സിജെപിയുടെ ഇൻസ്റ്റ അക്കൗണ്ട് താൽക്കാലികമായി നീക്കം ചെയ്തു; 'വെറും ഭീരുക്കൾ' എന്ന് വിമർശിച്ച് ദിപ്കെ

മുംബൈ: സിജെപിയുടെ ഔദ്യോഗിക ഇൻസ്റ്റാഗ്രാം അക്കൗണ്ട് ശനിയാഴ്ച രാവിലെ താൽക്കാലികമായി നീക്കം ചെയ്തതായി അതിന്റെ സ്ഥാപകൻ അഭിജീത് ദിപ്കെ അവകാശപ്പെട്ടു. പിന്നീട് അക്കൗണ്ട് പുനഃസ്ഥാപിച്ചുവെന്നും ദിപ്കെ പറഞ്ഞു. തങ്ങളുടെ ശബ്ദം മൂടിക്കെട്ടാൻ ശ്രമിച്ച ഭീരുക്കളാണ് സ്വാതന്ത്ര്യദിനത്തിന്റെ ദിവസം രാവിലെ ഇൻസ്റ്റാഗ്രാം അക്കൗണ്ട് താൽക്കാലികമായി നീക്കം ചെയ്തതെന്ന് സിജെപി കുറ്റപ്പെടുത്തി.

ഇൻസ്റ്റാഗ്രാം അക്കൗണ്ട് ലഭ്യമല്ലെന്ന് കാണിക്കുന്ന സ്ക്രീൻഷോട്ടുകൾ പങ്കുവെച്ച ദിപ്കെ, ഇതിന് പിന്നിൽ പ്രവർത്തിച്ചവരെ രൂക്ഷമായി വിമർശിക്കുകയും "വെറും ഭീരുക്കൾ" എന്ന് വിശേഷിപ്പിക്കുകയും ചെയ്തു."അവർ കോക്ക്രോച്ച് ജനതാ പാർട്ടിയുടെ ഔദ്യോഗിക ഇൻസ്റ്റാഗ്രാം ഹാൻഡിൽ നീക്കം ചെയ്തു. ഭീരുക്കൾ!" ദിപ്കെ എക്സിൽ കുറിച്ചു.

തുടർന്ന് അക്കൗണ്ട് വീണ്ടെടുത്തതായി സിജെപി അറിയിച്ചു. "ഇന്ന് രാവിലെ സിജെപിയുടെ ഇൻസ്റ്റാഗ്രാം ഹാൻഡിൽ നീക്കം ചെയ്യപ്പെട്ടിരുന്നു. എന്നാൽ ഞങ്ങൾക്ക് അക്കൗണ്ട് വിജയകരമായി വീണ്ടെടുക്കാൻ കഴിഞ്ഞു," പാർട്ടി എക്സിൽ കുറിച്ചു.

തങ്ങളുടെ ശബ്ദം ഒതുക്കാനാണ് അക്കൗണ്ട് സസ്പെൻഡ് ചെയ്തതെന്ന് സിജെപി ആരോപിച്ചു. "സിജെപിയെ എതിർക്കുന്നവർ ഞങ്ങളുടെ ശബ്ദം മൂടിക്കെട്ടാൻ ഇന്ത്യയുടെ സ്വാതന്ത്ര്യദിനം തന്നെ തിരഞ്ഞെടുത്തത് വളരെ ലജ്ജാകരമാണ്. ഇത്തരം ഭീരുത്വപരമായ നടപടികൾക്ക് മുന്നിൽ ഞങ്ങൾ ഭയപ്പെടില്ല!" സിജെപിയുടെ പോസ്റ്റിൽ പറയുന്നു.