തിരുവനന്തപുരം: ചില കാര്യങ്ങള്‍ വൈകി എന്നത് ഒഴിച്ചാല്‍ ശബരിമലയില്‍ ദേവസ്വം ബോര്‍ഡും സര്‍ക്കാരും തമ്മില്‍ ഒരു പ്രശ്‌നങ്ങളില്ലെന്ന് മുഖ്യമന്ത്രി വി ഡി സതീശന്‍. സര്‍ക്കാരിന്റെ ഭാഗത്തുനിന്ന് ചെയ്യേണ്ട കാര്യങ്ങള്‍ കൃത്യമായി ചെയ്യുന്നുണ്ടെന്നും മണ്ഡലകാല സമയത്ത് ബോര്‍ഡിനെ മാറ്റാന്‍ ഒരു ശ്രമവും സര്‍ക്കാര്‍ നടത്തില്ലെന്നും വാര്‍ത്താസമ്മേളനത്തില്‍ വ്യക്തമാക്കി.
ചില കാര്യങ്ങള്‍ വൈകി എന്നത് വാസ്തവമാണ്. എന്നിരുന്നാലും ശബരിമലയിലെ നടത്തിപ്പിന്റെ പ്രധാന ചുമതല ദേവസ്വം ബോര്‍ഡിനാണ്. മണ്ഡലകാല സമയത്ത് ബോര്‍ഡിനെ മാറ്റാന്‍ ഒരു ശ്രമവും സര്‍ക്കാര്‍ നടത്തില്ല. ദേവസ്വം ബോര്‍ഡ് ആവശ്യപ്പെടുന്ന കാര്യങ്ങളില്‍ സര്‍ക്കാര്‍ അടിയന്തരമായി ഇടപെടുമെന്നും പറഞ്ഞു. മണ്ഡലകാലത്ത് സര്‍ക്കാരിന്റെ പിന്തുണ തേടി ദേവസ്വം പ്രസിഡണ്ട് കെ ജയകുമാര്‍ മുഖ്യമന്ത്രിയെ കണ്ടു.
സര്‍ക്കാരിന്റെ പിന്തുണ തേടി കെ ജയകുമാര്‍ മുഖ്യമന്ത്രിയെ കണ്ടു. ബോര്‍ഡിനെ ശത്രുപക്ഷത്ത് നിര്‍ത്തരുതെന്നും എല്ലാ സഹായങ്ങളും ഉണ്ടാവണമെന്നും മുഖ്യമന്ത്രിയോട് ആവശ്യപ്പെട്ടു. കാലാവധി പൂര്‍ത്തിയാക്കി മാത്രമേ സ്ഥാനത്തുനിന്ന് ഇറങ്ങൂ എന്നും കെ ജയകുമാര്‍ വ്യക്തമാക്കി. രാജിവെക്കുമെന്ന വാര്‍ത്തകള്‍ക്ക് അടിസ്ഥാനം ഇല്ലെന്നും ദേവസ്വം ബോര്‍ഡ് പ്രസിഡണ്ട് പറഞ്ഞു.
ദേവസ്വം പ്രസിഡന്റുമായി അഭിപ്രായ വ്യത്യാസമുണ്ടെങ്കിലും ഏറ്റുമുട്ടല്‍ ആഗ്രഹിക്കുന്നില്ലെന്ന് ദേവസ്വം മന്ത്രി കെ. മുരളീധരനും പറഞ്ഞു. എല്ലാ പ്രശ്‌നങ്ങളും പരിഹരിക്കണം. ഭക്തര്‍ക്ക് ശബരിമല ദര്‍ശനം ഭംഗിയാക്കുകയാണ് സര്‍ക്കാര്‍ ലക്ഷ്യം. ഇതുവരെ സ്വീകരിച്ച നടപടികളില്‍ ഗവണ്‍മെന്റിന് അസംതൃപ്തിയുണ്ട്. അത് പരസ്യമായി പ്രകടിപ്പിച്ചിട്ടുണ്ടെന്നും മുരളീധരന്‍ വ്യക്തമാക്കി.
Comments