ഐച്ചി-നഗോയ: ഏഷ്യൻ ഗെയിംസിൽ മിക്സഡ് ടീം സ്കീറ്റ് ഇനത്തിൽ വെങ്കല മെഡൽ നേടി അനന്ത്ജീത് സിംഗ് നരുക്കയും പരിനാസ് ധാലിമാളും ഇന്ത്യക്കായി ചരിത്രം കുറിച്ചു. മിക്സഡ് ടീം സ്കീറ്റ് ഇനത്തിൽ ഇന്ത്യയുടെ ആദ്യ മെഡലാണിത്.
യോഗ്യതാ മത്സരത്തിൽ 138 പോയിന്റോടെ നാലാം സ്ഥാനത്തെത്തിയാണ് ഇന്ത്യൻ ജോടി ഫൈനലിലേക്ക് മുന്നേറിയത്. തുടർന്ന് ഏഷ്യൻ ഗെയിംസ് ചരിത്രത്തിൽ മിക്സഡ് ടീം സ്കീറ്റിൽ ഇന്ത്യയുടെ ആദ്യ മെഡലും അവർ സ്വന്തമാക്കി. ചൈന 52 പോയിന്റോടെ സ്വർണ്ണവും, 51 പോയിന്റോടെ ദക്ഷിണ കൊറിയ വെള്ളിയും സ്വന്തമാക്കി. ഖത്തർ 18 പോയിന്റോടെ നാലാം സ്ഥാനത്ത് ഫിനിഷ് ചെയ്തു.
മത്സരത്തിൽ 44 പോയിന്റ് നേടി മൂന്നാം സ്ഥാനത്തെത്തിയാണ് ഇന്ത്യ വെങ്കല മെഡൽ സ്വന്തമാക്കിയത്. ദക്ഷിണ കൊറിയക്കൊപ്പം 44 പോയിന്റ് നേടിയിരുന്നെങ്കിലും, യോഗ്യതാ മത്സരത്തിൽ നാലാം സ്ഥാനത്തായിരുന്ന ഇന്ത്യക്ക് യോഗ്യതാ റാങ്കിംഗിന്റെ അടിസ്ഥാനത്തിലാണ് വെങ്കലം ലഭിച്ചത്. ഖത്തർ ഒന്നാമതും, ചൈന മൂന്നാമതും, ഇന്ത്യ നാലാമതുമാണ് യോഗ്യതാ റൗണ്ടിൽ ഫിനിഷ് ചെയ്തത്.
Comments