ഇപ്പോഴിതാ നേതൃത്വത്തെ കുറിച്ചുള്ള വിജയ് സേതുപതിയുടെ പരാമർശം വിവാദമായി മാറിയിരിക്കുകയാണ്. ബിഗ് ബോസിന്റെ ഇക്കഴിഞ്ഞ എപ്പിസോഡിലാണ് മത്സരാർഥി ശതികയെ വിമർശിച്ച് അവതാരകനായിരുന്ന വിജയ് സേതുപതിയുടെ പരാമർശം നടത്തിയത്. ബിഗ് ബോസ് മത്സരാര്‍ത്ഥികളെ രണ്ട് ഗ്രൂപ്പായി തിരിച്ച ശേഷം അതില്‍ ഒരു ഗ്രൂപ്പിന്റെ നേതാവിനോട് ഒരു നേതാവിന്റെ ഗുണഗണങ്ങള്‍ വര്‍ണ്ണിക്കുന്നതിനിടയില്‍ ആണ് മുഖ്യമന്ത്രി വിജയിനെതിരെ എന്ന രീതിയില്‍ വിജയ് സേതുപതി കമന്റ് നടത്തിയത്. രാഷ്ട്രീയ നേതൃത്വത്തെക്കുറിച്ച് സേതുപതി ഒരു ചോദ്യം ചോദിച്ചിരുന്നു. ‘എന്താണ് നല്ല നേതൃത്വം അല്ലാത്തത് ?’ എന്നതായിരുന്നു വിജയ് സേതുപതിയുടെ ചോദ്യം.
‘‘നേതൃത്വം എന്താണെന്ന് നിങ്ങൾക്ക് അറിയില്ല. എല്ലാം ശരിയായിരുന്നപ്പോൾ വാഗ്ദാനങ്ങൾ നൽകി. എന്നാൽ പ്രശ്നങ്ങളും ഉത്തരവാദിത്തങ്ങളും വന്നപ്പോൾ എതിർപക്ഷത്തെ കുറ്റപ്പെടുത്തി ഒഴിഞ്ഞുമാറി. അതാണ് നേതൃത്വം അല്ല, അത് വഞ്ചനയാണ്...’’ എന്ന തരത്തിലായിരുന്നു ശതികയ്‌ക്കെതിരായ വിജയ് സേതുപതിയുടെ വിമർശനം. ചോദ്യവും പരാമര്‍ശവും വൈറലായതോടെ നേതൃത്വം, ഉത്തരവാദിത്തം തുടങ്ങിയ വാക്കുകള്‍ സോഷ്യല്‍ മീഡിയയില്‍ വിമര്‍ശനങ്ങള്‍ക്ക് കാരണമായി. വിജയ് സേതുപതിയുടെ നിലപാടിനെ പിന്തുണച്ച് നിരവധി പേർ രംഗത്തെത്തിയപ്പോൾ, ഇത് തമിഴ്നാട് മുഖ്യമന്ത്രി വിജയ്ക്കെതിരെയുള്ള ഒളിയമ്പ് എന്ന രീതിയില്‍ സോഷ്യൽ മീഡിയയിൽ അഭിപ്രായമുയർന്നു. വാഗ്ദാനങ്ങൾ, പ്രതിസന്ധി ഘട്ടത്തിലെ ഉത്തരവാദിത്തം, നേതൃത്വം തുടങ്ങിയ പരാമർശങ്ങൾ മുഖ്യമന്ത്രിയായ വിജയ്യെ ലക്ഷ്യമിട്ടുള്ള പരോക്ഷ വിമർശനമാണോ എന്ന ചോദ്യമാണ് ചിലർ ഉന്നയിച്ചത്. ക്രമസമാധാനം, ലഹരിക്കടത്ത്, വൈദ്യുതി പ്രതിസന്ധി എന്നീ വിഷയങ്ങളില്‍ വിജയ് സര്‍ക്കാര്‍ വലിയ ചോദ്യങ്ങള്‍ നേരിടുന്നുണ്ട്. എന്നാല്‍ ഇതില്‍ ഡിഎംകെ സര്‍ക്കാരിനെ കുറ്റപ്പെടുത്തി രക്ഷപ്പെടാനാണ് വിജയ് സര്‍ക്കാര്‍ ശ്രമിക്കുന്നുണ്ടെന്നും ചിലര്‍ അഭിപ്രായപ്പെടുന്നുണ്ട്.
അവതാരകനായ വിജയ് സേതുപതിയും തമിഴ്നാട് മുഖ്യമന്ത്രിയായ വിജയ്‌യും തമ്മിലുള്ള രാഷ്ട്രീയ നിലപാടുകളെക്കുറിച്ച് വ്യത്യസ്ത ചർച്ചകൾ നേരത്തെയും ഉണ്ടായിട്ടുണ്ട്. എന്നാൽ ഇത്തവണ ശതികയ്‌ക്കെതിരായ ഒരു ബിഗ് ബോസ് പരാമർശം തന്നെയാണ് മുഖ്യമന്ത്രിയിലേക്കുള്ള ചർച്ചയ്ക്ക് വഴിമാറിയത്.
ഇതിനിടെ തമിഴ്നാട് മുഖ്യമന്ത്രി വിജയ് നിലവിൽ ലണ്ടനിലാണെന്നതും ചർച്ചയ്ക്ക് കൗതുകം കൂട്ടുന്നുണ്ട്. വിജയ്‌യുടെ രാഷ്ട്രീയ പ്രവർത്തനങ്ങളും ഭരണപരമായ തീരുമാനങ്ങളും ചർച്ചയാകുന്ന സാഹചര്യത്തിലാണ് ബിഗ് ബോസ് വേദിയിലെ പരാമര്‍ശങ്ങള്‍ ചര്‍ച്ചയാകുന്നത്.
അജിത് മത്സരാർഥിയായി പങ്കെടുക്കുന്ന ലണ്ടനിലെ പ്രശസ്തമായ സിൽവർസ്റ്റോൺ സർക്യൂട്ടിൽ നടക്കുന്ന കാര്‍ റേസിംഗ് മത്സരം ഫ്ലാഗ് ഓഫ് ചെയ്യാനാണ് വിജയ് ലണ്ടനില്‍ പോയിരിക്കുന്നത്. ബ്രിട്ടനിലെ മുൻനിര റേസിംഗ് ട്രാക്കിൽ മത്സരിക്കുമ്പോൾ അത് ഫ്ലാഗ് ഓഫ് ചെയ്യാൻ സംസ്ഥാനത്തിന്റെ മുഖ്യമന്ത്രി തന്നെ നേരിട്ടെത്തുന്നു എന്നത് ആരാധകര്‍ ആഘോഷമാക്കിയിരുന്നു. രണ്ടാളും കണ്ടുമുട്ടുന്ന വീഡിയോയും സോഷ്യല്‍ മീഡിയയില്‍ നിറഞ്ഞിരുന്നു. വിജയ് യ്ക്കൊപ്പം തൃഷയെയും ചില വീഡിയോയില്‍ കണ്ടിരുന്നു.
Comments