ഇന്ത്യൻ ക്രിക്കറ്റിന്റെ മാത്രമല്ല, ലോക ക്രിക്കറ്റിന്റെ തന്നെ ദൈവമെന്ന് ആരാധകര് വിശേഷിപ്പിക്കുന്ന കായികതാരമാണ് സച്ചിന് ടെണ്ടുല്ക്കര്. ‘മാസ്റ്റർ ബ്ലസ്റ്റർ’ എന്നറിയപ്പെടുന്ന സച്ചിന് അന്താരാഷ്ട്ര ക്രിക്കറ്റിൽ നൂറു സെഞ്ചുറികൾ നേടിയ ഏക ബാറ്റ്സ്മാനാണ്. തന്റെ മാജിക് ബാറ്റിംഗ് കൊണ്ട് ഇന്ത്യന് ക്രിക്കറ്റ് പ്രേമികളുടെ മനസ്സ് കീഴടക്കിയ താരം കായികലോകത്തിന്റെ എക്കാലത്തെയും വലിയ ഇതിഹാസം തന്നെയാണ്. ക്രിക്കറ്റില് നിന്ന് വിരമിച്ചെങ്കിലും ‘സച്ചിന്’ എന്ന വിസ്മയത്തിന്റെ ആരാധകരുടെ എണ്ണം നാള്ക്കുനാള് വര്ദ്ധിക്കുകയാണ്.
കായികലോകത്തു നിന്ന് വിരമിച്ചെങ്കിലും സോഷ്യല് മീഡിയയില് നിറസാന്നിധ്യമാണ് സച്ചിന്. തന്റെ എല്ലാ വിശേഷങ്ങളും സന്തോഷങ്ങളും യാത്രാചിത്രങ്ങളുമെല്ലാം താരം അതിലൂടെ പങ്കിടാറുണ്ട്. താരം പങ്കിടാറുള്ള പോസ്റ്റുകള് നിമിഷവേഗത്തില് ആരാധകര് ഏറ്റെടുക്കാറുമുണ്ട്.
ഇപ്പോഴിതാ തന്റെ കോച്ചായ അന്തരിച്ച പരിശീലകൻ രമാകാന്ത് അച്രേക്കറിന് ഗുരുപൂര്ണ്ണിമ ദിനത്തില് ആദരാഞ്ജലി അർപ്പിക്കുകയാണ് ബാറ്റിംഗ് ഇതിഹാസം സച്ചിന് ടെണ്ടുല്ക്കര്. തന്റെ ക്രിക്കറ്റിനെയും സ്വഭാവത്തെയും രൂപപ്പെടുത്തിയ മനുഷ്യനോട് ‘ഒരു നന്ദി കൂടി’ പ്രകടിപ്പിക്കാൻ എപ്പോഴും ബാക്കിയുണ്ടാകുമെന്നും സച്ചിന് കുറിച്ചു. തന്റെ യാത്രയിൽ ബാല്യകാല പരിശീലകൻ ചെലുത്തിയ ശാശ്വത സ്വാധീനത്തെക്കുറിച്ചും സച്ചിന് കുറിച്ചിട്ടുണ്ട്.
‘‘ഇന്ന് ഇവിടെ നിൽക്കുമ്പോൾ എനിക്ക് ഒരു കാര്യം മനസ്സിലായി. എത്ര വർഷങ്ങൾ കഴിഞ്ഞാലും, ഒരു ‘നന്ദി’ കൂടി പറയാൻ ബാക്കിയുണ്ടെന്ന് എനിക്ക് എപ്പോഴും തോന്നും....എന്നിൽ വിശ്വസിച്ചതിനും, എന്നെ നയിച്ചതിനും, ഞാൻ ആയിരിക്കുന്ന വ്യക്തിയാകാൻ സഹായിച്ചതിനും നന്ദി.
ഗുരുപൂർണ്ണിമ ആശംസകൾ, അച്രേക്കർ സർ...’’ എന്നാണ് സച്ചിന് കുറിച്ചത്. ശിവാജി പാർക്കിലെ അച്രേക്കറുടെ സ്മാരകം സന്ദർശിച്ചതിന്റെ ചിത്രങ്ങൾ പങ്കുവെച്ചാണ് സച്ചിന്റെ കുറിപ്പ്. കോച്ചിന്റെ സ്മാരകം സന്ദർശിച്ച് ആദരാഞ്ജലി അർപ്പിച്ച സച്ചിന്, കൈകൾ കൂപ്പി പുഷ്പങ്ങളും അർപ്പിച്ചു.
