സംവിധായകന്‍ സനല്‍കുമാര്‍ ശശിധരനെതിരെ രൂക്ഷ വിമര്‍ശനവുമായി സംവിധായകന്‍ എം എ നിഷാദ്. സനല്‍കുമാറിന് ഉടനടി ഒരു സൈക്കോളജിസ്റ്റിന്റെ ചികിത്സ ലഭ്യമാക്കാന്‍ അധികാരികള്‍ ഇടപെടണമെന്ന് ഫേസ്ബുക്ക് കുറിപ്പിലൂടെ നിഷാദ് ആവശ്യപ്പെട്ടു.
നിരവധി അംഗീകാരങ്ങള്‍ നേടിയ ഒരു കലാകാരന്‍ ഇത്തരത്തില്‍ പൊതുസമൂഹത്തിന് മുന്നില്‍ അപഹാസ്യനായി മാറാന്‍ അനുവദിക്കരുതെന്ന് നിഷാദ് വ്യക്തമാക്കുന്നു. സനല്‍ കുമാറിന്റേത് അറ്റന്‍ഷന്‍ സീക്കിംഗ് സിന്‍ഡ്രോം ആണെന്നും നിഷാദ് ഫേസ്ബുക്കില്‍ കുറിച്ചു.
'അധികാരികളുടെ ശ്രദ്ധക്ക്.. ഒട്ടും വൈകരുത്...ഇദ്ദേഹത്തെ ഏറ്റവും അടുത്തുളള psychologist നെ കാണിക്കുക.. ഒരുപാട് പുരസ്‌ക്കാരങ്ങള്‍ നേടിയ കലാകാരനാണ്. അയാളെ ഇങ്ങനെ പ്രദര്‍ശന വസ്തുവായി അപഹാസ്യനായി മാറാന്‍ അനുവദിക്കരുത്... ചികിത്സ വേണം....
NB
Attention seeking syndrome ആണ്..
രണ്ട് തരം ചികിത്സയേയുളളൂ.. ഒന്നുകില്‍ പാടേ,അവഗണിക്കുക...കുറച്ച് ദിവസം കൊതുക് കടി കൊണ്ട ശേഷം എണീറ്റ് പൊക്കോളും... അല്ലെങ്കില്‍ ചെപ്പക്കൊരെണ്ണം പൊട്ടിക്കുക.. കണ്ടം വഴി ഓടിക്കോളും'', എന്നാണ് എം എ നിഷാദ് കുറിച്ചത്.
നടി മഞ്ജു വാര്യര്‍ സെക്‌സ് റാക്കറ്റിന്റെ തടവിലാണെന്നും അതേക്കുറിച്ച് അന്വേഷണം വേണമെന്നും ആവശ്യപ്പെട്ട് സനല്‍ കുമാര്‍ ശശിധരന്‍ സെക്രട്ടറിയേറ്റിന് മുന്നില്‍ ആരംഭിച്ച നിരാഹാര സത്യാഗ്രഹം വലിയ വിവാദമായിരിക്കുകയാണ്. നിരവധിപേര്‍ സനല്‍കുമാറിനെ വിമര്‍ശിച്ച് രംഗത്തെത്തി. പിന്നാലെ സനല്‍കുമാര്‍ ശശിധരനെതിരെ മഞ്ജു വാര്യര്‍ കോടതിയില്‍ മാനനഷ്ടക്കേസ് ഫയല്‍ ചെയ്തു. സമൂഹ മാധ്യമങ്ങളിലൂടെയും മറ്റും സനല്‍കുമാര്‍ ശശിധരന്‍ നിരന്തരം തന്നെ അപമാനിക്കുകയാണെന്ന് മഞ്ജു വാര്യര്‍ തന്റെ ഹര്‍ജിയില്‍ പറയുന്നു.
Comments