ഹരിഹരൻ സംവിധാനം ചെയ്ത് മയൂഖം എന്ന ചിത്രത്തിലൂടെ ബിഗ് സ്ക്രീനിൽ അരങ്ങേറ്റം കുറിച്ച താരമാണ് സൈജു കുറുപ്പ്. തുടക്കം മികച്ച സിനിമയിലൂടെയാണെങ്കിലും പിന്നീടിങ്ങോട്ട് മികച്ച നായക വേഷങ്ങൾ സൈജുവിനെ തേടിയെത്തിയില്ല. തുടർന്നിങ്ങോട്ട് സപ്പോർട്ടിംഗ് കഥാപാത്രമായും വില്ലനായും പ്രാധാന്യം കുറഞ്ഞ റോളുകളും സൈജു ചെയ്തു. ആട് എന്ന സിനിമയിലെ അറക്കയ്ല് അബു എന്ന കഥാപാത്രം സൈജുവിന്റെ കരിയറിൽ ബ്രേക്ക് നൽകി. ഇന്ന് നായകനായും സഹ നടനായും മികച്ച സിനിമകളുടെ ഭാഗമാണ് താരം.
ഈയടുത്ത വർഷങ്ങളിലാണ് സൈജുവിന് കൂടുതല് പ്രാധാന്യമുള്ള റോളുകള് ലഭിച്ചു തുടങ്ങിയത്. കൃഷ്ണദാസ് മുരളി സംവിധാനം ചെയ്ത ‘ഭരതനാട്യം’, അതിന്റെ രണ്ടാം ഭാഗമായെത്തിയ ‘മോഹിനിയാട്ടം’ എന്നീ ചിത്രങ്ങളിലെ സൈജുവിന്റെ പ്രകടനം ഏറെ ശ്രദ്ധിക്കപ്പെട്ടിരുന്നു. വലിയ താരനിരയോ, ബജറ്റോ ഇല്ലാതെ ഇറങ്ങിയ ഈ സിനിമ 50 കോടി ക്ലബ്ബില് ഇടം നേടി. ഒടിടിയിലും മികച്ച സ്വീകരണമാണ് ഈ രണ്ടു സിനിമകള്ക്കും ലഭിച്ചത്.
ഇപ്പോഴിതാ ബോക്സ് ഓഫീസില് 50 കോടി ക്ലബ്ബില് കയറിക്കഴിഞ്ഞും തന്റെ പ്രതിഫലത്തില് വലിയ മാറ്റമില്ലെന്ന് പറയുകയാണ് സൈജു കുറുപ്പ്. താന് 1.5 കോടി ശമ്പളം വാങ്ങുന്നുണ്ട് എന്ന അശരീരി കേട്ട് ഞെട്ടിയെന്നും പിന്നെയൊരു ചെറിയ സന്തോഷം തോന്നിയെന്നും സൈജു കുറുപ്പ് പറഞ്ഞു.
‘‘ഞാന് നിലവില് വാങ്ങിക്കൊണ്ടിരിക്കുന്ന സാലറിയുടെ ഇരട്ടി പോലും ഇതുവരെയാക്കിയിട്ടില്ല. എന്നാല് ഞാൻ 1.5 കോടി രൂപ ശമ്പളം ആക്കിയെന്ന് ഒരു അശരീരി കേട്ടതായി ഒന്നു രണ്ടു പേര് വന്നു പറഞ്ഞു. അത് കേട്ടപ്പോള് ആദ്യം ഞെട്ടിയെങ്കിലും പിന്നീട് സന്തോഷം തോന്നി. കാരണം ചില ആളുകളെങ്കിലും എന്നെ ആ രീതിയില് മൂല്യമുള്ളവനായി കാണുന്നുണ്ടല്ലോ. സത്യത്തില് അത്രയൊന്നും കിട്ടുന്നില്ല, വളരെ കുറവാണ്. പ്രചരിക്കുന്ന തുകയുടെ നാലിലൊന്ന് മാത്രമേയുള്ളൂ എന്നതാണ് യാഥാര്ഥ്യം...’’ സൈജു പറഞ്ഞു. ലർക് എന്ന സിനിമയുടെ പ്രമോഷനുമായി ബന്ധപ്പെട്ട അഭിമുഖത്തിലാണ് താരമിത് പറഞ്ഞത്.
കരിയർ സക്സസില് നില്ക്കുമ്പോള് പല താരങ്ങളും വലിയതോതില് പ്രതിഫലം കൂട്ടിയിട്ടുണ്ടല്ലോ എന്നും അവതാരകന് സൈജുവിനോട് ചോദിക്കുന്നുണ്ട്. ‘‘എനിക്ക് അങ്ങനെ ചോദിക്കണം എന്ന് ആഗ്രഹമുണ്ട്, പക്ഷെ പ്രായോഗികം അല്ലല്ലോ. എനിക്ക് ഒരു പടം ആണ് 50 കോടി ക്ലബ്ബില് ഉള്ളത്. അതിന്റെ പേരില് പ്രതിഫലം കൂട്ടിയാല് അടുത്ത സിനിമയ്ക്ക് പ്രൊഡ്യൂസറെ കിട്ടില്ല. ഈ പറയുന്ന 1.5 കോടിയുടെ നാലില് ഒന്നെ ഉള്ളൂ...’’ എന്നും സൈജു കുറുപ്പ് പറഞ്ഞു. എം.എ നിഷാദ് സംവിധാനം ചെയ്ത ലർക്ക് ജൂലൈ 24നാണ് തിയേറ്ററുകളില് റിലീസ് ചെയ്യുന്നത്.