ഒരു യുവ ക്രിക്കറ്ററിൽ നിന്ന് ഏറ്റവും മികച്ച ബാറ്റ്സ്മാനാകാന് ക്രിക്കറ്റ് ഇതിഹാസത്തെ സഹായിച്ച അച്രേക്കറിനോട് ആരാധകരും കമന്റുകളിലൂടെ നന്ദി കുറിക്കുന്നുണ്ട്.
കായികലോകത്തു നിന്ന് വിരമിച്ചെങ്കിലും സോഷ്യല് മീഡിയയില് നിറസാന്നിധ്യമാണ് സച്ചിന്. തന്റെ എല്ലാ വിശേഷങ്ങളും സന്തോഷങ്ങളും യാത്രാചിത്രങ്ങളുമെല്ലാം താരം അതിലൂടെ പങ്കിടാറുണ്ട്. താരം പങ്കിടാറുള്ള പോസ്റ്റുകള് നിമിഷവേഗത്തില് ആരാധകര് ഏറ്റെടുക്കാറുമുണ്ട്.
ഇപ്പോഴിതാ തന്റെ കോച്ചായ അന്തരിച്ച പരിശീലകൻ രമാകാന്ത് അച്രേക്കറിന് ഗുരുപൂര്ണ്ണിമ ദിനത്തില് ആദരാഞ്ജലി അർപ്പിക്കുകയാണ് ബാറ്റിംഗ് ഇതിഹാസം സച്ചിന് ടെണ്ടുല്ക്കര്. തന്റെ ക്രിക്കറ്റിനെയും സ്വഭാവത്തെയും രൂപപ്പെടുത്തിയ മനുഷ്യനോട് ‘ഒരു നന്ദി കൂടി’ പ്രകടിപ്പിക്കാൻ എപ്പോഴും ബാക്കിയുണ്ടാകുമെന്നും സച്ചിന് കുറിച്ചു. തന്റെ യാത്രയിൽ ബാല്യകാല പരിശീലകൻ ചെലുത്തിയ ശാശ്വത സ്വാധീനത്തെക്കുറിച്ചും സച്ചിന് കുറിച്ചിട്ടുണ്ട്.
‘‘ഇന്ന് ഇവിടെ നിൽക്കുമ്പോൾ എനിക്ക് ഒരു കാര്യം മനസ്സിലായി. എത്ര വർഷങ്ങൾ കഴിഞ്ഞാലും, ഒരു ‘നന്ദി’ കൂടി പറയാൻ ബാക്കിയുണ്ടെന്ന് എനിക്ക് എപ്പോഴും തോന്നും....എന്നിൽ വിശ്വസിച്ചതിനും, എന്നെ നയിച്ചതിനും, ഞാൻ ആയിരിക്കുന്ന വ്യക്തിയാകാൻ സഹായിച്ചതിനും നന്ദി.
ഗുരുപൂർണ്ണിമ ആശംസകൾ, അച്രേക്കർ സർ...’’ എന്നാണ് സച്ചിന് കുറിച്ചത്. ശിവാജി പാർക്കിലെ അച്രേക്കറുടെ സ്മാരകം സന്ദർശിച്ചതിന്റെ ചിത്രങ്ങൾ പങ്കുവെച്ചാണ് സച്ചിന്റെ കുറിപ്പ്. കോച്ചിന്റെ സ്മാരകം സന്ദർശിച്ച് ആദരാഞ്ജലി അർപ്പിച്ച സച്ചിന്, കൈകൾ കൂപ്പി പുഷ്പങ്ങളും അർപ്പിച്ചു.
ഒരു യുവ ക്രിക്കറ്ററിൽ നിന്ന് ഏറ്റവും മികച്ച ബാറ്റ്സ്മാനാകാന് ക്രിക്കറ്റ് ഇതിഹാസത്തെ സഹായിച്ച അച്രേക്കറിനോട് ആരാധകരും കമന്റുകളിലൂടെ നന്ദി കുറിക്കുന്നുണ്ട്.
Comments