മലയാളികള്‍ക്ക് ഏറെ സുപരിചിതയാണ് നടിയും നര്‍ത്തകിയുമായി ശില്‍പ ബാല. സോഷ്യല്‍ മീഡിയയിലും സജീവമായ താരം തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. ഇപ്പോഴിതാ മകള്‍ യാമി എന്ന തക്കിട്ടുവിന്റെ ഒമ്പതാം പിറന്നാള്‍ ദിനത്തില്‍ മനോഹരമായ കുറിപ്പ് പങ്കിട്ടെത്തിയിരിക്കുകയാണ് ശില്‍പ.
ഓരോ തവണ അവള്‍ പിറന്നാള്‍ മെഴുകുതിരികള്‍ അണയ്ക്കുമ്പോഴും, കൊടുങ്കാറ്റിനു ശേഷം പോണ്ടിച്ചേരിയിലെ ഒരു ആശുപത്രി ലേബര്‍ റൂമില്‍ വെച്ച് അവളെ ഞാന്‍ ആദ്യമായി കണ്ട 9 വര്‍ഷം മുന്‍പുള്ള ആ നിമിഷത്തിലേക്ക് ഞാന്‍ തിരിച്ചുപോകാറുണ്ട് (അത് കാലാവസ്ഥയിലെ കൊടുങ്കാറ്റ് ആയിരുന്നില്ലെന്ന് തീര്‍ച്ചയാണ്). ഞങ്ങള്‍ കണ്ടുമുട്ടിയപ്പോള്‍ കണ്ണ് ചിമ്മാന്‍ ഒട്ടും തിടുക്കമില്ലാത്ത, തിളങ്ങുന്ന ആ ചെറിയ ജോടി കണ്ണുകള്‍ അന്നവിടെ പ്രത്യക്ഷപ്പെട്ടു. ഈ കാഴ്ച എക്കാലത്തും എന്റെ മനസ്സില്‍ ഇങ്ങനെ തന്നെ ആവര്‍ത്തിക്കുമെന്ന് ഞാന്‍ കരുതുന്നു.
ഞാന്‍ ഇതുവരെ അറിഞ്ഞിട്ടുള്ളതില്‍ വെച്ച് ഏറ്റവും അത്ഭുതവും ദയയും കരുത്തുമുള്ള കൊച്ചു പെണ്‍കുട്ടിയായി നീ മാറുക! ദൈവം നിന്റെ പ്രിയപ്പെട്ട കുഞ്ഞുഹൃദയത്തെ സംരക്ഷിക്കുകയും കാവല്‍ നില്‍ക്കുകയും ചെയ്യട്ടെ. നിന്റെ മാതാപിതാക്കളാകാന്‍ ഞങ്ങളെ തിരഞ്ഞെടുത്തതിന് നന്ദി പിറന്നാള്‍ ആശംസകള്‍ എന്നായിരുന്നു ശില്‍പ ബാല കുറിച്ചത്. കുറിപ്പിനൊപ്പം പിറന്നാള്‍ കേക്കിന്റെയും, പിറന്നാള്‍ കേക്കിനു മുന്നില്‍ മകള്‍ ഇരിക്കുന്ന ചിത്രവും താരം പങ്കുവെച്ചിട്ടുണ്ട്.
നടി മിയ, ദീപ്തി വിധു പ്രതാപ് തുടങ്ങി നിരവധിപ്പേരാണ് പോസ്റ്റിന് താഴെ തക്കിട്ടുവിന് പിറന്നാള്‍ ആശംസകളുമായെത്തുന്നത്. ശില്‍പയുടെ വീഡിയോകളിലൂടെയായി പ്രേക്ഷകര്‍ക്കും പരിചിതയാണ് തക്കിട്ടു. മകള്‍ക്കൊപ്പമുളള റീല്‍ വീഡിയോകളും താരം സമൂഹമാധ്യമങ്ങളില്‍ പങ്കുവെക്കാറുണ്ട്. ഡോ. വിഷ്ണുവാണ് ശില്‍പയുടെ ഭര്‍ത്താവ്. 2016 ഓഗസ്റ്റ് 18 നായിരുന്നു ഇവരുടെ വിവാഹം.
Comments