ദീപാവലിക്ക് നാട്ടിലെത്താനുള്ള പദ്ധതികൾ പലതവണ മാറ്റിവെച്ചതോടെ അപ്രതീക്ഷിത തീരുമാനവുമായി യുവതി. ആരോടും പറയാതെ ഇന്ത്യയിലേക്ക് ഒറ്റയ്ക്ക് വിമാനയാത്ര നടത്തി ഭർതൃവീട്ടിലെത്തുകയായിരുന്നു. രണ്ട് ദിവസത്തോളം യാത്രയുടെ വിവരം രഹസ്യമായി സൂക്ഷിച്ച ശേഷമാണ് കുടുംബത്തിന് മുന്നിൽ അപ്രതീക്ഷിതമായി യുവതി പ്രത്യക്ഷപ്പെട്ടത്.
ഭർതൃമാതാപിതാക്കളെ കാണണമെന്ന ആഗ്രഹം ശക്തമായതോടെയാണ് യുവതി ഈ സർപ്രൈസ് ഒരുക്കിയത്. ദീപാവലിക്ക് വീട്ടിലെത്താനായിരുന്നു നേരത്തെ പദ്ധതിയിട്ടിരുന്നത്. എന്നാൽ പല കാരണങ്ങളാൽ യാത്ര തുടർച്ചയായി നീണ്ടുപോയതോടെ ഒടുവിൽ ആരെയും അറിയിക്കാതെ ഇന്ത്യയിലേക്ക് വരാൻ തീരുമാനിക്കുകയായിരുന്നു.
വീട്ടിലെത്തിയ യുവതിയെ കണ്ട് ഭർതൃമാതാപിതാക്കൾ അമ്പരന്നു. അപ്രതീക്ഷിതമായി മുന്നിലെത്തിയ മരുമകളെ കണ്ട് ഇരുവരും വൈകാരികമായി പ്രതികരിക്കുന്നതും പിന്നീട് കെട്ടിപ്പിടിക്കുന്നതുമാണ് വൈറലായ വീഡിയോയിലെ ദൃശ്യങ്ങൾ. ഏറെ നാളുകൾക്ക് ശേഷമുള്ള ഈ അപ്രതീക്ഷിത കൂടിക്കാഴ്ചയാണ് വീഡിയോയുടെ ശ്രദ്ധാകേന്ദ്രമായത്.
ഭർതൃമാതാപിതാക്കൾക്ക് ദിവസവും തങ്ങളെ കാണണമെന്ന് ആഗ്രഹമുണ്ടായിരുന്നെങ്കിലും ദീപാവലി യാത്ര നീണ്ടുപോകുകയായിരുന്നു. അതുകൊണ്ടാണ് യുവതി ഒറ്റയ്ക്ക് ഇന്ത്യയിലെത്തി സർപ്രൈസ് നൽകിയത്. കുടുംബത്തിന്റെ ഈ വൈകാരിക കൂടിക്കാഴ്ച സോഷ്യൽ മീഡിയയിലും ശ്രദ്ധ നേടി. വീഡിയോയ്ക്ക് താഴെ നിരവധി പേരാണ് കുടുംബത്തിന്റെ സ്നേഹനിമിഷത്തെ പ്രശംസിച്ച് കമന്റുകളുമായി എത്തിയത്.
Comments