നടൻ സെയ്ഫ് അലി ഖാന് ജന്മദിനാശംസകളുമായി സഹോദരിയും നടിയുമായ സോഹ അലി ഖാൻ. സെയ്ഫിന്റെ നിരവധി ചിത്രങ്ങൾക്കൊപ്പം ഹൃദ്യമായ ഒരു കുറിപ്പും പങ്കുവെച്ചുകൊണ്ടായിരുന്നു സോഹയുടെ ആശംസ. ഏറ്റവും ബുദ്ധിമുട്ടേറിയ നിമിഷങ്ങളിൽ പോലും ചുറ്റുമുള്ളവരിൽ ചിരിയും പോസിറ്റിവിറ്റിയും നിറയ്ക്കാനുള്ള സെയ്ഫിന്റെ പ്രത്യേക കഴിവിനെ സോഹ തന്റെ കുറിപ്പിൽ പ്രശംസിച്ചു.
"എന്നെ സംബന്ധിച്ചിടത്തോളം നിങ്ങളെപ്പോലെ മറ്റാരും ഇല്ല, ഭായ്. ഏറ്റവും ഭാരമേറിയ നിമിഷങ്ങളെപ്പോലും ലഘുവാക്കാനും, ഞങ്ങളുടെ നെഞ്ചുപൊട്ടുന്നതുവരെ ചിരിപ്പിക്കാനും, രണ്ട് കണ്ണടകളും രണ്ട് വാച്ചുകളും ധരിച്ചിട്ടും അതിനെ എങ്ങനെയോ സ്റ്റൈലിഷാക്കി മാറ്റാനും, ചുറ്റുമുള്ള എല്ലാവരുടെയും നല്ല വശങ്ങളെ - പ്രത്യേകിച്ച് കുനാലിന്റെ മസിൽസിനെ - തുറന്നു പ്രശംസിക്കാനുമുള്ള അപൂർവ്വമായ കഴിവ് നിങ്ങൾക്കുണ്ട്. നിങ്ങൾ ജീവിതം കൂടുതൽ ലഘുവായതും, സജീവവും, തമാശ നിറഞ്ഞതും, മികച്ചതുമാക്കുന്നു. ജന്മദിനാശംസകൾ ഭായ്, എപ്പോഴും എന്റെ കൂടെ നിന്നതിന് നന്ദി." — സോഹ അലി ഖാൻ കുറിച്ചു.
"എന്നെ സംബന്ധിച്ചിടത്തോളം നിങ്ങളെപ്പോലെ മറ്റാരും ഇല്ല, ഭായ്. ഏറ്റവും ഭാരമേറിയ നിമിഷങ്ങളെപ്പോലും ലഘുവാക്കാനും, ഞങ്ങളുടെ നെഞ്ചുപൊട്ടുന്നതുവരെ ചിരിപ്പിക്കാനും, രണ്ട് കണ്ണടകളും രണ്ട് വാച്ചുകളും ധരിച്ചിട്ടും അതിനെ എങ്ങനെയോ സ്റ്റൈലിഷാക്കി മാറ്റാനും, ചുറ്റുമുള്ള എല്ലാവരുടെയും നല്ല വശങ്ങളെ - പ്രത്യേകിച്ച് കുനാലിന്റെ മസിൽസിനെ - തുറന്നു പ്രശംസിക്കാനുമുള്ള അപൂർവ്വമായ കഴിവ് നിങ്ങൾക്കുണ്ട്. നിങ്ങൾ ജീവിതം കൂടുതൽ ലഘുവായതും, സജീവവും, തമാശ നിറഞ്ഞതും, മികച്ചതുമാക്കുന്നു. ജന്മദിനാശംസകൾ ഭായ്, എപ്പോഴും എന്റെ കൂടെ നിന്നതിന് നന്ദി." — സോഹ അലി ഖാൻ കുറിച്ചു.
സോഹയുടെ വിവാഹ ചിത്രങ്ങൾ, കുനാൽ ഖേമുവിനൊപ്പമുള്ള രസകരമായ ചിത്രങ്ങൾ, മകൾ ഇനായ സെയ്ഫിന്റെ മടിയിലിരുന്ന് ഭക്ഷണം നൽകുന്ന മനോഹരമായ നിമിഷം എന്നിവ ഉൾപ്പെടുന്ന ചിത്രങ്ങളും സോഹ ഒപ്പം പങ്കുവെച്ചിട്ടുണ്ട്.
പട്ടൗഡിയിലെ നവാബ് മൻസൂർ അലി ഖാന്റെയും പ്രശസ്ത നടി ഷർമിള ടാഗോറിന്റെയും മക്കളാണ് സൈഫ് അലി ഖാനും സോഹ അലി ഖാനും സബ പട്ടൗഡിയും. പ്രശസ്ത നടൻ കുനാൽ കെമുവാണ് സോഹയുടെ ഭർത്താവ്. 2015-ൽ വിവാഹിതരായ ഇവർക്ക് ഇനായ നൗമി കെമു എന്നൊരു മകളാണുള്ളത്.
Comments