തിരുവനന്തപുരം: മാസപ്പടി കേസ് പ്രത്യേക അന്വേഷണസംഘം അന്വേഷിക്കാതെ സിബിഐ യ്ക്ക് വിടണമെന്ന് ഷോണ്‍ജോര്‍ജ്ജ്. കേസില്‍ ആരോപണവിധേയരില്‍ ആഭ്യന്തരമന്ത്രി രമേശ് ചെന്നിത്തലയും ഉള്‍പ്പെട്ടിരിക്കുന്ന സാഹചര്യത്തില്‍ അന്വേഷണത്തിന് നിര്‍ദേശം നല്‍കാന്‍ ആഭ്യന്തര മന്ത്രിക്ക് കഴിയില്ലെന്നും അതുകൊണ്ടു തന്നെ മറ്റൊരു ഏജന്‍സി അന്വേഷിക്കണമെന്നും വാര്‍ത്താസമ്മേളനത്തില്‍ വ്യക്തമാക്കി.
ഡിജിപി നല്‍കിയ ഇ.ഡി.യുടെ കത്ത് പ്രകാരം ഇനി നടക്കുന്ന എസ്‌ഐടി യുടെ അന്വേഷണം കയ്യിലുള്ള തെളിവുകള്‍ കൂടി തേച്ചുമായ്ച്ചു കളയാന്‍ ഉള്ളതാണെന്നും പറഞ്ഞു. ഇഡി കത്ത് കൊടുത്തത് ഡിജിപിക്കാണ്. എന്നാല്‍ ആരോപണ വിധേയനായ ആഭ്യന്തരമന്ത്രിയാണ് എഫ്‌ഐആര്‍ ഇടേണ്ടതില്ലെന്ന് പറഞ്ഞത്. മുഖ്യമന്ത്രിയും ആഭ്യന്തരമന്ത്രിയും കേസില്‍ പ്രതിയാണ്. എസ്‌ഐടി ഇവരെ ചോദ്യം ചെയ്യുമോയെന്നും ചോദിച്ചു. പുറത്തുവന്ന കണക്കുകള്‍ നിരവധിയായ ചോദ്യങ്ങള്‍ക്ക് മറുപടി നല്‍കുന്നതാണെന്നും ഇത്രയും വ്യക്തമായ തെളിവുകള്‍ ഉണ്ടായിട്ടും വിഷയം വിജിലന്‍സ് അന്വേഷിക്കാത്തത് എന്തുകൊണ്ടാണെന്നും ഷോണ്‍ ജോര്‍ജ് ചോദ്യമുന്നയിച്ചു.
ഹരിത എംഎല്‍എ എന്ന് അവകാശപ്പെട്ട മുഖ്യമന്ത്രി മാലിന്യം തള്ളുന്നവരില്‍ നിന്ന് പണം വാങ്ങിയെന്നും കാപട്യം എന്താണെന്നു മുഖ്യമന്ത്രിയെ കണ്ടുപഠിക്കണമെന്നും ഷോണ്‍ ജോര്‍ജ് പറഞ്ഞു. സി എം ആര്‍ എല്‍ മാനേജിംഗ് ഡയറക്ടര്‍ ശശിധരന്‍ കര്‍ത്തായില്‍ നിന്ന് പിടിച്ചെടുത്ത ഡയറിയിലെ സുപ്രധാന എന്‍ട്രികള്‍ അടങ്ങിയ പേജ് ഇന്ന് ഷോണ്‍ജോര്‍ജ്ജ് വാര്‍ത്താസമ്മേളനത്തില്‍ പുറത്തുവിട്ടിരുന്നു. ഇതില്‍ പ്രതിപക്ഷ നേതാവ് പിണറായി വിജയനൊപ്പം മുഖ്യമന്ത്രി വി ഡി സതീശന്റെയും പേരുണ്ടായിരുന്നു.
കേസില്‍ പിണറായിക്കെതിരെ സംസ്ഥാന സര്‍ക്കാര്‍ വിജിലന്‍സ് അന്വേഷണം പ്രഖ്യാപിക്കാത്തതിന്റെ കാരണം വി.ഡി. സതീശന്‍ ഉള്‍പ്പെടെയുള്ള യു.ഡി.എഫ്. നേതാക്കളുടെ പേരുകളും ഉള്‍പ്പെട്ടിട്ടുള്ളത് കൊണ്ടാണെന്നും പറഞ്ഞു. ഉമ്മന്‍ ചാണ്ടി, രമേശ് ചെന്നിത്തല, വി എസ് അച്ചു..., കെ മുരളീധരന്‍, സി കെ ചന്ദ്രപ്പന്‍, എളമരം കരീം, ഗോവിന്ദന്‍ മാസ്റ്റര്‍, ഹൈബി ഈഡന്‍, പന്ന്യന്‍ രവീന്ദ്രന്‍, എസ് ശര്‍മ്മ, പി രാജീവ്, ഷിബു ബേബി ജോണ്‍, കെ ബി ഗണേഷ് കുമാര്‍ തുടങ്ങിയ രാഷ്ട്രീയ നേതാക്കളുടെ പേരുകള്‍ അടങ്ങിയ താളാണ് പുറത്തുവന്നിട്ടുള്ളത്. എന്‍ഫോഴ്‌സ്‌മെന്റ് ഏജന്‍സിയായ എസ് എഫ് ഐ ഒ കോടതിയില്‍ സമര്‍പ്പിച്ച രേഖകളുമായാണ് ബി ജെ പി നേതാവ് എത്തിയത്.
Comments