മുംബൈ: ഉത്തരേന്ത്യയിലെ പ്രിയപ്പെട്ട ഭക്ഷണങ്ങളായ വടാപാവും സമൂസയും ഇനി വിദ്യാലയങ്ങളിലെ കോമ്പൗണ്ടുകളില് ഉണ്ടാകില്ല. ജങ്ക്ഫുഡുകളെ സ്കൂള് പരിസരത്ത് അടുപ്പിക്കാതിരിക്കാനുള്ള നടപടിയുടെ ഭാഗമായി പ്രഖ്യാപിച്ച ഭക്ഷണങ്ങളുടെ പട്ടികയില് ഇവയും ഉള്പ്പെടുത്തി.
ഏകദേശം 1.08 ലക്ഷം സ്കൂളുകളെയും രണ്ട് കോടിയോളം വിദ്യാര്ത്ഥികളെയും ഈ ഉത്തരവ് ബാധിക്കുമെന്നാണ് കരുതുന്നത്. കുട്ടികളില് ആരോഗ്യകരമായ ഭക്ഷണശീലങ്ങള് വളര്ത്തിയെടുക്കാന് മഹാരാഷ്ട്രയിലെ സ്കൂളുകളിലും പരിസരത്തും ജങ്ക് ഫുഡുകളുടെ വില്പ്പനയും സൗജന്യ വിതരണവും പരസ്യവും ഫുഡ് ആന്ഡ് ഡ്രഗ് അഡ്മിനിസ്ട്രേഷന് നിരോധിച്ചു.
പുതിയ ഉത്തരവ് പ്രകാരം വട പാവ്, സമോസ, എണ്ണയില് വറുത്ത പലഹാരങ്ങള്, ചിപ്സ്, ശീതളപാനീയങ്ങള്, പഞ്ചസാര ചേര്ത്ത പാനീയങ്ങള്, ചോക്ലേറ്റുകള്, ഐസ്ക്രീം എന്നിവ സ്കൂളുകള്ക്ക് അകത്തും പരിസരത്തെ 50 മീറ്റര് പരിധിക്കുള്ളിലും ലഭിക്കില്ല. 'സുരക്ഷിത ഭക്ഷണം, സുരക്ഷിത മഹാരാഷ്ട്ര' എന്ന സംസ്ഥാനത്തിന്റെ കാമ്പെയ്ന്റെ ഭാഗമാണ് ഈ നീക്കം.
കൊഴുപ്പ്, ട്രാന്സ്-ഫാറ്റ്, പഞ്ചസാര, ഉപ്പ് എന്നിവ ഉയര്ന്ന അളവിലടങ്ങിയ ജങ്ക് ഫുഡുകള് ഇനി സ്കൂളിന്റെ 50 മീറ്റര് പരിധിക്കുള്ളില് വില്ക്കാനോ നല്കാനോ പ്രോത്സാഹിപ്പിക്കാനോ പാടില്ല. സര്ക്കാര് സ്കൂളുകള്, എയ്ഡഡ് സ്കൂളുകള്, സ്വകാര്യ സ്കൂളുകള്, റസിഡന്ഷ്യല് സ്കൂളുകള്, സി.ബി.എസ്.ഇ, ഐ.സി.എസ്.ഇ, സ്റ്റേറ്റ് ബോര്ഡ് അല്ലെങ്കില് മറ്റ് സിലബസുകള് എന്നിവയുള്പ്പെടെ സംസ്ഥാനത്തെ എല്ലാ സ്കൂളുകള്ക്കും ഈ നിയമം ബാധകമാണ്.
സ്കൂള് കാന്റീനുകള്, ഹോസ്റ്റല് കാന്റീനുകള്, ഉച്ചഭക്ഷണ പാചകപ്പുരകള്, അംഗന്വാടി കേന്ദ്രങ്ങള്, സ്കൂളുകളിലേക്ക് ഭക്ഷണം വിതരണം ചെയ്യുന്ന എല്ലാ ഏജന്സികളും ഇനി മുതല് എഫ്.എസ്.എസ്.എ.ഐ ലൈസന്സോ രജിസ്ട്രേഷനോ നേടിയിരിക്കണം.
