തെന്നിന്ത്യയുടെ പ്രിയതാരമാണ് മാളവിക മോഹനന്‍. കഴഞ്ഞ ദിവസം എക്‌സില്‍ ചോദ്യോത്തര സെഷനില്‍ ആരാധാരുടെ ചോദ്യത്തിന് മറുപടി നല്‍കിയിരുന്നു. രജനികാന്തിനൊപ്പം അഭിനയിച്ചതിന്റെ അനുഭവം പങ്കുവയ്ക്കാമോ എന്നായിരുന്നു ഒരാളുടെ ചോദ്യം. ഏതൊരു പുതുമുഖവും ആഗ്രഹിക്കുന്ന ഒരു അവസരമാണ് അതെന്ന് മാളവിക പറഞ്ഞു. 2019 ല്‍ പുറത്തിറങ്ങിയ 'പേട്ട'യിലാണ് രജനികാന്തിനൊപ്പം മാളവിക അഭിനയിച്ചത്.
‘പേട്ട'യില്‍ തലൈവര്‍ക്കൊപ്പം അഭിനയിക്കാന്‍ കഴിഞ്ഞത് ഏതൊരു പുതുമുഖവും ആഗ്രഹിക്കുന്ന ഏറ്റവും മികച്ച അനുഭവമാണ്. പുതുമുഖങ്ങളെ പിന്തുണയ്ക്കുന്ന, അവരെ പ്രോത്സാഹിപ്പിക്കുന്ന, പരസ്യമായി പ്രശംസിക്കുന്ന ഒരു സൂപ്പര്‍ സ്റ്റാര്‍ ഉണ്ടെങ്കില്‍ അത് രജനി സാറാണ്. എന്റെ കരിയറിന്റെ തുടക്കത്തില്‍ തന്നെ അദ്ദേഹം എനിക്ക് വളരെയധികം ആത്മവിശ്വാസവും പിന്തുണയും നല്‍കി, അത് ഞാന്‍ വളരെയധികം വിലമതിക്കുകയും എന്റെ ഹൃദയത്തോട് ചേര്‍ത്തുനിര്‍ത്തുകയും ചെയ്യുന്നു'.- മാളവിക കുറിച്ചു.
‘പേട്ട'യില്‍ നവാസുദ്ദീന്‍ സിദ്ദിഖി അവതരിപ്പിച്ച സിങ്കാരത്തിന്റെ സഹോദരി പൂങ്കൊടിയായാണ് മാളവിക അഭിനയിച്ചത് അതേസമയം കാര്‍ത്തി നായകനാകുന്ന സര്‍ദാര്‍ 2 ആണ് മാളവികയുടെ ഏറ്റവും പുതിയ ചിത്രം. പി എസ് മിത്രന്‍ സംവിധാനം ചെയ്യുന്ന ചിത്രത്തില്‍ തനിക്ക് നിരവധി ആക്ഷന്‍ രംഗങ്ങളുണ്ടെന്ന് താരം പറഞ്ഞിരുന്നു. സെപ്റ്റംബര്‍ 10 നാണ് ചിത്രം തിയേറ്ററുകളിലെത്തുക.
Comments