ഭൂകമ്പത്തിന് തൊട്ടുമുമ്പ് ഞെട്ടിയുണർന്ന് പൂച്ച; ജപ്പാനിൽ നിന്നുള്ള ദൃശ്യങ്ങൾ കണ്ട് അത്ഭുതപ്പെട്ട് നെറ്റിസൺസ്

ജപ്പാനിൽ ഉണ്ടായ ഭൂകമ്പത്തിന് തൊട്ടുമുമ്പ് ഒരു പൂച്ച അസ്വസ്ഥനായി എഴുന്നേൽക്കുന്നതിന്റെയും റൂം കുലുങ്ങുന്നതിന്റെയും വീഡിയോ ദൃശ്യങ്ങൾ സമൂഹ മാധ്യമങ്ങളിൽ വൻതോതിൽ വൈറലാകുന്നു. മനുഷ്യർക്ക് തിരിച്ചറിയാൻ കഴിയുന്നതിനേക്കാൾ വളരെ മുൻകൂട്ടിത്തന്നെ പ്രകൃതിദുരന്തങ്ങളെയും ഭൂകമ്പങ്ങളെയും തിരിച്ചറിയാൻ മൃഗങ്ങൾക്ക് സാധിക്കുമെന്നതിനുള്ള ഏറ്റവും വലിയ തെളിവുകളിലൊന്നായാണ് ഈ വീഡിയോ ചർച്ചയാകുന്നത്. മുറിയിലെ കട്ടിലിൽ സുഖമായി ഉറങ്ങിക്കൊണ്ടിരുന്ന പൂച്ച പെട്ടെന്ന് ഒരു മുൻകരുതലെന്നോണം ചാടിയെഴുന്നേൽക്കുന്നതാണ് ദൃശ്യങ്ങളുടെ തുടക്കം.

ഉറക്കത്തിൽ നിന്ന് ഞെട്ടിയുണർന്ന ഉടൻതന്നെ പൂച്ച തന്റെ കാതുകൾ കൂർപ്പിച്ച് മുറിക്കുള്ളിൽ ചുറ്റും നോക്കുകയും, എങ്ങോട്ടോ ശ്രദ്ധ കേന്ദ്രീകരിക്കുകയും ചെയ്യുന്നുണ്ട്. പൂച്ച എഴുന്നേറ്റ് ഏതാനും നിമിഷങ്ങൾക്കകം തന്നെ മുറിയിലെ സാധനങ്ങൾ കുലുങ്ങാൻ തുടങ്ങുകയും കനത്ത ഭൂകമ്പം അനുഭവപ്പെടുകയും ചെയ്തു. എന്തോ അപകടം മണത്തറിഞ്ഞതുപോലെ പൂച്ച പരിഭ്രാതിയോടെ മുറിയിലൂടെ ഓടാൻ തുടങ്ങുന്നതും വീഡിയോയിൽ വ്യക്തമായി കാണാൻ സാധിക്കും. റൂമിലെ സിസിടിവി ക്യാമറയിലാണ് ഈ ദൃശ്യങ്ങൾ പതിഞ്ഞത്.

വലിയ തോതിലുള്ള പ്രകൃതിദുരന്തങ്ങൾ ഉണ്ടാകുന്നതിന് മുൻപ് വന്യമൃഗങ്ങളും വളർത്തുമൃഗങ്ങളും വിചിത്രമായ രീതിയിൽ പെരുമാറാറുണ്ടെന്ന് ശാസ്ത്രലോകം പലതവണ വ്യക്തമാക്കിയിട്ടുണ്ട്. ഭൂമിയുടെ അടിത്തട്ടിലുണ്ടാകുന്ന ചെറിയ കമ്പനികളും തരംഗങ്ങളും പെട്ടെന്ന് ഗ്രഹിക്കാൻ മൃഗങ്ങളുടെ അവയവങ്ങൾക്ക് സാധിക്കുമെന്നതിന്റെ കൃത്യമായ ഉദാഹരണമായാണ് ഈ സംഭവം വിലയിരുത്തപ്പെടുന്നത്. ലക്ഷക്കണക്കിന് ആളുകളാണ് ജപ്പാനിൽ നിന്നുള്ള ഈ അമ്പരപ്പിക്കുന്ന വീഡിയോ ഇതിനോടകം കണ്ടുകഴിഞ്ഞത്.

മൃഗങ്ങളുടെ ഈ പ്രത്യേക കഴിവ് കണ്ട് അത്ഭുതം കൂറുകയാണ് സോഷ്യൽ മീഡിയ ഉപയോക്താക്കൾ. ഇത്തരം വലിയ ദുരന്തങ്ങളിൽ നിന്ന് തങ്ങളെ രക്ഷിക്കാൻ ഈ മൂകപ്രകൃതികൾക്ക് പ്രത്യേക സിദ്ധിയുണ്ടെന്നാണ് പലരും കമന്റുകളിൽ കുറിക്കുന്നത്. പ്രകൃതിയുടെ മാറ്റങ്ങളെ മുൻകൂട്ടി അറിയാൻ കഴിയുന്ന മൃഗങ്ങളുടെ ഈ വിസ്മയകരമായ കഴിവ് ഒരിക്കൽക്കൂടി ലോകത്തിന് മുന്നിൽ തെളിയിക്കപ്പെട്ടിരിക്കുകയാണ് ഈ സംഭവത്തിലൂടെ.