‘എന്റെ മകൾ മയൂഖയ്‌ക്കൊപ്പം മാരാരി കടൽത്തീരത്ത് അവധിക്കാലം ആഘോഷിച്ചപ്പോൾ’; പഴയ ചിത്രം പങ്കുവെച്ച് സൈജു കുറുപ്പ്

മകളൊപ്പമുള്ള പഴയൊരു ചിത്രം പങ്കുവെച്ച് നടൻ സൈജു കുറുപ്പ്. മരാരി കടൽത്തീരത്ത് അവധിക്കാലം ആഘോഷിക്കുമ്പോൾ പകർത്തിയ ചിത്രമാണ് താരം പങ്കുവെച്ചിരിക്കുന്നത്.

‘‘എന്റെ മകൾ മയൂഖയ്‌ക്കൊപ്പം, കുറച്ചു വർഷങ്ങൾക്ക് മുമ്പ് മാരാരി കടൽത്തീരത്ത് അവധിക്കാലം ആഘോഷിച്ചപ്പോൾ’’ എന്നാണ് മകളെ എടുത്തുയർത്തി നിൽക്കുന്ന ചിത്രത്തിനൊപ്പം സൈജു കുറുപ്പ് കുറിച്ചത്. കെ.ജെ. യേശുദാസ് ആലപിച്ച 'ചമ്പക്കുളം തച്ചൻ' സിനിമയിലെ 'മകളെ പാതി മലരേ' എന്ന ഗാനമാണ് പശ്ചാത്തല സംഗീതമായി നൽകിയിരിക്കുന്നത്.

മലയാളികളുടെ പ്രിയപ്പെട്ട നടനാണ് സൈജു കുറുപ്പ്. ഹരിഹരൻ സംവിധാനം ചെയ്ത 'മയൂഖം' ആയിരുന്നു താരത്തിന്റെ ആദ്യ ചിത്രം. പിന്നീട് വില്ലനായും സഹനടനായും കൊമേഡിയനായുമെല്ലാം നടൻ കയ്യടി നേടി. അതേസമയം 'മോഹിനിയാട്ടം' ആണ് സൈജുവിന്റേതായി ഏറ്റവും ഒടുവിൽ റിലീസ് ചെയ്ത ചിത്രം.

അനുപമയാണ് സൈജു കുറുപ്പിന്റെ ഭാര്യ. മയൂഖയെ കൂടാതെ അഫ്താബ് എന്നൊരു മകനും കൂടി ഈ ദമ്പതികൾക്കുണ്ട്.