‘ട്രാഫിക്’ എന്ന ചിത്രത്തിലൂടെ ബാലതാരമായി മലയാള സിനിമയിലേക്ക് അരങ്ങേറ്റം കുറിച്ച നായികയാണ് നമിത പ്രമോദ്. പിന്നീട് കുഞ്ചാക്കോ ബോബന്റെ നായികയായി ‘പുതിയ തീരങ്ങള്‍’ എന്ന ചിത്രത്തിലൂടെ നമിത നായികയുമായി. സൗണ്ട് തോമ, വിക്രമാദിത്യൻ, അമർ അക്ബർ അന്തോണി, അടി കപ്യാരെ കൂട്ടമണി എന്നീ ചിത്രങ്ങളിലൂടെയാണ് താരം പ്രേക്ഷകര്‍ക്ക് പ്രിയങ്കരിയായത്. ചുരുങ്ങിയ കാലം കൊണ്ട് മലയാളത്തിന്റെ യുവതാരങ്ങളുടെയെല്ലാം നായികയായി നമിത തിളങ്ങി.
സിനിമയ്ക്കൊപ്പം തന്നെ സംരംഭകയായും നമിത തിളങ്ങി നില്‍ക്കുകയാണ്. സമ്മര്‍ ടൗണ്‍ കഫേ എന്ന ബിസിനസ്സില്‍ സജീവമാണ് താരം. പാരമ്പര്യവും തനിമയും വിളിച്ചോതുന്ന പ്രീമിയം കാഞ്ചീപുരം, ബനാറസ് സാരികളുടെ ബ്രാൻഡുകളിലൂടെ ‘നമ്മ ദേശി’ എന്ന വസ്ത്രവ്യാപാരവും നമിത അടുത്തിടെ തുടങ്ങിയിരുന്നു. സോഷ്യല്‍ മീഡിയയിലൂടെ തന്റെ ബിസിനസ്സ് വിശേഷങ്ങളും ഫോട്ടോഷൂട്ടുകളും നമിത പങ്കിടാറുണ്ട്.
ഇപ്പോഴിതാ തന്റെ ജന്മദിനത്തില്‍ ചിരിച്ചുല്ലസിച്ചുള്ള ക്യൂട്ട് ചിത്രങ്ങള്‍ പങ്കിടുകയാണ് നമിത പ്രമോദ്. സൂര്യകാന്തി പൂവുകള്‍ കൈയില്‍ പിടിച്ചുള്ള സ്റ്റൈലിഷ് ചിത്രങ്ങളാണ് താരം പങ്കുവച്ചിരിക്കുന്നത്.
‘‘ഒരു വർഷം കൂടി മൂതിര്‍ന്നു... കൂടുതല്‍ വിവേകം, കൂടുതൽ മെച്ചപ്പെടല്‍...’’ എന്ന ക്യാപ്ഷന്‍ നല്‍കിയാണ് തന്റെ കാഷ്വല്‍ ചിത്രങ്ങള്‍ക്കൊപ്പം സുഹൃത്തുക്കള്‍ക്കൊപ്പമുള്ള ചിത്രങ്ങളും നമിത പങ്കിട്ടിരിക്കുന്നത്. ചിത്രങ്ങളില്‍ ഓഫ് ഷോള്‍ഡര്‍ ഫ്ലോറല്‍ പ്രിന്റ് ഫ്രോക്കില്‍ സ്റ്റൈലിഷ് ക്യൂട്ട് ലുക്കിലുള്ള ചിത്രങ്ങളാണ് താരം പങ്കിട്ടിരിക്കുന്നത്. ആരാധകരെല്ലാം സ്നേഹവും ആശംസയും കമന്റുകളിലൂടെ കുറിച്ചിട്ടുണ്ട്.
Comments