ഭാര്യ ഉപാസന കാമിനേനി കൊനിഡേലയ്ക്ക് സ്നേഹം നിറഞ്ഞ ജന്മദിനാശംസകൾ നേർന്ന് നടൻ രാം ചരൺ. സോഷ്യൽ മീഡിയയിലൂടെയാണ് താരം തന്റെ പ്രിയതമയ്ക്കുള്ള ആശംസകൾ പങ്കുവെച്ചത്.
"നിനക്കും നിന്റെ ഈ പ്രത്യേക ദിവസത്തിനും ആശംസകൾ! ഹാപ്പി ബർത്ത്ഡേ" എന്നായിരുന്നു ഉപാസനയുടെ മനോഹരമായ ചിത്രം പങ്കുവെച്ചുകൊണ്ട് രാം ചരൺ കുറിച്ചത്. പോസ്റ്റിന് താഴെ നിരവധി ആരാധകരും സിനിമാ രംഗത്തെ സുഹൃത്തുക്കളും ഉപാസനയ്ക്ക് ജന്മദിനാശംസകളുമായി എത്തുന്നുണ്ട്.
"നിനക്കും നിന്റെ ഈ പ്രത്യേക ദിവസത്തിനും ആശംസകൾ! ഹാപ്പി ബർത്ത്ഡേ" എന്നായിരുന്നു ഉപാസനയുടെ മനോഹരമായ ചിത്രം പങ്കുവെച്ചുകൊണ്ട് രാം ചരൺ കുറിച്ചത്. പോസ്റ്റിന് താഴെ നിരവധി ആരാധകരും സിനിമാ രംഗത്തെ സുഹൃത്തുക്കളും ഉപാസനയ്ക്ക് ജന്മദിനാശംസകളുമായി എത്തുന്നുണ്ട്.
ടോളിവുഡിലെ പ്രിയപ്പെട്ട താരദമ്പതികളാണ് രാം ചരണും ഉപാസനയും. അപ്പോളോ ഹോസ്പിറ്റൽസ് സ്ഥാപകൻ പ്രതാപ് സി. റെഡ്ഡിയുടെ ചെറുമകളാണ് ഉപാസന. ഏറെ നാളത്തെ പ്രണയത്തിനും സൗഹൃദത്തിനും ശേഷം 2012 ജൂണിലാണ് ഇരുവരും വിവാഹിതരായത്.
2023-ലാണ് ദമ്പതികൾക്ക് മകൾ ക്ലിൻ കാര ജനിക്കുന്നത്. തുടർന്ന് കഴിഞ്ഞ ജനുവരിയിൽ ശിവ് റാം, അൻവീറ ദേവി എന്നീ ഇരട്ടക്കുട്ടികളെ ജീവിതത്തിലേക്ക് സ്വാഗതം ചെയ്തതോടെ ഈ താരകുടുംബത്തിന്റെ സന്തോഷം ഇരട്ടിയായി. അടുത്തിടെ മൂത്തമകൾ ക്ലിൻ കാരയുടെ മൂന്നാം ജന്മദിനത്തോടനുബന്ധിച്ചാണ് ക്ലിൻ കാരയുടെ മുഖം ഇരുവരും ആദ്യമായി ആരാധകർക്കായി വെളിപ്പെടുത്തിയത്.
അതേസമയം, ബുചി ബാബു സന സംവിധാനം ചെയ്ത 'പെദ്ദി' ആണ് രാം ചരണിന്റേതായി ഏറ്റവും ഒടുവിൽ റിലീസിനെത്തിയ സിനിമ. ബോളിവുഡ് താരം ജാൻവി കപൂറായിരുന്നു ചിത്രത്തിൽ നായിക. ശിവരാജ് കുമാർ, ദിവ്യേന്ദു ശർമ, ജഗപതി ബാബു, ബോമൻ ഇറാനി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്. പാൻ ഇന്ത്യൻ റിലീസായി തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് ചിത്രം തിയേറ്ററുകളിലെത്തിയത്.
Comments