ഭര്‍ത്താവ് രാജ് കുന്ദ്രയ്ക്ക് ജന്മദിനാശംസകള്‍ നേര്‍ന്ന് നടി ശില്‍പ ഷെട്ടി സമൂഹമാധ്യമങ്ങളില്‍ പങ്കുവെച്ച പോസ്റ്റാണ് ഇപ്പോള്‍ ശ്രദ്ധേയമാകുന്നത്. കുടുംബത്തോടൊപ്പമുളള മനോഹരമായ നിമിഷങ്ങള്‍ കോര്‍ത്തിണക്കിക്കൊണ്ടുളള വീഡിയോ പങ്കിട്ടുകൊണ്ടായിരുന്നു താരത്തിന്റെ ആശംസ.
"എന്റെ പ്രിയപ്പെട്ട കുക്കി, ഞങ്ങൾ എല്ലാ ദിവസവും നിങ്ങളെ ആഘോഷിക്കുന്നു, പക്ഷേ ഇന്ന് വളരെ പ്രത്യേകത നിറഞ്ഞതാണ്, കാരണം ഇത് നിങ്ങളുടെ ജന്മദിനമാണ്! നിങ്ങൾക്ക് എന്നും അനുഗ്രഹവും സംരക്ഷണവും സന്തോഷവും ലഭിക്കട്ടെയെന്നും സ്നേഹം, ചിരി, സമൃദ്ധി എന്നിവയാൽ ചുറ്റപ്പെടട്ടെയെന്നും ഞാൻ പ്രാർത്ഥിക്കുന്നു.
എന്നെ ഏറ്റവും കൂടുതൽ ദേഷ്യപ്പെടുത്താനും, എന്നോടൊപ്പം ചിരിക്കാനും, ജീവിതത്തിൽ ഒപ്പം നിൽക്കാനും എനിക്കേറ്റവും ഇഷ്ടമുള്ള വ്യക്തിയായ നിങ്ങളോടൊപ്പമുള്ള മറ്റൊരു വർഷത്തിലേക്ക് സ്വാഗതം. ജന്മദിനാശംസകൾ, എന്റെ കുക്കി. നിങ്ങളുള്ളപ്പോൾ ജീവിതം കൂടുതൽ മധുരമുള്ളതായി മാറുന്നു," എന്നായിരുന്നു ശിൽപയുടെ വാക്കുകൾ.
2009 നവംബര്‍ 22 നാണ് ശില്‍പ ഷെട്ടിയും രാജ് കുന്ദ്രയും വിവാഹിതരായത്. 2012 ലായിരുന്നു ഇരുവര്‍ക്കും മൂത്ത മകന്‍ വിയാന്‍ ജനിച്ചത്. തുടര്‍ന്ന്‌വാടക ഗര്‍ഭധാരണത്തിലൂടെ മകള്‍ സമീഷയെയും ഇരുവരും സ്വാഗതം ചെയ്തു.
അതേസമയം, കെ.വി.എൻ. പ്രൊഡക്ഷൻസിന്റെ ബാനറിൽ വെങ്കട്ട് കെ. നാരായണ നിർമ്മിച്ച 'കെ.ഡി: ദി ഡെവിൽ' എന്ന പീരിയഡ് ആക്ഷൻ ചിത്രത്തിലാണ് ശിൽപ ഷെട്ടി അവസാനമായി അഭിനയിച്ചത്. കൂടാതെ 'മാ ഹൈ നാ' എന്ന കുക്കിംഗ് റിയാലിറ്റി ഷോയുടെ അവതാരകയായും താരം തിളങ്ങുന്നുണ്ട്.
Comments