ബോളിവുഡ് നടന് അര്ജുന് കപൂറിന്റെ സഹോദരി അന്ഷുല കപൂറിന്റെ വിവാഹ ആഘോഷങ്ങളുടെ ചിത്രങ്ങളാണ് ഇപ്പോള് സോഷ്യല് മീഡിയയില് തരംഗമാകുന്നത്. ആഘോഷങ്ങള് കഴിഞ്ഞ് ആഴ്ചയൊന്ന് പിന്നിട്ടിട്ടും ആ മനോഹരമായ ഓര്മ്മകളില് നിന്ന് താന് ഇപ്പോഴും പുറത്തുകടന്നിട്ടില്ല എന്നാണ് അര്ജുന് കപൂര് ഇന്സ്റ്റഗ്രാമില് കുറിച്ചത്.
'ഒരാഴ്ച കഴിഞ്ഞിട്ടും എന്റെ മുഖത്തെ ചിരി മാറിയിട്ടില്ല. ഞങ്ങള്ക്ക് നല്കിയ സ്നേഹത്തിനും ആശംസകള്ക്കും ആലിംഗനങ്ങള്ക്കും സന്ദേശങ്ങള്ക്കും ഞങ്ങള്ക്കൊപ്പം വന്ന് ആഘോഷിക്കാന് സമയം കണ്ടെത്തിയ എല്ലാവരോടും ഇപ്പോഴും മനസ്സ് നിറഞ്ഞ നന്ദിയുണ്ട്. ഈ കുറച്ചു ദിവസങ്ങള് മറക്കാനാകാത്തതാക്കി മാറ്റിയതിന് നന്ദി.
അന്ഷിന്റെ വിവാഹം ഇത്രയധികം സവിശേഷമാക്കാന് അണിയറയില് പ്രവര്ത്തിച്ച എല്ലാ ടീമുകള്ക്കും ഒപ്പമുണ്ടായിരുന്ന ഓരോരുത്തര്ക്കും നന്ദി.
ഒരുപാട് സ്നേഹവും ചിരിയും വികാരങ്ങളും ഭ്രാന്തമായ സന്തോഷവുമെല്ലാം നിറഞ്ഞതായിരുന്നു ആ ദിവസങ്ങള്. ഇതെല്ലാം ഇത്ര ഭംഗിയായി നടക്കാന് നിങ്ങളെല്ലാവരും ഒരു പ്രധാന പങ്കുവഹിച്ചിട്ടുണ്ട്. ഞങ്ങളുടെ കുടുംബത്തിന് ജീവിതകാലം മുഴുവന് ഓര്ത്തുവെക്കാന് സാധിക്കുന്ന ഒരുപിടി നല്ല ഓര്മ്മകള് സമ്മാനിച്ചതിന് നന്ദി. നിങ്ങളില്ലാതെ ഞങ്ങള്ക്ക് ഇത് സാധ്യമാകുമായിരുന്നില്ല,' എന്നായിരുന്നു ചിത്രങ്ങള് പങ്കുവെച്ചുകൊണ്ട് അര്ജുന് കുറിച്ചത്.
'ഒരാഴ്ച കഴിഞ്ഞിട്ടും എന്റെ മുഖത്തെ ചിരി മാറിയിട്ടില്ല. ഞങ്ങള്ക്ക് നല്കിയ സ്നേഹത്തിനും ആശംസകള്ക്കും ആലിംഗനങ്ങള്ക്കും സന്ദേശങ്ങള്ക്കും ഞങ്ങള്ക്കൊപ്പം വന്ന് ആഘോഷിക്കാന് സമയം കണ്ടെത്തിയ എല്ലാവരോടും ഇപ്പോഴും മനസ്സ് നിറഞ്ഞ നന്ദിയുണ്ട്. ഈ കുറച്ചു ദിവസങ്ങള് മറക്കാനാകാത്തതാക്കി മാറ്റിയതിന് നന്ദി.
അന്ഷിന്റെ വിവാഹം ഇത്രയധികം സവിശേഷമാക്കാന് അണിയറയില് പ്രവര്ത്തിച്ച എല്ലാ ടീമുകള്ക്കും ഒപ്പമുണ്ടായിരുന്ന ഓരോരുത്തര്ക്കും നന്ദി.
ഒരുപാട് സ്നേഹവും ചിരിയും വികാരങ്ങളും ഭ്രാന്തമായ സന്തോഷവുമെല്ലാം നിറഞ്ഞതായിരുന്നു ആ ദിവസങ്ങള്. ഇതെല്ലാം ഇത്ര ഭംഗിയായി നടക്കാന് നിങ്ങളെല്ലാവരും ഒരു പ്രധാന പങ്കുവഹിച്ചിട്ടുണ്ട്. ഞങ്ങളുടെ കുടുംബത്തിന് ജീവിതകാലം മുഴുവന് ഓര്ത്തുവെക്കാന് സാധിക്കുന്ന ഒരുപിടി നല്ല ഓര്മ്മകള് സമ്മാനിച്ചതിന് നന്ദി. നിങ്ങളില്ലാതെ ഞങ്ങള്ക്ക് ഇത് സാധ്യമാകുമായിരുന്നില്ല,' എന്നായിരുന്നു ചിത്രങ്ങള് പങ്കുവെച്ചുകൊണ്ട് അര്ജുന് കുറിച്ചത്.
ജൂലൈ ആറിനായിരുന്നു അന്ഷുലയുടെയും രോഹന് തക്കറയുടെയും വിവാഹം. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു ചടങ്ങുകൾ നടന്നത്.
വിവാഹദിവസം അന്തരിച്ച തന്റെ അമ്മയെ വസ്ത്രത്തിലൂടെ ചേര്ത്തുനിര്ത്തിയ വൈകാരികമായ കഥ അന്ഷുല കപൂറും പങ്കുവെച്ചിരുന്നു. തന്റെ അമ്മയുടെ 42 വര്ഷം പഴക്കമുള്ള ഗോള്ഡ് ടിഷ്യൂവും സര്ദോസി ദുപ്പട്ടയുമാണ് ആന്റിക് റോസ് ലെഹങ്കയ്ക്കൊപ്പം അന്ഷുല ധരിച്ചിരുന്നത്.
ഹിന്ദി ചലച്ചിത്ര ലോകത്തെ പ്രമുഖര് ഒന്നടങ്കം നവദമ്പതികള്ക്ക് ആശംസകളുമായെത്തിയിരുന്നു. കൂടാതെ പ്രധാനമന്ത്രി നരേന്ദ്ര മോദിയും ദമ്പതികള്ക്ക് ആശംസകള് നേര്ന്ന് കത്തയച്ചിരുന്നു.
Comments