മെല്‍ബണ്‍: പാകിസ്ഥാന് മുന്‍ ക്യാപ്റ്റനും ജയിലില്‍ കഴിയുന്നയാളുമായ ഇമ്രാന് ഖാന് മെച്ചപ്പെട്ട ചികിത്സ ഉറപ്പാക്കണമെന്ന് ആവശ്യപ്പെട്ട് ഏഴ് മുന്‍ ഓസ്‌ട്രേലിയന്‍ ക്രിക്കറ്റ് ക്യാപ്റ്റന്മാരാണ് സര്‍ക്കാരിന് കത്തയച്ചത്. ഇമ്രാന് ഖാന് ജയിലില്‍ മികച്ച പരിഗണന നല്‍കണമെന്നാണ് ഇവരുടെ ആവശ്യം. ഓസ്‌ട്രേലിയന്‍ വിദേശകാര്യമന്ത്രി പെന്നി വോങ്ങിനാണ് കത്തയച്ചത്.
ഇമ്രാന്റെ ആരോഗ്യസ്ഥിതിയെക്കുറിച്ചുള്ള ആശങ്കകള്‍ വര്‍ദ്ധിച്ചുവരുന്ന സാഹചര്യത്തില്‍, നയതന്ത്രപരമായ ഇടപെടല്‍ നടത്തണമെന്നാണ് ആവശ്യം. അലന്‍ ബോര്‍ഡര്‍, ഗ്രെഗ് ചാപ്പല്‍, ഇയാന്‍ ചാപ്പല്‍, ബെലിന്‍ഡ ക്ലാര്‍ക്ക്, കിം ഹ്യൂസ്, മാര്‍ക്ക് ടെയ്ലര്‍, സ്റ്റീവ് വോ എന്നിവരാണ് കത്തില്‍ ഒപ്പുവെച്ചിട്ടുള്ളത്. അന്താരാഷ്ട്ര തലത്തിലുള്ള 22 ക്യാപ്റ്റന്മാര്‍ മുമ്പ് നല്‍കിയ കത്തിന് പിന്നാലെയാണ് ഇപ്പോള്‍ ഓസ്‌ട്രേലിയന്‍ ക്രിക്കറ്റ് ഇതിഹാസങ്ങളും ഈ ആവശ്യവുമായി രംഗത്തെത്തിയത്.
ഇമ്രാന് ഖാനെതിരെയുള്ള നിയമപരമോ രാഷ്ട്രീയപരമോ ആയ കേസില്‍ തങ്ങള്‍ നിലപാടുകളൊന്നും സ്വീകരിക്കുന്നില്ലെന്നും എന്നിരുന്നാലും, റാവല്‍പിണ്ടിയിലെ അഡിയാല ജയിലില്‍ ഇമ്രാന് ലഭിക്കുന്ന പെരുമാറ്റത്തില്‍ ആശങ്കയുണ്ടെന്നും കത്തില്‍ പറയുന്നു. തന്റെ പിതാവിന്റെ ജീവന് ഗുരുതരമായ ഭീഷണിയുണ്ടെന്ന് ഇമ്രാന് ഖാന്റെ മക്കള്‍ ഒരു അഭിമുഖത്തില്‍ ആരോപിച്ചതിനെത്തുടര്‍ന്ന്, സെനറ്റര്‍ വോങ്ങുമായി കൂടിക്കാഴ്ച നടത്താന്‍ ഗ്രെഗ് ചാപ്പല്‍ അഭ്യര്‍ത്ഥിച്ചിട്ടുണ്ട്.
ഏഴ് ക്യാപ്റ്റന്മാര്‍ ഒപ്പിട്ട കത്തില്‍ പറയുന്നത് ഇതാണ്. '2022-ല്‍ ഇസ്ലാമാബാദില്‍ വെച്ചാണ് ഗ്രെഗ് ചാപ്പല്‍ അവസാനമായി ഇമ്രാന് ഖാനെ കണ്ടത്. അന്ന് പ്രധാനമന്ത്രിയായിരുന്ന അദ്ദേഹം ആരോഗ്യവാനായിരുന്നു. എന്നാല്‍ ഇപ്പോള്‍ അദ്ദേഹത്തിന്റെ തടവിനെക്കുറിച്ച് പുറത്തുവരുന്ന വാര്‍ത്തകള്‍ അതീവ ആശങ്കാജനകമാണ്. ഞങ്ങള്‍ നയതന്ത്രജ്ഞരോ രാഷ്ട്രീയക്കാരോ എന്ന നിലയിലല്ല, മറിച്ച് ഇക്കാര്യത്തില്‍ ശബ്ദമുയര്‍ത്തണമെന്ന് തോന്നിയ മുന്‍ ഓസ്‌ട്രേലിയന്‍ ക്യാപ്റ്റന്മാര്‍ എന്ന നിലയിലാണ് എഴുതുന്നത്.'
'പാകിസ്ഥാന് അവരുടെ ഏക ലോകകപ്പ് കിരീടം നേടിക്കൊടുത്തത് ഇമ്രാന് ഖാനാണ്. അദ്ദേഹം രാജ്യത്തിന്റെ പ്രധാനമന്ത്രിയായും സേവനം അനുഷ്ഠിച്ചിട്ടുണ്ട്. ക്യാന്‍സര്‍ ആശുപത്രികള്‍ നിര്‍മ്മിച്ച് പാകിസ്ഥാന് ജനങ്ങളുടെ ജീവിതം മെച്ചപ്പെടുത്താന്‍ സഹായിച്ച വ്യക്തിയെന്ന നിലയിലും ക്രിക്കറ്റിലെ മികച്ച നേതൃപാടവം കൊണ്ടും ഓസ്‌ട്രേലിയക്കാര്‍ അദ്ദേഹത്തെ വളരെ ബഹുമാനത്തോടെയാണ് കാണുന്നത്,' കത്തില്‍ കൂട്ടിച്ചേര്‍ത്തു.
'അദ്ദേഹത്തിന്റെ സ്വന്തം മക്കളും സഹോദരിമാരും കഴിഞ്ഞ കുറേ മാസങ്ങളായി അദ്ദേഹത്തിന്റെ ആരോഗ്യസ്ഥിതിയെക്കുറിച്ച് ആശങ്ക പങ്കുവെക്കുന്നുണ്ട്. വൈദ്യസഹായം ലഭിക്കാത്തതും കുടുംബാംഗങ്ങളുമായുള്ള ആശയവിനിമയത്തിലെ നിയന്ത്രണങ്ങളും ഇതില്‍ പെടുന്നു. അദ്ദേഹത്തിനെതിരെയുള്ള രാഷ്ട്രീയ കേസുകളെക്കുറിച്ച് ഞങ്ങള്‍ അഭിപ്രായം പറയുന്നില്ല, അത് പാകിസ്ഥാന്റെ ആഭ്യന്തര കാര്യമാണ്. എന്നാല്‍ കസ്റ്റഡിയിലുള്ള ഏൊരാളുടെയും കാര്യത്തില്‍ അടിസ്ഥാനപരമായ മനുഷ്യത്വപരമായ പരിഗണന ലഭിക്കേണ്ടതുണ്ട്.' കത്തില്‍ വ്യക്തമാക്കുന്നു.
Comments