അന്തരിച്ച കാന്‍സര്‍ അതിജീവന പോരാളി നന്ദു മഹാദേവയുടെ ജന്മദിനത്തില്‍ വൈകാരിക കുറിപ്പുമായി നടി സീമ ജീ നായര്‍. ഞങ്ങളുടെ പ്രിയപ്പെട്ട നന്ദുട്ടന്‍ ഇന്ന് ഏതോ ലോകത്തിരുന്നു കുറച്ച് പ്രിയപ്പെട്ടവരുടെ കൂടെ പിറന്നാള്‍ ആഘോഷിക്കുന്നുണ്ടാവും എന്നാണ് സീമ ജി നായര്‍ ഫേസ്ബുക്കില്‍ കുറിച്ചത്.
സീമ ജി നായരുടെ കുറിപ്പ്:
''ഇന്ന് നന്ദുട്ടന്റെ പിറന്നാള്‍ (നന്ദു മഹാദേവ).. ഒരായിരം ആശംസകളും, സമ്മാനങ്ങളും നിന്നെ തേടിയെത്തുന്ന ദിവസം, അറിവും, ആയുരാരോഗ്യ സൗഖ്യവും ആവോളം നിനക്ക് കിട്ടട്ടെയെന്ന് എല്ലാവരും ആശംസിക്കുന്ന ദിനം, നിന്റെ സങ്കടങ്ങളെയും, വേദനകളെയും മാറ്റി വെച്ച്, മറ്റുള്ളവരുടെ കണ്ണീരൊപ്പാന്‍ നീ ഓടി നടന്നു, പക്ഷെ വിധി നിനക്കായി കരുതിവെച്ചത് മറ്റൊന്നായിരുന്നു.. അവസാന നിമിഷം വരെയും നീ ചിരിച്ചുകൊണ്ട് എല്ലാത്തിനെയും നേരിട്ടു.. ഇന്ന് ശ്രീകൃഷ്ണ ജയന്തിയും കൂടിയാണ്.. എന്റെ നന്ദു എന്നെ വിളിക്കുന്നത് യശോദാമ്മ എന്നായിരുന്നു.. ഇന്ന് തന്നെ നിന്റെ ജന്മദിനം വന്നത് യാദൃശ്ചികം ആയിരിക്കും.. ഈ യശോദാമ്മയുടെ ഹൃദയം നിറഞ്ഞ പിറന്നാള്‍ ആശംസകള്‍.. ഞങ്ങളുടെ പ്രിയപ്പെട്ട നന്ദുട്ടന്‍ ഇന്ന് ഏതോ ലോകത്തിരുന്നു കുറച്ച് പ്രിയപ്പെട്ടവരുടെ കൂടെ പിറന്നാള്‍ ആഘോഷിക്കുന്നുണ്ടാവും.. Happy birthday nandutta''.
2021 മെയ് 15ന് ആയിരുന്നു നന്ദു മഹാദേവയുടെ വിയോഗം.സമൂഹമാധ്യമങ്ങളിലെ അതീജീവന സന്ദേശങ്ങളിലൂടെ കാന്‍സര്‍ രോഗികള്‍ക്ക് കരുത്തും ആത്മവിശ്വാസവും പകര്‍ന്ന നന്ദു 27മത്തെ വയസില്‍ ആയിരുന്നു വിട പറഞ്ഞത്.
Comments