ഈയടുത്ത വർഷങ്ങളിലാണ് സൈജുവിന് കൂടുതല് പ്രാധാന്യമുള്ള റോളുകള് ലഭിച്ചു തുടങ്ങിയത്. കൃഷ്ണദാസ് മുരളി സംവിധാനം ചെയ്ത ‘ഭരതനാട്യം’, അതിന്റെ രണ്ടാം ഭാഗമായെത്തിയ ‘മോഹിനിയാട്ടം’ എന്നീ ചിത്രങ്ങളിലെ സൈജുവിന്റെ പ്രകടനം ഏറെ ശ്രദ്ധിക്കപ്പെട്ടിരുന്നു. വലിയ താരനിരയോ, ബജറ്റോ ഇല്ലാതെ ഇറങ്ങിയ ഈ സിനിമ 50 കോടി ക്ലബ്ബില് ഇടം നേടി. ഒടിടിയിലും മികച്ച സ്വീകരണമാണ് ഈ രണ്ടു സിനിമകള്ക്കും ലഭിച്ചത്.
ഇപ്പോഴിതാ ബോക്സ് ഓഫീസില് 50 കോടി ക്ലബ്ബില് കയറിക്കഴിഞ്ഞും തന്റെ പ്രതിഫലത്തില് വലിയ മാറ്റമില്ലെന്ന് പറയുകയാണ് സൈജു കുറുപ്പ്. താന് 1.5 കോടി ശമ്പളം വാങ്ങുന്നുണ്ട് എന്ന അശരീരി കേട്ട് ഞെട്ടിയെന്നും പിന്നെയൊരു ചെറിയ സന്തോഷം തോന്നിയെന്നും സൈജു കുറുപ്പ് പറഞ്ഞു.
‘‘ഞാന് നിലവില് വാങ്ങിക്കൊണ്ടിരിക്കുന്ന സാലറിയുടെ ഇരട്ടി പോലും ഇതുവരെയാക്കിയിട്ടില്ല. എന്നാല് ഞാൻ 1.5 കോടി രൂപ ശമ്പളം ആക്കിയെന്ന് ഒരു അശരീരി കേട്ടതായി ഒന്നു രണ്ടു പേര് വന്നു പറഞ്ഞു. അത് കേട്ടപ്പോള് ആദ്യം ഞെട്ടിയെങ്കിലും പിന്നീട് സന്തോഷം തോന്നി. കാരണം ചില ആളുകളെങ്കിലും എന്നെ ആ രീതിയില് മൂല്യമുള്ളവനായി കാണുന്നുണ്ടല്ലോ. സത്യത്തില് അത്രയൊന്നും കിട്ടുന്നില്ല, വളരെ കുറവാണ്. പ്രചരിക്കുന്ന തുകയുടെ നാലിലൊന്ന് മാത്രമേയുള്ളൂ എന്നതാണ് യാഥാര്ഥ്യം...’’ സൈജു പറഞ്ഞു. ലർക് എന്ന സിനിമയുടെ പ്രമോഷനുമായി ബന്ധപ്പെട്ട അഭിമുഖത്തിലാണ് താരമിത് പറഞ്ഞത്.
കരിയർ സക്സസില് നില്ക്കുമ്പോള് പല താരങ്ങളും വലിയതോതില് പ്രതിഫലം കൂട്ടിയിട്ടുണ്ടല്ലോ എന്നും അവതാരകന് സൈജുവിനോട് ചോദിക്കുന്നുണ്ട്. ‘‘എനിക്ക് അങ്ങനെ ചോദിക്കണം എന്ന് ആഗ്രഹമുണ്ട്, പക്ഷെ പ്രായോഗികം അല്ലല്ലോ. എനിക്ക് ഒരു പടം ആണ് 50 കോടി ക്ലബ്ബില് ഉള്ളത്. അതിന്റെ പേരില് പ്രതിഫലം കൂട്ടിയാല് അടുത്ത സിനിമയ്ക്ക് പ്രൊഡ്യൂസറെ കിട്ടില്ല. ഈ പറയുന്ന 1.5 കോടിയുടെ നാലില് ഒന്നെ ഉള്ളൂ...’’ എന്നും സൈജു കുറുപ്പ് പറഞ്ഞു. എം.എ നിഷാദ് സംവിധാനം ചെയ്ത ലർക്ക് ജൂലൈ 24നാണ് തിയേറ്ററുകളില് റിലീസ് ചെയ്യുന്നത്.
Comments