മലയാളികള്‍ക്ക് സുപരിചിതയാണ് നടി ശരണ്യ മോഹന്‍. മികച്ച ഒരു നര്‍ത്തകി കൂടിയാണ് താരം. സമൂഹമാധ്യമങ്ങളില്‍ സജീവമായ ശരണ്യ തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്. ഇപ്പോള്‍ വിവാഹവാര്‍ഷിക ദിനത്തില്‍ ശരണ്യയ്ക്ക് ആശംസകള്‍ നേര്‍ന്ന് ഭര്‍ത്താവ് അരവിന്ദ് കൃഷ്ണന്‍ പങ്കുവച്ച കുറിപ്പ് ശ്രദ്ധ നേടുകയാണ്.
‘ 2015 June 21 നു മുറ്റത്ത് ചൂൽ അടിച്ചോണ്ട് ഇരുന്ന ശരണ്യേനെ വിളിച്ചു"അറിഞ്ഞൂടാത്ത ആളെ കഷ്ടപ്പെട്ട് കെട്ടണോ.. എന്നെ കെട്ടിയാ പോരെ?"
എന്ന ചോദ്യത്തിന് ഉത്തരം നൽകിയതിന്റെ ഭാഗമായി സെപ്റ്റംബർ 6 നു വിവാഹം ആഘോഷിക്കുന്ന ഞങ്ങൾ!
പാതിരാത്രി തട്ടിയുണർത്തിയുള്ള എന്റെ 'മസ്തിഷ്കപ്രക്ഷാളന' തമാശകൾ/ philosophy / story thread discussion ഇനിയും പ്രതീക്ഷിക്കാം! എന്നിലെ ആ വൻ പ്രതിഭയെ തുടർന്നും സപ്പോർട്ട് ചെയ്യുമെന്ന പ്രതീക്ഷയോടെ... ഹാപ്പി ആനിവേഴ്സറി മൈ ഡിയർ അപ്പു കുട്ടി ’. എന്നാണ് ശരണ്യയ്ക്കൊപ്പമുളള ചിത്രത്തിനൊപ്പം അരവിന്ദ് കുറിച്ചത്. പിന്നാലെ നിരവധിപ്പേര്‍ ഇരുവര്‍ക്കും ആശംസകള്‍ അറിയിച്ച് എത്തി.
2015 സെപ്റ്റംബര്‍ 6-നായിരുന്നു ഡോക്ടര്‍ അരവിന്ദ് കൃഷ്ണനുമായുളള ശരണ്യയുടെ വിവാഹം. വിവാഹശേഷം അഭിനയരംഗത്തുനിന്ന് വിട്ടുനില്‍ക്കുകയാണ് ശരണ്യ. രണ്ട് മക്കളാണ് ഈ ദമ്പതികള്‍ക്ക്. അനന്തപത്മനാഭന്‍ അരവിന്ദ്, അന്നപൂര്‍ണ്ണ അരവിന്ദ് എന്നിങ്ങനെയാണ് മക്കളുടെ പേരുകള്‍.
Comments