തിരക്കേറിയ ഫ്ലൈഓവറിൽ കുടുങ്ങിയ പശു; സ്വന്തം സുരക്ഷ പോലും നോക്കാതെ രക്ഷിക്കാനെത്തിയ ബൈക്കർ

തിരക്കേറിയ റോഡിലൂടെ വാഹനങ്ങൾ ചീറിപ്പായുന്നതിനിടെ ഒരു ജീവൻ അപകടത്തിൽപ്പെടുന്നത് കണ്ടാൽ എന്തുചെയ്യും? പലരും കടന്നുപോകുമ്പോൾ ഗാസിയാബാദിലെ ഒരു ബൈക്കർ ചെയ്തത് വ്യത്യസ്തമായിരുന്നു. തിരക്കേറിയ ഫ്ലൈഓവറിൽ കുടുങ്ങിയ പശുവിനെ കണ്ട അദ്ദേഹം സ്വന്തം സുരക്ഷ പോലും നോക്കാതെ രക്ഷിക്കാനിറങ്ങി. ഇതിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

ഫ്ലൈഓവറിൽ വാഹനങ്ങൾ അതിവേഗത്തിൽ കടന്നുപോകുന്നതിനിടെയാണ് പശു റോഡിൽ കുടുങ്ങിയത്. ഏത് നിമിഷവും വലിയ അപകടം സംഭവിക്കാവുന്ന സാഹചര്യമായിരുന്നു. ഇതിനിടെയാണ് ബൈക്കർ വാഹനം നിർത്തി പശുവിന്റെ അരികിലേക്ക് എത്തിയത്. വാഹനങ്ങളുടെ തിരക്കിനിടയിലൂടെ പതുക്കെ പശുവിനെ സുരക്ഷിതമായ ഭാഗത്തേക്ക് മാറ്റാൻ അദ്ദേഹം ശ്രമിക്കുകയായിരുന്നു.

പശുവിനെ റോഡരികിലേക്ക് എത്തിക്കുന്നതുവരെ ബൈക്കർ അതിന്റെ അരികിൽ തന്നെ തുടർന്നു. തിരക്കേറിയ ഫ്ലൈഓവറിൽ സ്വന്തം ജീവൻ പോലും അപകടത്തിലാക്കിയാണ് അദ്ദേഹം ഈ രക്ഷാപ്രവർത്തനം നടത്തിയത്. സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ എത്തിയതോടെ നിരവധി പേരാണ് ബൈക്കറുടെ പ്രവർത്തിയെ പ്രശംസിച്ച് രംഗത്തെത്തിയത്.

അപകടസാധ്യത മുന്നിൽ കണ്ടിട്ടും നിസ്സഹായമായ ഒരു ജീവിയെ രക്ഷിക്കാൻ മുന്നിട്ടിറങ്ങിയ ബൈക്കറുടെ പ്രവൃത്തിയാണ് ആളുകളുടെ കൈയടി നേടിയത്. വലിയ അവകാശവാദങ്ങളൊന്നുമില്ലാതെ ഒരു ജീവന് സഹായഹസ്തം നീട്ടിയ ഈ നിമിഷം സോഷ്യൽ മീഡിയയിൽ വൈറലായതോടെ, മനുഷ്യത്വം കാണിക്കാൻ വലിയ കാര്യങ്ങൾ ചെയ്യേണ്ടതില്ലെന്ന ഓർമ്മപ്പെടുത്തൽ കൂടിയായി ഈ വീഡിയോ.