും ആരാധകര് ഏറ്റെടുക്കുകയാണ്.
രണ്ടുപേരും ഈഫില് ടവറിന്റെ പശ്ചാത്തലത്തില് പരസ്പരം ചുംബിച്ചു നില്ക്കുന്ന ചിത്രവും ശ്രീവിദ്യ പങ്കുവച്ചിട്ടുണ്ട്. ‘‘മെർസി, പാരീസ്.
ഓർമ്മകൾക്കും, മാന്ത്രികതയ്ക്കും, ഒരിക്കലും മറക്കാത്ത നിമിഷങ്ങൾക്കും. അടുത്ത തവണ വരെ...’’ എന്നാണ് ശ്രീവിദ്യ ചിത്രങ്ങള് പങ്കിട്ട് കുറിച്ചിരിക്കുന്നത്.
