മകന് ആആഡ്രിയാസിന്റെ ഏഴാം ജന്മദിനം ആഘോഷമാക്കി നടി എമി ഓക്‌സണ്‍. ഏറ്റവും തമാശക്കാരനും ദയയുള്ളവനും അതിബുദ്ധിമാനുമായ ചെറിയൊരു കുട്ടി എന്നാണ് മകന് ജന്മദിനാശംസകൾ നേർന്നുകൊണ്ട് എമി കുറിച്ചത്. അവൻ വളരുന്നത് കാണുന്നത് തന്റെ ജീവിതത്തിലെ വലിയ ഭാഗ്യമാണെന്നും താരം ഇൻസ്റ്റാഗ്രാമിൽ പങ്കുവെച്ച കുറിപ്പിൽ പറയുന്നു.
‘ഇന്ന് 7 വയസ്സ് തികയുന്നു. ജന്മദിന കേക്ക് പ്രഭാതഭക്ഷണമായി കഴിക്കുന്നത് മുതൽ, ഏറ്റവും തമാശക്കാരനും ദയയുള്ളവനും അതിബുദ്ധിമാനുമായ ചെറിയൊരു കുട്ടി ഞങ്ങളുടെ ജീവിതത്തിലേക്ക് വന്നിട്ട് ഏഴ് വർഷം. എങ്ങനെയാണ് സമയം ഇത്രയും വേഗത്തിൽ കടന്നുപോയത്! നീ വളരുന്നത് കാണുന്നത് എന്റെ ജീവിതത്തിലെ ഏറ്റവും വലിയ ഭാഗ്യമാണ്."
"നീ ഞങ്ങളെ ദിവസവും ചിരിപ്പിക്കുന്നു, ഞങ്ങളെ എപ്പോഴും ഉണർന്നു പ്രവർത്തിക്കാൻ പ്രേരിപ്പിക്കുന്നു, ഒപ്പം വലിയൊരു സ്നേഹമുള്ള മനസ്സും നിനക്കുണ്ട്. ഒരിക്കലും മാറരുത്, നീ നീയായി തന്നെ പൂർണ്ണമായും ആത്മവിശ്വാസത്തോടെ മുന്നോട്ട് പോകൂ, എന്റെ ഡ്രെ ഡ്രെ. നിനക്ക് ഊഹിക്കാൻ കഴിയുന്നതിലും അപ്പുറം ഞാൻ നിന്നെ സ്നേഹിക്കുന്നു. ഏഴാം ജന്മദിനാശംസകൾ എന്റെ ബേബി ബോയ്’ എന്നായിരുന്നു എമിയുടെ വാക്കുകൾ.
മകനൊപ്പമുള്ള നിരവധി മനോഹരമായ ചിത്രങ്ങളും കുറിപ്പിനൊപ്പം താരം പങ്കുവെച്ചിട്ടുണ്ട്. എമി ജാക്സന്റെയും മുൻ പങ്കാളി ജോർജ് പനയോട്ടിന്റെയും മകനാണ് ആൻഡ്രിയാസ്. ഏറെ നാളത്തെ പ്രണയത്തിനൊടുവിൽ 2019-ലാണ് ഇവരുടെ വിവാഹനിശ്ചയം കഴിഞ്ഞത്. അതേ വർഷം തന്നെയാണ് ഇവർക്ക് മകൻ പിറന്നത്. പിന്നീട് 2021-ൽ ഇവർ വേർപിരിഞ്ഞു.
തുടർന്ന് ഹോളിവുഡ് നടൻ എഡ് വെസ്റ്റ്വക്കുമായി താരം പ്രണയത്തിലാവുകയും 2024-ൽ ഇവർ വിവാഹിതരാവുകയും ചെയ്തു. ഈ ദമ്പതികൾ 2025-ൽ ഓസ്കാർ അലക്സാണ്ടർ എന്നൊരു മകനെ കൂടി സ്വാഗതം ചെയ്തു.
മദ്രാസപട്ടണം എന്ന തമിഴ് സിനിമയിലൂടെയാണ് ആമി ഇന്ത്യൻ സിനിമയിൽ തുടക്കം കുറിച്ചത്. പിന്നീട് ഐ, തെരി, സിങ് ഈസ് ബ്ലിങ് തുടങ്ങി തമിഴ്, തെലുങ്ക്, ഹിന്ദി ഭാഷകളിൽ ശ്രദ്ധേയമായ ചിത്രങ്ങൾ ചെയ്തു. ആദിത്യ ദത്ത് സംവിധാനം ചെയ്ത് വിദ്യുത് ജംവാൽ നായകനായ 'ക്രാക്ക്' എന്ന ചിത്രത്തിലാണ് താരം അവസാനമായി അഭിനയിച്ചത്.
Comments