തമിഴിലും മലയാളത്തിലും നിരവധി ആരാധകരുളള നടനാണ് കാര്‍ത്തി. ഇപ്പോള്‍ കാര്‍ത്തിയെ കണ്ടതിന്റെ സന്തോഷം പങ്കുവെയ്ക്കുകയാണ് ആഭ്യന്തര മന്ത്രി രമേശ് ചെന്നിത്തല. കാര്‍ത്തിക്കൊപ്പമുളള ഫോട്ടോയും അദ്ദേഹം സോഷ്യല്‍ മീഡിയയില്‍ പങ്കുവെച്ചു. രമേശ് ചെന്നിത്തലയുടെ ഭാര്യ അനിതയെയും ചിത്രത്തില്‍ കാണാം.
'' മെയ്യഴകന്‍'' എന്തൊരു ഗംഭീര സിനിമയാണ്... കരഞ്ഞുപോയി എന്ന് കാര്‍ത്തിയെ കണ്ടപ്പോള്‍ പറഞ്ഞു. കാര്‍ത്തിയെ നേരില്‍ കണ്ടത് സവിശേഷമായ അനുഭവമായിരുന്നു. പ്രത്യേകിച്ച് ' മെയ്യഴകന്‍' കണ്ടതിന് ശേഷം- എന്നാണ് രമേശ് ചെന്നിത്തല ചിത്രത്തിനൊപ്പം കുറിച്ചത്.
96 എന്ന ഹിറ്റ് ചിത്രത്തിന് ശേഷം സി പ്രേംകുമാര്‍ സംവിധാനം ചെയ്ത ചിത്രമാണ് മെയ്യഴകന്‍. കാര്‍ത്തി, അരവിന്ദ് സ്വാമി എന്നിവരാണ് ചിത്രത്തില്‍ പ്രധാന വേഷങ്ങളിലെത്തിയത്. സൂര്യയും ജ്യോതികയും ചേര്‍ന്നാണ് ചിത്രം നിര്‍മിച്ചത്. ശ്രീദിവ്യ, രാജ് കിരണ്‍, ദേവദര്‍ശിനി, ശ്രീരഞ്ജിനി, ജയപ്രകാശ്, ഇളവരസു, കരുണാകരന്‍ തുടങ്ങി നിരവധി താരങ്ങള്‍ ചിത്രത്തിലുണ്ട്.
Comments