ഭക്ഷണ സുരക്ഷാ ഡിസ്പ്ലേ ബോര്ഡ് സ്ഥാപിക്കുക. ഭക്ഷ്യ സുരക്ഷാ സൂപ്പര്വൈസറെ നിയമിക്കുക. 'ഈറ്റ് റൈറ്റ് സ്കൂള്' കാമ്പെയ്ന് നടപ്പിലാക്കുക. എന്നീ നിര്ദേശങ്ങളും സ്കൂളുകള്ക്കുണ്ട്. സുരക്ഷിത കുടിവെള്ളം, വൃത്തിയുള്ള പാചകപ്പുരകള്, ശരിയായ രീതിയിലുള്ള ഭക്ഷണ സംഭരണം, ശുചിത്വം ഉറപ്പാക്കുകയാണ് ലക്ഷ്യം. സര്ക്കാര്, സര്ക്കാര് എയ്ഡഡ് സ്കൂളുകളിലെ പ്രവര്ത്തനങ്ങള് സ്കൂള് വിദ്യാഭ്യാസ വകുപ്പും മറ്റ് ബോര്ഡുകളുടെ കീഴിലുള്ളവ അതത് തദ്ദേശ സ്ഥാപനങ്ങളും നിരീക്ഷിക്കും.
നിയമങ്ങള് ലംഘിക്കുന്നതായി കണ്ടെത്തുന്ന സ്കൂളുകള്ക്ക് നോട്ടീസ് നല്കുകയോ ലൈസന്സ് സസ്പെന്ഡ് ചെയ്യുകയോ റദ്ദാക്കുകയോ ചെയ്യും. 2006 ലെ ഭക്ഷ്യ സുരക്ഷാ നിയമപ്രകാരം ഭക്ഷ്യവസ്തുക്കള് പിടിച്ചെടുക്കാനും നിയമനടപടി സ്വീകരിക്കാനും അധികാരികള്ക്ക് അധികാരമുണ്ട്. പൊണ്ണത്തടി, പ്രമേഹം തുടങ്ങിയ ജീവിതശൈലീ രോഗങ്ങളുടെ സാധ്യത കുറയ്ക്കാനും സ്കൂളുകളില് ആരോഗ്യ ഭക്ഷണശീലങ്ങള് വളര്ത്തിയെടുക്കാനും തീരുമാനം സഹായിക്കുമെന്നാണ് സംസ്ഥാന സര്ക്കാരിന്റെ വിലയിരുത്തല്.
ഏകദേശം 1.08 ലക്ഷം സ്കൂളുകളെയും രണ്ട് കോടിയോളം വിദ്യാര്ത്ഥികളെയും ഈ ഉത്തരവ് ബാധിക്കുമെന്നാണ് കരുതുന്നത്. കുട്ടികളില് ആരോഗ്യകരമായ ഭക്ഷണശീലങ്ങള് വളര്ത്തിയെടുക്കാന് മഹാരാഷ്ട്രയിലെ സ്കൂളുകളിലും പരിസരത്തും ജങ്ക് ഫുഡുകളുടെ വില്പ്പനയും സൗജന്യ വിതരണവും പരസ്യവും ഫുഡ് ആന്ഡ് ഡ്രഗ് അഡ്മിനിസ്ട്രേഷന് നിരോധിച്ചു.
പുതിയ ഉത്തരവ് പ്രകാരം വട പാവ്, സമോസ, എണ്ണയില് വറുത്ത പലഹാരങ്ങള്, ചിപ്സ്, ശീതളപാനീയങ്ങള്, പഞ്ചസാര ചേര്ത്ത പാനീയങ്ങള്, ചോക്ലേറ്റുകള്, ഐസ്ക്രീം എന്നിവ സ്കൂളുകള്ക്ക് അകത്തും പരിസരത്തെ 50 മീറ്റര് പരിധിക്കുള്ളിലും ലഭിക്കില്ല. 'സുരക്ഷിത ഭക്ഷണം, സുരക്ഷിത മഹാരാഷ്ട്ര' എന്ന സംസ്ഥാനത്തിന്റെ കാമ്പെയ്ന്റെ ഭാഗമാണ് ഈ നീക്കം.
