2005ല്‍ വിനയന്‍ സംവിധാനം ചെയ്ത് പുറത്തിറങ്ങിയ ചിത്രമാണ് അത്ഭുതദ്വീപ്. ഗിന്നസ് പക്രു , പൃഥ്വിരാജ് തുടങ്ങിയവര്‍ നായകന്മാരായിട്ടെത്തിയ ചിത്രത്തില്‍ പൊക്കം കുറഞ്ഞ നിരവധി പുതുമുഖങ്ങളായിരുന്നു അഭിനയിച്ചത്. സിനിമയിലൂടെ ശ്രദ്ധേയനായ താരമാണ് സാജന്‍ സാഗര. അദ്ദേഹത്തിന്റെ ഓര്‍മ്മദിനത്തില്‍ കുറിപ്പ് പങ്കുവെച്ചിരിക്കുകയാണ് സംവിധായകന്‍ വിനയന്‍.
2005 സെപ്തംബർ 19-നായിരുന്നു ഒരു പ്രോഗ്രാമിന്റെ റിഹേഴ്‌സലിനിടെ ബെഞ്ചിൽ നിന്ന് വീണുണ്ടായ അപകടത്തെ തുടർന്ന് സാജൻ സാഗര അന്തരിച്ചത്. ലോകത്തിലെ തന്നെ ഏറ്റവും പൊക്കം കുറഞ്ഞ കലാകാരന്മാരിൽ ഒരാളായിരുന്നു അദ്ദേഹം.
‘‘ ഓർമ്മപ്പൂക്കൾ… 2005 സെപ്തംബർ 19 ന് ഒരു പ്രോഗ്രാമിന്റെ റിഹേഴ്സൽ ടൈമിൽ ചെറിയ പൊക്കമുള്ള ഒരു ബെഞ്ചിൽ നിന്നോ മറ്റോ താഴെ വീണ ആഘാതത്തിലാണ് ഏറ്റവും നല്ല ടൈമിംഗുള്ള ഹാസ്യ താരമെന്ന് ഞാൻ അഭിനന്ദിച്ചിട്ടുള്ള എനിക്കേറെ പ്രിയങ്കരനായ സാജൻ സാഗര ലോകത്തോട് വിടപറയുന്നത്.. ലോകത്തെ ഏറ്റവും പൊക്കം കുറഞ്ഞ കലാകാരൻ കൂടി ആയിരുന്നല്ലോ സാജൻ…
2005 ൽ അത്ഭുതദ്വീപ് റിലീസായതോടെ കുഞ്ഞൻമാർ സെലബറേറ്റികളായി മാറിയ സമയമായിരുന്നു അത്.. ഒത്തിരി സ്റ്റേജ് ഷോകൾ വരുന്നുണ്ട് എന്റെ സമയം മാറുകാ സാറേ ഇനി ഞാനൊരു കലക്കു കലക്കും എന്നു പറഞ്ഞ് തന്റെ സ്പെഷ്യൽ ചിരിയോടെ സംസാരിച്ച സാജനേ വിധി പക്ഷേ വേഗം തിരിച്ചു വിളിക്കുക യായിരുന്നു.. ഓർമ്മകളിൽ സാജൻ സാഗര എന്ന കലാകാരൻ നിറഞ്ഞു നിൽക്കുന്നു… പ്രത്യേകിച്ച് ഉടനേ തുടങ്ങൻ പോകുന്ന പുതിയ ഫാന്റസി ചിത്രത്തിൽ കൊച്ചു മനുഷ്യരുടെ ലോകത്തേക്ക് ഒരിക്കൽ കൂടി യാത്ര പോകുന്ന സാഹചര്യത്തിൽ…’’. എന്നാണ് വിനയന്‍ ഫേസ്ബുക്കില്‍ കുറിച്ചത്.
Comments