രാത്രിയില്‍ ഇടവിട്ട് വൈദ്യുതി മുടങ്ങുന്നതില്‍ കെഎസ്ഇബിക്കെതിരെ പരസ്യമായി പ്രതികരിച്ച് നടി സ്നേഹ ശ്രീകുമാര്‍. സന്ധ്യ സമയത്തെ കട്ടിന് പുറമെ രാത്രി വൈകിയും തുടര്‍ച്ചയായി വൈദ്യുതി പോകുന്നത് ചെറിയ കുട്ടികളുള്ള കുടുംബങ്ങള്‍ക്ക് വലിയ ബുദ്ധിമുട്ടാണ് ഉണ്ടാക്കുന്നതെന്ന് സ്നേഹ സോഷ്യല്‍ മീഡിയയില്‍ പങ്കുവെച്ച കുറിപ്പിലൂടെ വ്യക്തമാക്കി.
വൈദ്യുതി കട്ട് ചെയ്യേണ്ടതുണ്ടെങ്കില്‍ അത് സന്ധ്യയ്ക്ക് മാത്രം ആക്കാന്‍ കഴിയില്ലേ എന്നും, കുഞ്ഞുങ്ങളുടെ അവസ്ഥ പരിഗണിച്ച് കെഎസ്ഇബി ഉചിതമായ നടപടി സ്വീകരിക്കണമെന്നും സ്നേഹ ആവശ്യപ്പെട്ടു.
‘‘പ്രിയപ്പെട്ട kseb നോട്. നിങ്ങൾക്ക് കറന്റ് cut വേണമെന്ന് പറഞ്ഞു ഇമ്മാതിരി ചതി കാണിക്കരുത്.. സന്ധ്യക്കുള്ള കട്ട് കഴിഞ്ഞു രാത്രി 11മണിക്ക് പോകുന്നു 11.27ന് വരുന്നു പിന്നേം 11.30ന് പോകുന്നു ഇത് വരെ വന്നിട്ടുമില്ല . ചെറിയകുഞ്ഞുങ്ങൾ ഉള്ള ഞങ്ങളുടെ അവസ്ഥ കൂടി കണക്കിൽ എടുക്കണം. അത്യാവശ്യം ചൂടുള്ള കാലാവസ്ഥയാണ് ഇപ്പോൾ, ഒരു വിധത്തിൽ ഉറങ്ങി കിടക്കുന്ന കുഞ്ഞുങ്ങൾക്ക് സമാധാനമായി ഉറങ്ങാനുള്ള സാഹചര്യം ഉണ്ടാക്കി തരാനുള്ള മനസ് kseb കാണിക്കണം . സന്ധ്യക്ക്‌ മാത്രം കട്ട് ആക്കാൻ പറ്റുമോ???’’ .- സ്നേഹ ശ്രീകുമാര്‍ കുറിച്ചു.
Comments