തിരുവനന്തപുരം: സംസ്ഥാനത്തെ വൈദ്യുതി നിയന്ത്രണം കുറച്ചുകൊണ്ടുവരുമെന്ന് മുഖ്യമന്ത്രി വി.ഡി. സതീശന്‍. 30 രൂപയ്ക്ക് വൈദ്യുതി വാങ്ങാനാകില്ലെന്നും വൈദ്യുതി പ്രതിസന്ധി പരിഹരിക്കാന്‍ സര്‍ക്കാര്‍ പല മാര്‍ഗ്ഗങ്ങളും പരിശോധിക്കുകയാണെന്നും ഇതിനായി വിവിധ സംസ്ഥാന ങ്ങളുമായും സ്വകാര്യമേഖലയിലെ ഉല്‍പ്പാദകരുമായും ചര്‍ച്ചകള്‍ നടത്തുന്നുണ്ടെന്നും വാര്‍ത്താസമ്മേളനത്തില്‍ പറഞ്ഞു.
വൈദ്യുത ഉപഭോഗം കൂടിയ സാഹചര്യത്തില്‍ ഹൃസ്വകാലത്തേക്കും ദീര്‍ഘകാലത്തേക്കുമുള്ള പദ്ധതികളാണ് പരിശോധിക്കുന്നത്. സംസ്ഥാനത്ത് പവര്‍കട്ട് കുറച്ചുകൊണ്ടുവരികയാണ്. ഒക്ടബോര്‍ 1 മുതല്‍ അടുത്ത മണ്‍സൂണ്‍ ആരംഭിക്കുന്നത് വരെ ഒരു പുതുക്കിയ വൈദ്യുതി നയം തന്നെ സര്‍ക്കാര്‍ കൊണ്ടുവരുന്നുണ്ട്. ഇപ്പോള്‍ ആവശ്യം 6000 മെഗാവാട്ടാണ് ആവശ്യം 2030 ആകുമ്പോള്‍ ഇത് 10,000 മെഗാവാട്ട് ആകും. വൈദ്യുതി വര്‍ദ്ധിപ്പിച്ച് സ്‌റ്റോറ് ചെയ്ത് ഉപയോഗിക്കാന്‍ കഴിയുന്ന രീതിയിലുള്ള വൈദ്യുതി നയമാണ് ആലോചിക്കുന്നത്.
പ്രതിസന്ധി പരിഹരിക്കാന്‍ സംസ്ഥാനം വൈദ്യുതി വാങ്ങിക്കൊണ്ടിരിക്കുകയാണ്. കഴിഞ്ഞദിവസം 150 മെഗാവാട്ട് ഒഡീഷയില്‍ നിന്നും വാങ്ങി. വൈദ്യുതി വാങ്ങാനായി എട്ടു സംസ്ഥാനങ്ങളുമായി ബന്ധപ്പെട്ടിട്ടുണ്ട്. ന്യൂക്ലീയര്‍ പവര്‍ കോര്‍പ്പേറഷനുമായി ചര്‍ച്ചകള്‍ നടത്തുന്നുണ്ട്. എന്‍സിപിയും, എന്‍സിപിഎല്‍, തമിഴ്‌നാട്, ഹിമാചല്‍പ്രദേശ്, ഉത്തര്‍പ്രദേശ് സംസ്ഥാനങ്ങളുമായി ചര്‍ച്ചകള്‍ നടത്തുന്നുണ്ടെന്നും പറഞ്ഞു.
സോളാര്‍ എനര്‍ജി സ്‌റ്റോറേജ് സംവിധാനം സംസ്ഥാനത്ത് ഇല്ല. കുറഞ്ഞ വിലയ്ക്ക് വൈദ്യുതി കിട്ടുന്ന മുമ്പുണ്ടായിരുന്ന എഗ്രിമെന്റ് റദ്ദാക്കി. പകരം എഗ്രിമെന്റ് ഉണ്ടാക്കിയിട്ടുമില്ല. ഈ സര്‍ക്കാര്‍ ദീര്‍ഘകാല കരാറിന് ശ്രമിക്കുകയാണ്. മറ്റു സംസ്ഥാനങ്ങളെപോലെ റിന്യുവബിള്‍ എനര്‍ജി സംവിധാനം വരേണ്ടതുണ്ട്. അത് സംസ്ഥാനം ചെയ്തിട്ടില്ല. ഇക്കാര്യത്തില്‍ സ്വകാര്യ പൊതുമേഖലാ പൊതുമേഖലാ സ്ഥാപനങ്ങളെ പരിഗണിക്കുന്നുണ്ട്. വൈദ്യുതിബോര്‍ഡിനെയല്ല റിന്യുവബിള്‍ എനര്‍ജി മേഖലയില്‍ സ്വകാര്യപങ്കാളിത്തത്തെ ക്ഷണിക്കുകയാണെന്നും പറഞ്ഞു.
Comments