നടന്‍ കമല്‍ ഹാസനൊപ്പമുളള ചിത്രം പങ്കുവെച്ച് സൂരി. തന്റെ ജീവിതത്തിലെ മറക്കാനാവാത്ത നിമിഷങ്ങളില്‍ ഒന്ന് എന്നാണ് താരം ഈ കൂടിക്കാഴ്ചയെ വിശേഷിപ്പിച്ചത്.
"എന്റെ ജീവിതത്തിലെ ഒരിക്കലും മറക്കാനാവാത്ത നിമിഷങ്ങളില്‍ ഒന്ന്. ഡോ. കമല്‍ ഹാസന്‍ സര്‍, നിങ്ങളുടെ നിരുപാധികമായ സ്‌നേഹവും ശക്തമായ വാക്കുകളും അനുഗ്രഹങ്ങളും ഞങ്ങളുടെ മണ്ടാടി യാത്രയെ കൂടുതല്‍ സവിശേഷമാക്കി. ഈ മനോഹരമായ നിമിഷം സാധ്യമാക്കിയ മഹേന്ദ്രന്‍ അണ്ണനും ഡിസ്‌നി സഹോദരനും ഹൃദയംഗമമായ നന്ദി.
കമല്‍ സര്‍ പറഞ്ഞ ഓരോ വാക്കും എന്റെ സിനിമാ യാത്രയ്ക്ക് ലഭിച്ച ഏറ്റവും വലിയ ആത്മവിശ്വാസവും പുതിയ വെളിച്ചവുമാണ്. മണ്ടാടിയെക്കുറിച്ച് അദ്ദേഹം പങ്കുവെച്ച കാഴ്ചപ്പാടുകള്‍ ജീവിതകാലം മുഴുവന്‍ എന്നെ നയിക്കുന്ന അനുഗ്രഹമാണ്" എന്നായിരുന്നു ചിത്രങ്ങള്‍ക്കൊപ്പം സൂരി കുറിച്ചത്.
അതേസമയം സൂരിയെ നായകനാക്കി മതിമാരന്‍ പുകഴേന്തി സംവിധാനം ചെയ്ത ഏറ്റവും പുതിയ ചിത്രമാണ് മണ്ടാടി. കടലിന്റെ പോരാട്ടത്തിന്റെ കഥ പറയുന്ന ചിത്രം മികച്ച പ്രേക്ഷക പ്രതികരണം നേടി മുന്നേറുകയാണ്.
തെലുങ്ക് താരം സുഹാസ് ആണ് ചിത്രത്തില്‍ വില്ലനായെത്തുന്നത്. മഹിമ നമ്പ്യാരാണ് ചിത്രത്തിലെ നായിക. സൂരിയെ കൂടാതെ സത്യരാജ്, മിഥുന്‍ ജയ് ശങ്കര്‍, രവീന്ദ്ര വിജയ്, ബാല ശരവണന്‍, കൃതിക ബാലസുബ്രഹ്മണ്യം എന്നിവരും ചിത്രത്തില്‍ നിര്‍ണ്ണായക വേഷങ്ങളില്‍ അഭിനയിക്കുന്നുണ്ട്.
Comments