മലയാളത്തിന്റെ എക്കാലത്തെയും ഇതിഹാസ നടനാണ് തിലകൻ. അദ്ദേഹം ഓർമയായിട്ട് ഇന്ന് 14 വർഷം തികയുകയാണ്. ഈ അവസരത്തിൽ സമൂഹമാധ്യമത്തിൽ കുറിപ്പ് പങ്കുവെച്ചിരിക്കുകയാണ് നടനും കൊച്ചുമകനുമായ അഭിമന്യു ഷമ്മി തിലകൻ.
"മാഞ്ഞുപോകാത്ത ഓർമ്മകളിൽ മുറുകെപ്പിടിച്ച്... അച്ഛച്ചാ.. ഒരുപാട് മിസ്സ് ചെയ്യുന്നു" എന്നായിരുന്നു ചിത്രം പങ്കുവെച്ചുകൊണ്ട് അഭിമന്യു കുറിച്ചത്.
അതേസമയം, അച്ഛന്റെയും മുത്തച്ഛന്റെയും പാത പിന്തുടർന്ന് ഇന്ന് മലയാള സിനിമയിൽ സജീവമാവുകയാണ് അഭിമന്യു. ഉണ്ണി മുകുന്ദൻ നായകനായ 'മാർക്കോ' എന്ന ആക്ഷൻ ചിത്രത്തിലെ 'റസ്സൽ ഐസക്' എന്ന ക്രൂരനായ പ്രധാന വില്ലൻ കഥാപാത്രത്തെ അവതരിപ്പിച്ചുകൊണ്ടാണ് അഭിമന്യു അരങ്ങേറ്റം കുറിച്ചത്. നിവിന്‍ പോളി ചിത്രം ബേബി ഗേളിലും താരം അഭിനയിച്ചിരുന്നു.
Comments