72-ാമത് ദേശീയ ചലച്ചിത്ര പുരസ്‌കാര നേട്ടത്തിന് പിന്നാലെ തന്റെ സന്തോഷം അമ്മയോടൊപ്പം പങ്കുവെച്ച് നടനും സംവിധായകനുമായ ധനുഷ്. തനിക്ക് ലഭിച്ച ദേശീയ അവാര്‍ഡ് മെഡല്‍ ധനുഷ് ആദ്യം അണിയിച്ചത് തന്റെ അമ്മ വിജയലക്ഷ്മിയുടെ കഴുത്തിലായിരുന്നു.
അമ്മ മെഡല്‍ ധരിച്ചിരിക്കുന്ന ചിത്രം ധനുഷ് സമൂഹമാധ്യമങ്ങളില്‍ പങ്കുവെച്ചിട്ടുണ്ട്. അഭിമാനത്തോടെ പുഞ്ചിരിക്കുന്ന അമ്മയുടെ ചിത്രത്തിനൊപ്പം "ആ പുഞ്ചിരിക്ക് വേണ്ടി മാത്രം" എന്ന ഹൃദ്യമായ അടിക്കുറിപ്പും താരം ചേര്‍ത്തിട്ടുണ്ട്. ഈ സ്‌നേഹനിമിഷം നിമിഷനേരം കൊണ്ട് ആരാധകര്‍ ഏറ്റെടുത്തു. നിരവധി പ്രമുഖരും ആരാധകരുമാണ് അമ്മയും മകനുമുള്ള ഈ ബന്ധത്തെ പ്രശംസിച്ച് കമന്റുകളുമായി രംഗത്തെത്തിയത്.
'റായന്‍' എന്ന ചിത്രത്തിന്റെ സംവിധാനത്തിനാണ് ധനുഷിന് ദേശീയ പുരസ്‌കാരം ലഭിച്ചത്. സംവിധായകന്‍ എന്ന നിലയിലുളള താരത്തിന്റെ ആദ്യ ദേശീയ അവാര്‍ഡ് നേട്ടമാണിത്. കൂടാതെ 'ക്യാപ്റ്റന്‍ മില്ലര്‍' എന്ന ചിത്രത്തിലെ അഭിനയത്തിന് പ്രത്യേക പരാമർശവും ധനുഷിനെ തേടിയെത്തി.
Comments