കൊഴുപ്പ്, ട്രാന്സ്-ഫാറ്റ്, പഞ്ചസാര, ഉപ്പ് എന്നിവ ഉയര്ന്ന അളവിലടങ്ങിയ ജങ്ക് ഫുഡുകള് ഇനി സ്കൂളിന്റെ 50 മീറ്റര് പരിധിക്കുള്ളില് വില്ക്കാനോ നല്കാനോ പ്രോത്സാഹിപ്പിക്കാനോ പാടില്ല. സര്ക്കാര് സ്കൂളുകള്, എയ്ഡഡ് സ്കൂളുകള്, സ്വകാര്യ സ്കൂളുകള്, റസിഡന്ഷ്യല് സ്കൂളുകള്, സി.ബി.എസ്.ഇ, ഐ.സി.എസ്.ഇ, സ്റ്റേറ്റ് ബോര്ഡ് അല്ലെങ്കില് മറ്റ് സിലബസുകള് എന്നിവയുള്പ്പെടെ സംസ്ഥാനത്തെ എല്ലാ സ്കൂളുകള്ക്കും ഈ നിയമം ബാധകമാണ്.
സ്കൂള് കാന്റീനുകള്, ഹോസ്റ്റല് കാന്റീനുകള്, ഉച്ചഭക്ഷണ പാചകപ്പുരകള്, അംഗന്വാടി കേന്ദ്രങ്ങള്, സ്കൂളുകളിലേക്ക് ഭക്ഷണം വിതരണം ചെയ്യുന്ന എല്ലാ ഏജന്സികളും ഇനി മുതല് എഫ്.എസ്.എസ്.എ.ഐ ലൈസന്സോ രജിസ്ട്രേഷനോ നേടിയിരിക്കണം.
ഭക്ഷണ സുരക്ഷാ ഡിസ്പ്ലേ ബോര്ഡ് സ്ഥാപിക്കുക. ഭക്ഷ്യ സുരക്ഷാ സൂപ്പര്വൈസറെ നിയമിക്കുക. 'ഈറ്റ് റൈറ്റ് സ്കൂള്' കാമ്പെയ്ന് നടപ്പിലാക്കുക. എന്നീ നിര്ദേശങ്ങളും സ്കൂളുകള്ക്കുണ്ട്. സുരക്ഷിത കുടിവെള്ളം, വൃത്തിയുള്ള പാചകപ്പുരകള്, ശരിയായ രീതിയിലുള്ള ഭക്ഷണ സംഭരണം, ശുചിത്വം ഉറപ്പാക്കുകയാണ് ലക്ഷ്യം. സര്ക്കാര്, സര്ക്കാര് എയ്ഡഡ് സ്കൂളുകളിലെ പ്രവര്ത്തനങ്ങള് സ്കൂള് വിദ്യാഭ്യാസ വകുപ്പും മറ്റ് ബോര്ഡുകളുടെ കീഴിലുള്ളവ അതത് തദ്ദേശ സ്ഥാപനങ്ങളും നിരീക്ഷിക്കും.
നിയമങ്ങള് ലംഘിക്കുന്നതായി കണ്ടെത്തുന്ന സ്കൂളുകള്ക്ക് നോട്ടീസ് നല്കുകയോ ലൈസന്സ് സസ്പെന്ഡ് ചെയ്യുകയോ റദ്ദാക്കുകയോ ചെയ്യും. 2006 ലെ ഭക്ഷ്യ സുരക്ഷാ നിയമപ്രകാരം ഭക്ഷ്യവസ്തുക്കള് പിടിച്ചെടുക്കാനും നിയമനടപടി സ്വീകരിക്കാനും അധികാരികള്ക്ക് അധികാരമുണ്ട്. പൊണ്ണത്തടി, പ്രമേഹം തുടങ്ങിയ ജീവിതശൈലീ രോഗങ്ങളുടെ സാധ്യത കുറയ്ക്കാനും സ്കൂളുകളില് ആരോഗ്യ ഭക്ഷണശീലങ്ങള് വളര്ത്തിയെടുക്കാനും തീരുമാനം സഹായിക്കുമെന്നാണ് സംസ്ഥാന സര്ക്കാരിന്റെ വിലയിരുത്തല്.
Comments