കയ്പമംഗലം: രാത്രിയില്‍ നിര്‍ത്തിയിട്ടിരുന്ന ലോറിയില്‍ കാറിടിച്ച് എട്ടുപേര്‍ക്ക് ദാരുണാന്ത്യം. മരിച്ചത് ഡിണ്ടിഗല്‍ സ്വദേശികളായ എഞ്ചിനീയറിംഗ് വിദ്യാര്‍ത്ഥികളാണ്. ഇവര്‍ക്കൊപ്പം ഡ്രൈവറും മരിച്ചു. രാത്രി പതിനൊന്ന് മണിയോടെ നടന്ന അപകടത്തില്‍ കാര്‍ പൂര്‍ണ്ണമായും തകര്‍ന്നുപോയി. അലക്ഷ്യമായി പാര്‍ക്ക് ചെയ്തിരുന്ന ലോറിയിലാണ് കാര്‍ വന്നിട്ടിച്ചത്. തിരിച്ചറിഞ്ഞ എല്ലാവരും ഡിണ്ടിഗല്‍, സേലം, മധുര സ്വദേശികളാണ്.
രാത്രിയില്‍ ചരക്ക്‌ലോറിയിലായിരുന്നു ഇടിച്ചത്. മരിച്ച വിദ്യാര്‍ത്ഥികളായ ഏഴുപേരില്‍ അഞ്ചുപേരെ തിരിച്ചറിഞ്ഞു. വിശ്വ, സൂര്യ, സന്തോഷ്, പ്രസന്ന, യുവസഞ്ജിത് എന്നിവരെയാണ് തിരിച്ചറിഞ്ഞിരിക്കുന്നത്. രാത്രിയില്‍ ആയിരുന്നതിനാല്‍ കാര്‍ വന്നത് അമിതവേഗത്തിലായിരുന്നു. തമിഴ്‌നാട് റജിസ്‌ട്രേഷനില്‍ എത്തിയ കാറാണ് അപകടത്തില്‍പെട്ടത്. കുട്ടികള്‍ എവിടേയ്ക്കാണ് പോയതെന്ന് അറിയില്ലെന്നാണ് പോലീസ് പറയുന്നത്.
കാര്‍ പൂര്‍ണ്ണമായും ലോറിക്കടിയില്‍ ആയിരുന്നു. പാര്‍ക്കിംഗ് പാടില്ലാത്ത ഇടത്ത് അലക്ഷ്യമായിട്ടായിരുന്നു ലോറി പാര്‍ക്ക് ചെയ്തിരുന്നത്. മുന്നറിയിപ്പ് ബോര്‍ഡ് ഉണ്ടായിരുന്നെന്ന് ഡിവൈഎസ്പി. സൈന്‍ബോര്‍ഡ് മറച്ചായിരുന്നു ലോറി പാര്‍ക്ക് ചെയ്തിരുന്നതെന്നാണ് വിവരം. മൂന്ന് ട്രക്കുകളായിരുന്നു ഇവിടെ നിര്‍ത്തിയിട്ടിരുന്നത്. ട്രക്ക് ഡ്രൈവര്‍ രക്ഷപ്പെട്ടതായിട്ടാണ് വിവരം. ഇയാള്‍ക്ക് വേണ്ടി തെരച്ചിലിലാണ് പോലീസ്.
അപകടം മനസ്സിലാക്കി നിര്‍ത്തിയിട്ടിരുന്ന മറ്റ് രണ്ടു ലോറികള്‍ ഡ്രൈവര്‍മാര്‍ കൊണ്ടുപോകുകയും ചെയ്തിരുന്നു. ഇടിയില്‍ ലോറിയുടെ പുറകുവശം തകര്‍ന്നിരുന്നു. മഹാരാഷ്ട്ര റജിസ്‌ട്രേഷനിലുള്ള ലോറികളായിരുന്നു ഇവ. മൃതദേഹങ്ങള്‍ തൃശൂര്‍ മെഡിക്കല്‍ കോളേജില്‍ ഇന്‍ക്വസ്റ്റ് നടപടികളിലാണ്. പോസ്റ്റുമാര്‍ട്ടം പൂര്‍ത്തിയായ ശേഷം മൃതദേഹം ബന്ധുക്കള്‍ക്ക് കൈമാറും. മുന്നറിയിപ്പ് സിഗ്നല്‍ ഉണ്ടായിരുന്നില്ലെന്ന് ആക്ഷേപമുണ്ട്.
Comments