ബെൽഫാസ്റ്റിൽ അയർലൻഡിനെ തോൽപ്പിച്ച് അഫ്ഗാനിസ്ഥാൻ അവസാന നേരിട്ടുള്ള യോഗ്യതാ സ്ഥാനം ഉറപ്പിച്ച. സെപ്റ്റംബർ 30-ലെ കട്ട്-ഓഫിന് മുൻപ് ഇന്ത്യയ്ക്കെതിരെ രണ്ട് മത്സരങ്ങൾ ബാക്കിയുണ്ടെങ്കിലും വിൻഡീസിന് റാങ്കിംഗിൽ അഫ്ഗാനെ മറികടക്കാനാവില്ല.
നിലവിൽ ഓസ്‌ട്രേലിയ, ഇന്ത്യ, ന്യൂസിലാൻഡ്, പാകിസ്ഥാൻ, ശ്രീലങ്ക, ഇംഗ്ലണ്ട്, ബംഗ്ലാദേശ്, അഫ്ഗാനിസ്ഥാൻ എന്നിവരും ആതിഥേയരായ ദക്ഷിണാഫ്രിക്കയും സിംബാബ്‌വെയും ലോകകപ്പിൽ ഇടംപിടിച്ചു. 14 ടീമുകൾ പങ്കെടുക്കുന്ന ലോകകപ്പിൽ ഇടംപിടിക്കാൻ വിൻഡീസ് ഇനി 10 ടീമുകൾ അടങ്ങുന്ന വേൾഡ് കപ്പ് ക്വാളിഫയർ കളിക്കണം. യോഗ്യതാ ടൂർണമെന്റിൽ ജയിക്കുകയോ അല്ലെങ്കിൽ ആദ്യ നാല് സ്ഥാനങ്ങളിൽ എത്തി പ്ലേ-ഓഫ് റൗണ്ട് വഴി വിജയിക്കുകയോ ചെയ്താൽ മാത്രമേ വിൻഡീസിന് 2027 ലോകകപ്പ് കളിക്കാനാകൂ.
നാല് വര്‍ഷത്തിലൊരിക്കല്‍ നടക്കുന്ന ഈ ലോകകപ്പിലേക്കുള്ള പാത ഏറെ നീണ്ടതാണ്. കട്ട് ഓഫ് തീയതിക്ക് മുന്‍പ് ഇന്ത്യയ്ക്കെതിരെ രണ്ട് ഏകദിനങ്ങള്‍ കൂടി അവര്‍ക്ക് ബാക്കിയുണ്ട്. എന്നാല്‍, ആ രണ്ട് മത്സരങ്ങളിലും വിജയിച്ചാല്‍ പോലും അവസാന യോഗ്യതാ സ്ഥാനത്തിനായി അഫ്ഗാനിസ്ഥാനെ മറികടക്കാന്‍ അവര്‍ക്ക് സാധിക്കില്ല.
നാല് വര്‍ഷങ്ങള്‍ക്ക് മുന്‍പും വെസ്റ്റ് ഇന്‍ഡീസ് സമാനമായ ഒരു സാഹചര്യത്തെ നേരിട്ടിരുന്നു. അന്ന് ഏകദിന ലോകകപ്പില്‍ കടക്കാന്‍ യോഗ്യതാ മത്സരങ്ങളില്‍ മികച്ച പ്രകടനം പുറത്തെടുക്കേണ്ടിയിരുന്നു അവര്‍ക്ക്. എന്നാല്‍, യോഗ്യതാ റൗണ്ടിലും അവര്‍ ഇടറുകയും ക്രിക്കറ്റ് ചരിത്രത്തിലാദ്യമായി ലോകകപ്പ് യോഗ്യത നേടാനാകാതെ പുറത്താവുകയും ചെയ്തു. ഈ നിരാശ തുടര്‍ന്നു വന്ന ചാമ്പ്യന്‍സ് ട്രോഫിയിലും അവര്‍ക്ക് അവസരം നഷ്ടപ്പെടുന്നതിലേക്ക് നയിച്ചു.
Comments