ബോളിവുഡിന്റെ താരപ്രൗഢിയിലേക്ക് ജനിച്ചു വീണ കൊച്ചുമകളാണ് നവ്യ നവേലി നന്ദ. ബോളിവുഡ് ഇതിഹാസം അമിതാഭ് ബച്ചന്റെയും ജയ ബച്ചന്റെയും കൊച്ചുമകളായ നവ്യ സിനിമയിലേക്ക് തിരിയുന്നതിന് പകരം യുവ സംരംഭകയും സാമൂഹിക പ്രവർത്തകയുമായിട്ടാണ് തിളങ്ങുന്നത്. സിനിമയിലെത്തിയിരുന്നെങ്കില്‍ സൗന്ദര്യം കൊണ്ട് ഇന്നത്തെ പല നടിമാര്‍ക്കും നവ്യ ഒരു വലിയ വെല്ലുവിളിയായി മാറിയേനേം. അതുകൊണ്ടു തന്നെ നവ്യ നവേലി പങ്കിടുന്ന ചിത്രങ്ങളെല്ലാം നിമിഷനേരം കൊണ്ട് തരംഗമായി മാറാറുണ്ട്.
ഇപ്പോഴിതാ ഗോള്‍ഡന്‍ ഔട്ട്ഫിറ്റില്‍ റോയല്‍ ലുക്കില്‍ തിളങ്ങുന്ന ചിത്രങ്ങള്‍ പങ്കിടുകയാണ് നവ്യ നവേലി നന്ദ. അബു ജാനിയും സന്ദീപ് ഖോസ്‌ലയും തങ്ങളുടെ ഐക്കണിക് ഡിസൈൻ യാത്രയുടെ നാല് പതിറ്റാണ്ടുകൾ പിന്നിട്ട ആഘോഷത്തിലാണ് നവ്യ ഗോള്‍ഡന്‍ ഔട്ട്ഫിറ്റില്‍ തിളങ്ങിയത്. സാർട്ടോറിയൽ വസ്ത്രധാരണത്തിലൂടെ ശ്രദ്ധയാകർഷിച്ച നവ്യ, തന്റെ സ്റ്റൈലിംഗ് ശരിക്കും വേറിട്ടു തന്നെ നിന്നു.
പരമ്പരാഗത ഇന്ത്യൻ ആഭരണങ്ങളിൽ നിന്നും കോച്ചറിൽ നിന്നും പ്രചോദനം ഉൾക്കൊണ്ട് നന്നായി അലങ്കരിച്ച ഒരു ആന്റിക് ഗോള്‍ഡന്‍ മിനി ഡ്രസ്സിലാണ് നവ്യ തിളങ്ങിയത്. അബു ജാനി സന്ദീപ് ഖോസ്ലയുടെ ശേഖരത്തില്‍ നിന്ന്, സ്വർണ്ണ നിറമുള്ള എംബ്രോയിഡറി, മെറ്റാലിക് ബീഡുകൾ, വൃത്താകൃതിയിലുള്ള മോട്ടിഫുകൾ, ചെയിനുകൾ, നാണയം പോലുള്ള അലങ്കാരങ്ങൾ എന്നിവയാൽ തിളങ്ങുന്ന കവചം പോലുള്ള ഒരു ബോഡീസും ഗോള്‍ഡില്‍ സമൃദ്ധമായി അലങ്കരിച്ച റൗണ്ട് ആകൃതിയിലുള്ള ഉയര്‍ന്ന നെക്ക്ലൈനും ഷോർട്ട് സ്ലീവുകളുമുള്ള മിനി സ്കര്‍ട്ടുമാണ് ബച്ചന്‍ കൊച്ചുമകള്‍ ധരിച്ചത്. ചെറിയ ഹെംലൈനും അഴകളവുകളും ഔട്ട്ഫിറ്റിന് പ്രത്യേക ആകര്‍ഷണം നല്‍കുന്നുണ്ട്. ഫാഷൻ, സിനിമ, വിനോദം എന്നീ മേഖലകളിൽ നിന്നുള്ള പ്രമുഖർ പങ്കെടുത്ത താരനിബിഡമായ വേദിയില്‍ നവ്യ രാജകീയ പ്രൗഢിയിലാണ് തിളങ്ങിയത്.
Comments