നടൻ കൃഷ്ണകുമാറിന്റെ മൂന്നാമത്തെ മകളാണ് ഇഷാനി കൃഷ്ണ. അഭിനേത്രിയായ അഹാനയുടെ സഹോദരി കൂടിയായ ഇഷാനി സിനിമയിലും സജീവമാണ്. ‘വൺ’ എന്ന ചിത്രത്തിലൂടെയാണ് അരങ്ങേറ്റം കുറിച്ച താരം ഇരുപത്തിരണ്ടു വർഷങ്ങൾക്ക് ശേഷം ജയറാമും മകൻ കാളിദാസും ഒന്നിച്ച ‘ആശകൾ ആയിരം’ എന്ന ചിത്രത്തിലും നായികയായിരുന്നു. സോഷ്യല്‍ മീഡിയയിലും സജീവമായ ഇഷാനി തന്റെ എല്ലാ വിശേഷങ്ങളും ചിത്രങ്ങളും അതിലൂടെ പങ്കിടാറുണ്ട്.
ഇപ്പോഴിതാ അഹാനയുടെ സംഗീത് നൈറ്റില്‍ തിളങ്ങിയ ചിത്രങ്ങള്‍ പങ്കിടുകയാണ് ഇഷാനി. ഇക്കഴിഞ്ഞ ദിവസമാണ് അഹാനയും തെന്നിന്ത്യയിൽ ഛായാഗ്രാഹകനായ നിമിഷ് രവിയും വിവാഹിതരായത്. അഹാനയുടെ വിവാഹദിവസം രാജകുമാരിയെപ്പോലെ തിളങ്ങിയ തന്റെ ചിത്രങ്ങള്‍ ഇഷാനി പങ്കിട്ടിരുന്നു. അതിനു പിന്നാലെയാണ് സംഗീത് നൈറ്റിലെ ഔട്ട്ഫിറ്റും സ്റ്റൈലിംഗും പരിചയപ്പെടുത്തുന്ന ചിത്രങ്ങള്‍ ഇഷാനി പങ്കിട്ടിരിക്കുന്നത്.
ഹെവി എംബ്രോയ്ഡറി, സീക്വിൻ അലങ്കാരങ്ങൾ, ബീഡ് ടാസ്സൽ എന്നിവ കൊണ്ടലങ്കരിച്ച ക്രോപ്പ് ബസ്റ്റിയർ-സ്റ്റൈൽ സ്ലീവ്‌ലെസ് ബ്ലൗസും റച്ച്ഡ് ഡീറ്റെയിലിംഗുള്ള വെര്‍ട്ടിക്കില്‍ സീക്വിൻ വർക്കുള്ള ഫ്ലോര്‍ ലെംഗ്ത് സ്കര്‍ട്ടുമാണ് ഇഷാനി ധരിച്ചിരിക്കുന്നത്. ഇതിനൊപ്പം ഫ്ലൂയിഡ് ദുപ്പട്ടയും താരം ധരിച്ചിട്ടുണ്ട്. മാങ് ടിക്ക, ചോക്കർ നെക്ലേസ് എന്നിവ കൂടിയായപ്പോള്‍ ഇഷാനിയുടെ ഭംഗി ഇരട്ടിയായി.
‘‘ചുവപ്പ് നിറത്തിന്റെ കൃത്യമായ അളവ്...
ഫോട്ടോഗ്രാഫിയും എഡിറ്റിംഗും...ഇവയിൽ നിന്ന് ഒരെണ്ണം മാത്രം തിരഞ്ഞെടുക്കാൻ എനിക്ക് കഴിയുന്നില്ല എന്നത് തന്നെ, മാജിക് മോഷന്‍ മീഡിയ ഇതിനെ എത്ര മനോഹരമായാണ് പകർത്തിയത് എന്ന് നിങ്ങളോട് പറയുന്നുണ്ടാകുമല്ലോ. ഓരോ ഫ്രെയിമിനും അതിന്റേതായ പ്രത്യേകതയുണ്ട്...
ഔട്ട്ഫിറ്റ്...സംഗീത് നൈറ്റിനായി, അല്പം വ്യത്യസ്തവും സമ്പന്നവും തികച്ചും ചുവപ്പ് നിറത്തിലുള്ളതുമായ ഒരു വസ്ത്രമാണ് ഞാൻ ആഗ്രഹിച്ചത്; സാന്റിന്നി അത് കൃത്യമായി ഒരുക്കിത്തന്നു. എനിക്കിത് ഒത്തിരി ഇഷ്ടമായി...
മേക്കപ്പും ഹെയർ സ്റ്റൈലും...ഈ വസ്ത്രത്തിനൊപ്പം എങ്ങനെയുള്ള ലുക്ക് വേണമെന്ന് എനിക്ക് വ്യക്തമായ ധാരണയുണ്ടായിരുന്നു, ഫെമി ചേച്ചി അത് കൃത്യമായി മനസ്സിലാക്കി. ഭംഗിയുള്ളതും ഗ്ലാമറസ് ആയതുമായ ഒരു ലുക്ക് വേണം, അതേസമയം അത് ‘ഞാൻ’ തന്നെയായിരിക്കണം എന്നും ആഗ്രഹിച്ചിരുന്നു; എല്ലാം കൂടി ഒത്തിണങ്ങിയ രീതി എനിക്ക് ശരിക്കും ഇഷ്ടമായി...
ആഭരണങ്ങൾ...ഓസിയുടെ കളക്ഷൻ മനോഹരമാണെന്ന് എനിക്കറിയാമായിരുന്നു, എന്നാൽ വിവിധ ചടങ്ങുകൾക്കായി അവരുടെ ശേഖരം പരിശോധിച്ചപ്പോഴാണ് തിരഞ്ഞെടുക്കാൻ എത്രയധികം ഓപ്ഷനുകൾ ഉണ്ടെന്ന് ഞാൻ മനസ്സിലാക്കിയത്... ഓസി, എനിക്കിത് ഒത്തിരി ഇഷ്ടമായി...
ഡെക്കര്‍...പിന്നെ റെഡ് ഡോട്ട് ഇവന്റ്സ് ഒരുക്കിയ അതിമനോഹരമായ ആ സെറ്റിംഗ് - കടും ചുവപ്പ് നിറങ്ങൾ, പൂക്കൾ, ഡ്രേപ്പിംഗ്, പിന്നെ ആ ഊഷ്മളമായ ലൈറ്റിംഗ് എന്നിവയെല്ലാം ചേർന്ന് ആ ലുക്കിന് കൂടുതൽ ആകർഷണീയത നൽകി. എല്ലാം തികച്ചും മികച്ചതായിരുന്നു...’’ എന്നാണ് ചിത്രങ്ങള്‍ പങ്കിട്ട് ഇഷാനി കുറിച്ചിരിക്കുന്നത്. ചേച്ചിയായ അഹാനയുടെ സംഗീത് നൈറ്റില്‍ ഏറ്റവുമധികം തിളങ്ങിയതും ഇവന്റ് ആസ്വദിച്ച് ആഘോഷിച്ചതും സഹോദരിമാരായ ദിയയും ഇഷാനിയും ഹന്‍സികയുമാണ് എന്നത് ഇവര്‍ പങ്കിട്ട ചിത്രങ്ങളിലൂടെ വ്യക്തമാണ്.
Comments