സാനോ: ഏഷ്യന്‍ ഗെയിംസിനുള്ള മുന്നൊരുക്കത്തില്‍ ഇന്ത്യയ്ക്ക് ഷോക്ക് ട്രീറ്റ്‌മെന്റ് നല്‍കി ആതിഥേയരായ ജപ്പാന്‍. ഇരു രാജ്യങ്ങളും തമ്മിലുള്ള നയതന്ത്രബന്ധത്തിന്റെ ഭാഗമായി നടന്ന സൗഹൃദ മത്സരത്തില്‍ ഇന്ത്യയെ ഞെട്ടിച്ചു ജപ്പാന്‍ കീഴടങ്ങി. രണ്ടു റണ്‍സിനായിരുന്നു ഇന്ത്യന്‍ ടീമിന്റെ ജയം. മഴകാരണം അഞ്ച് ഓവറാക്കി വെട്ടിച്ചുരുക്കിയ മത്സരത്തില്‍ ഇന്ത്യയെ നാലുവിക്കറ്റിന് 32 ന് എറിഞ്ഞിട്ട ശേഷം മറുപടി ബാറ്റിംഗിനിറങ്ങിയ ആതിഥേയര്‍ക്ക് 30 റണ്‍സ് എടുക്കാനേ കഴിഞ്ഞുള്ളു.
വാലറ്റത്ത് ബെഞ്ചമിന്‍ ഇറ്റോ ഡേവിസ് നടത്തിയ ബാറ്റിംഗ് മത്സരം ഇന്ത്യയുടെ കയ്യില്‍ നിന്നും തട്ടിപ്പറിക്കുമോ എന്ന വരെ തോന്നിപ്പിച്ചു. ജപ്പാനായി നായകനും ഓപ്പണറുമായ കെന്‍ഡല്‍ കഡോവാക്കി 12 റണ്‍സ് എടുത്തു.
ദുര്‍ബ്ബലരായ ജപ്പാനെതിരേ സഞ്ജുവും അഭിഷേകും എത്ര വീതം സിക്‌സര്‍ അടിക്കും എന്ന് കാത്തിരുന്ന ഇന്ത്യന്‍ ആരാധകരെ ഞെട്ടിക്കുന്ന പ്രകടനമാണ് ബൗളിംഗില്‍ ആതിഥേയര്‍ നടത്തിയത്. ഇന്ത്യന്‍ മുന്‍നിരയെ എറിഞ്ഞിട്ടു. തകര്‍പ്പനടിക്കാരായ സഞ്ജുവും അഭിഷേകും ഇഷാന്‍ കിഷനുമെല്ലാം ആദ്യ ഓവറില്‍ വീണു. അക്കൗണ്ട് തുറക്കും മുമ്പേ അഭിഷേക് ശര്‍മ്മ പുറത്തായി ഹിന്‍സിന്റെ പന്തില്‍ സുഗായ സ്‌ളേറ്ററായിരുന്നു ക്യാച്ച് എടുത്തത്. ഏഴു പന്തില്‍ ഒമ്പത് റണ്‍സ് എടുത്ത സഞ്ജുവിന്റെ ഊഴമായിരുന്നു അടുത്തത് ഏഴു പന്തുകള്‍ നേരിട്ട താരം തകഹാഷിയുടെ ബൗളിംഗില്‍ ഇറ്റോ ഡേവിസിന് പിടി നല്‍കി.
തകര്‍പ്പന്‍ഫോം തുടരുന്ന ഇഷാന്‍ കിഷനായിരുന്നു പിന്നാലെ പുറത്തായത്. ഇറ്റോ ഡേവിസിന്റെ പന്തില്‍ തനിയാമ പിടികൂടി പുറത്താകുമ്പോള്‍ ഇഷാന്‍ കിഷന് മൂന്ന് റണ്‍സേ സമ്പാദിക്കാനായിരുന്നുള്ളു. നായകന്‍ ശ്രേയസ് അയ്യര്‍ 16 റണ്‍സ് നേടിയപ്പോള്‍ ഹിന്‍സിന്റെ പന്തില്‍ തനിയാമ പിടിച്ചു പുറത്തായി. ഇന്ത്യന്‍ വനിതകള്‍ ഏഷ്യന്‍ഗെയിംസിന്റെ ഈ പതിപ്പില്‍ ആദ്യമായി രാജ്യത്തിന് സ്വര്‍ണ്ണം കൊണ്ടുവന്ന ദിവസമാണ് പുരുഷടീമിനെ ദുര്‍ബ്ബലരായ ജപ്പാന്‍ വിറപ്പിച്ചത്.
Comments