കഴിഞ്ഞ കുറച്ച് ദിവസങ്ങള്‍ക്ക് മുന്‍പായിരുന്നു നടി അഹാന കൃഷ്ണയും ഛായാഗ്രാഹകന്‍ നിമിഷ് രവിയുടെയും വിവാഹം. വിവാഹത്തിന്റെ ചിത്രങ്ങളും വീഡിയോസുമെല്ലാം സോഷ്യല്‍ മീഡിയയില്‍ വൈറലായിരുന്നു.
ഇപ്പോഴിതാ, തങ്ങളുടെ സംഗീത് ചടങ്ങില്‍ നിന്നുള്ള ചിത്രങ്ങള്‍ ഇന്‍സ്റ്റഗ്രാമില്‍ പങ്കുവച്ചിരിക്കുകയാണ് അഹാന. 'ഞങ്ങള്‍ വെറും കമിതാക്കളായിരുന്ന ആ സംഗീത് രാവില്‍. കാലം മറക്കാത്ത ഒരു രാത്രി! വീണ്ടും വീണ്ടും വീണ്ടും ജീവിക്കാന്‍ ഞാന്‍ കൊതിക്കുന്ന ഒന്ന്!,' എന്ന അടിക്കുറിപ്പോടെയാണ് അഹാന ചിത്രങ്ങള്‍ പങ്കുവച്ചത്.
തങ്ങളുടെ വിവാഹം സ്വപ്നസമാനമായി മാറ്റാന്‍ കൂടെ നിന്ന വെഡ്ഡിംഗ് ടീമും അഹാന കുറിപ്പില്‍ നന്ദി പറയുന്നുണ്ട്. 'എന്റെ നാണംകുണുങ്ങിയായ ചെറുക്കനെ നിങ്ങള്‍ ഒരു റോക്ക്സ്റ്റാറിനെപ്പോലെ പോസ് ചെയ്യിപ്പിച്ചു, ഞങ്ങളുടെ വീടിന്റെ ഓരോ കോണിലും ഫ്രെയിം ചെയ്തു വെക്കാന്‍ കൊതിക്കുന്ന അത്രയും മനോഹരമായ ചിത്രങ്ങള്‍ പകര്‍ന്നു തന്നു. ശുദ്ധമായ മാജിക്! ,' എന്നാണ് ഫോട്ടോഗ്രാഫി ടീമിന് നന്ദി പറഞ്ഞ് അഹാന കുറിച്ചത്.
'ഞാന്‍ നിങ്ങളോട് പറഞ്ഞിരുന്നു- എനിക്ക് കടും ചുവപ്പ് (ക്രിംസണ്‍) വിരിപ്പുകളും, ഷാന്‍ഡിലിയറുകളും, അത്യപൂര്‍വ്വ പൂക്കളും, ക്ലാസിക് ഹോളിവുഡ് സിനിമകളെ അനുസ്മരിപ്പിക്കുന്ന ഒരു ലോകവുമാണ് വേണ്ടതെന്ന്. 'ഇനി ഒന്നും പറയേണ്ടതില്ല, അത് ഞങ്ങളുടെ മേഖലയാണ്' എന്നായിരുന്നു നിങ്ങളുടെ മറുപടി. നിങ്ങളൊരു കൂട്ടം മാന്ത്രികര്‍ തന്നെയാണ്. ഇത് നിങ്ങള്‍ അത്യുഗ്രനാക്കി മാറ്റി. എന്റെ സ്വന്തം 'ക്രിംസണ്‍ സൊയറേ' ,' കോണ്‍സെപ്റ്റ് ഡിസൈന്‍ ഡെക്കോര്‍ & ഇവന്റ് പ്ലാനിംഗ് ടീമിന് നന്ദി പറഞ്ഞ് അഹാന കുറിച്ചു.
'എന്റെ ഈ മനോഹരമായ വസ്ത്രം ഒരുക്കിയത് നന്ദി. ഷെയ്ന്‍, വെറും മുത്തുകളും കല്ലുകളും മാത്രമല്ല, നിങ്ങളുടെ ഹൃദയവും ആത്മാവും ചേര്‍ത്തുവെച്ചാണ് നിങ്ങളിത് ഉണ്ടാക്കിയത്. എനിക്ക് ഗ്ലാമറസ്സായ, അതേസമയം തന്നെ കൊച്ചു കുട്ടികളെപ്പോലെ ഓടിനടക്കാനും നൃത്തം ചെയ്യാനും കഴിയുന്നത്ര സൗകര്യപ്രദമായ ഒരു വസ്ത്രമായിരുന്നു വേണ്ടിയിരുന്നത്. ഇതാണ് ആ വസ്ത്രം. ഏറ്റവും മനോഹരവും, കിടിലനും, ഏറ്റവും കംഫര്‍ട്ടബിളുമായ വസ്ത്രം. ഞാനിത് ഇനിയും 50 തവണ ധരിക്കും; എന്റെ കുട്ടികളെക്കൊണ്ടും ധരിപ്പിക്കും, അത്രയ്ക്ക് സ്‌പെഷ്യലാണിത്! ഒരു കലാസൃഷ്ടി തന്നെയെന്ന് വിളിക്കാവുന്ന ഈ വസ്ത്രത്തിന് പിന്നില്‍ നിങ്ങള്‍ എടുത്ത അധ്വാനവും ചിന്തയും കഠിനാധ്വാനവും എനിക്കറിയാം!'
'ഞാന്‍ ധരിച്ചിരിക്കുന്ന ഈ അതിമനോഹരമായ ആഭരണങ്ങള്‍ നിങ്ങള്‍ ശ്രദ്ധിച്ചോ? ഇത് അമേറ ജ്വല്ലേഴ്‌സില്‍ നിന്നുള്ളതാണ്. ഇത് കാണാന്‍ എത്ര ഭംഗിയായിരുന്നു എന്നത് എനിക്കിപ്പോഴും വിശ്വസിക്കാന്‍ കഴിയുന്നില്ല. ചുവന്ന ഗാര്‍നെറ്റ് കല്ലുകളും പോള്‍ക്കി ഡയമണ്ടുകളും ചേര്‍ന്ന അതിമനോഹരമായ ചോക്കറും കമ്മലുകളും, കാലാതീതമായ ഭംഗിയുടെ നേര്‍ക്കാഴ്ചയായിരുന്നു. അമേറയിലേക്ക് കാലെടുത്തുവെച്ചപ്പോള്‍ മിഠായിക്കടയിലെത്തിയ ഒരു കൊച്ചുകുട്ടിയെപ്പോലെയാണ് എനിക്ക് തോന്നിയത്. അത്രയ്ക്കും മനോഹരമായ ആഭരണങ്ങള്‍! കാലാതീതവും ആധുനികവും ആകര്‍ഷകവുമായതിനൊപ്പം അണിയാന്‍ വളരെ എളുപ്പവും കംഫര്‍ട്ടബിളുമായവ. രാത്രി മുഴുവന്‍ ഞാന്‍ നൃത്തം ചെയ്തിട്ടും ഇത്രയും വലിയൊരു ആഭരണമാണ് ഞാന്‍ അണിഞ്ഞിരിക്കുന്നത് എന്ന് എനിക്ക് തോന്നിയില്ല. അമേറയിലേക്ക് ഞാന്‍ കയറിച്ചെന്നത് ഒരു ഉപഭോക്താവായിട്ടായിരുന്നു, എന്നാല്‍ ഇറങ്ങിവന്നത് അവരുടെ ഒരു ആരാധികയായിട്ടാണ്!' അഹാന കുറിച്ചു.
Comments