ജനപ്രിയ നായകൻ ദിലീപിന്റെയും മലയാളത്തിന്റെ പ്രിയ താരം മഞ്ജുവാര്യരുടെയും മകളായ മീനാക്ഷി ജനിച്ച സമയം മുതല്‍ സെലിബ്രിറ്റിയായ താരപുത്രിയാണ്. ഇതുവരെ സിനിമയില്‍ അഭിനയിച്ചിട്ടില്ലെങ്കില്‍ കൂടി മീനാക്ഷിയുടെ ചിത്രങ്ങളും വിശേഷങ്ങളുമറിയാന്‍ ആരാധകര്‍ക്കെന്നും ആവേശമാണ്. സോഷ്യല്‍ മീഡിയയില്‍ അധികം ആക്ടീവ അല്ലാത്ത താരപുത്രി, ആക്ടീവായാല്‍ നിരന്തരം ഫോട്ടോകളും വീഡിയോകളും പങ്കുവയ്ക്കാറുണ്ട്.
ഇക്കഴിഞ്ഞ ദിവസം നമിതയുടെ ‘നമ്മ ദേസി’ എന്ന സാരി ബ്രാന്‍ഡിന്റെ മോഡലായി നമിതയ്ക്കൊപ്പം മീനാക്ഷി എത്തിയിരുന്നു. എം.ബി.ബി.എസ് നേടി ഡോക്ടറായി പ്രാക്ടീസ് ചെയ്യുന്ന മീനൂട്ടി കാവ്യ മാധവന്റെ ലക്ഷ്യ ബ്രാന്‍ഡിന്റെ മോഡലായി പലപ്പോഴും ചിത്രങ്ങള്‍ പങ്കുവച്ചിട്ടുണ്ട്. എന്നാല്‍ ആദ്യമായിട്ടാണ് മറ്റൊരു ബ്രാന്‍ഡിന്റെ മോഡലായി മീനാക്ഷി എത്തിയത്.
ഇപ്പോഴിതാ വീണ്ടും പ്രിയ കൂട്ടുകാരി നമിതയുടെ സാരി ബ്രാന്‍ഡിന്റെ മോഡലായി തിളങ്ങുകയാണ് മീനാക്ഷി ദിലീപ്. സില്‍ക്ക് സാരിയില്‍ അതിസുന്ദരിയായിട്ടാണ് മീനൂട്ടി ചിത്രങ്ങളില്‍ പ്രത്യക്ഷപ്പെട്ടിരിക്കുന്നത്. കൈയില്‍ മൈലാഞ്ചിയണിഞ്ഞ് മൊഞ്ചത്തിക്കുട്ടിയായിട്ടാണ് മീനൂട്ടിയെ ചിത്രങ്ങളില്‍ കാണുന്നത്. ‘നമ്മ ദേസി’യുടെ കാളി എഡിഷൻ’ പർപ്പിൾ ബനാറസിയാണ് താരപുത്രി അണിഞ്ഞിരിക്കുന്നത്. പരമ്പരാഗത റോ മാംഗോ സിൽക്കിൽ നെയ്തെടുത്ത്, മനോഹരമായ ബേർഡ് ബൂട്ട ഡിസൈനുകളാൽ അലങ്കരിച്ച ഈ സാരി, സ്ത്രീത്വം, കരുത്ത്, കാലാതീതമായ ചാരുത എന്നിവയെ മനോഹരമായി പ്രതിഫലിപ്പിക്കുന്നതാണ്. മീനൂട്ടിയുടെ പുതിയ ചിത്രങ്ങള്‍ ഏറ്റെടുക്കുകയാണ് ആരാധകര്‍. ‘മീനാക്ഷി വലിയ കുട്ടിയായി, കൂടുതല്‍ സുന്ദരിയായി, ശരിക്കും ഒരു രാജകുമാരിയെപ്പോലെ...’ എന്നതടക്കമാണ് ആരാധകരുടെ കമന്റുകള്‍.
എല്ലാ പ്രതിസന്ധിഘട്ടങ്ങളിലും ദിലീപിനൊപ്പം കരുത്തായി നിന്നിട്ടുള്ള മകള്‍ കൂടിയാണ് മീനാക്ഷി. ദിലീപും മഞ്ജുവാര്യരും തമ്മിലുള്ള വിവാഹമോചനസമയത്ത് അച്ഛനൊപ്പം പോയാല്‍ മതിയെന്ന് തീരുമാനിച്ച നാള്‍ മുതല്‍ ഇന്നോളം മീനാക്ഷി ദിലീപിനൊപ്പമുണ്ട്. കാവ്യയെ ദിലീപ് വിവാഹം ചെയ്തപ്പോഴും എല്ലാത്തിനും മുന്നില്‍ മീനൂട്ടിയുണ്ടായിരുന്നു. മഞ്ജുവാര്യരുമായി യാതൊരു ബന്ധവും മീനാക്ഷി സൂക്ഷിക്കുന്നില്ലെന്നാണ് അടുത്ത വൃത്തങ്ങള്‍ പറയാറുള്ളത്. എങ്കിലും മീനൂട്ടി പോസ്റ്റ് ചെയ്യുന്ന ചിത്രങ്ങള്‍ക്കെല്ലാം ആദ്യം ലൈക്കടിക്കുന്നവരുടെ കൂട്ടത്തില്‍ എപ്പോഴും മഞ്ജുവാര്യരുണ്ട്. പക്ഷേ ഇത്തവണ ആ പതിവ് തെറ്റിച്ച് മഞ്ജുവാര്യര്‍ ലൈക്കടിച്ചിട്ടില്ല എന്നുള്ളതും ശ്രദ്ധിക്കപ്പെടുന്ന കാര്യമാണ്.
Comments